أولاً السلام عليكم و رحمه اللّٰه و بركاته
أنا بنت عندها ١٦ سنه يعني داخله تانيه
في فتره إعدادي كنت بلبس لبس أستغفر اللّٰه العظيم بجد كان مبين جسمي بمعنى انو ديق جدا و بناطيل كارجو و عليها تيشرتات ديقه جدا و قصيره و البنطلون نفسو من فوق بيبقا ديق دا كان ستايلي و فضلت فتره إعدادي كلها البسو
فجأه و الحمد لله فكرت مع نفسي و قررت اغير كل دا و البس سكيرتات ع تيشرتات واسعه و الطرحه الفها بطريقه متبينش رقبتي ذي مكنت بعمل و مبتبينش شعري
ونا اخدت القرار دا عشان أرضي ربنا و عشان أبويا اغلى من أنو يتعذب ف الأخره بسبب لبسي الديق و كمان اللبس دا أفضل مش بس ف الوسع و الراحه كمان مبلفتش أنظار الناس ليا و شكلو رقيق و كاجوال
و الحمد لله انا قفلت خالص من اللبس بتاعي زمان و البناطيل جداً و كل حاجه ديقه بتخلي اي واحد يبصلي بشكل مش كويس ميرضيش ربنا
أنا كان كلل لبسي وحش جدا بسبب اني لبستو لفتره كبيره و بقيت اجيب كتير منو ف انا اشتريت سكريت واحده سودا و معاها دريس و مكنش عندي غير تيسرت واحد اقدر البسو عليه و تيشرت واسع كدا معنديش غير طقمين يعتبر
نزلت أجيب من المحافظه اللي انا فيها لبس مناسب و يكون واسع و حلو ملقتش .. بجد و الله ملقتش لبس محترم و محتشم و لو لقيت بيبقا لكبار مش سني و كل الدريسات ديقه من فوق جدااا مش بسبب حزام لاء القماشه نفسها كدا يأما كدا او تيشرتات كبيره جدا متلقش ع سكيرتات و شكلها وحش جداً
ف تمام نزلت القاهره لقيت عشان اجيب حاجه محترمه و شكلها حلو يناسبني هتكلفني القطعه الواحده تيشرت حتى ألف و حاجه لفين وسط البلد و روكسي و ملقتش حاجه تكون سعرها معقول و محترمه و اغلب اللبس نفس اللي لقيتو ف محافظتي سألت قريبتي هي من محافظه تانيه اللبس عندها عامل ازاي قالتلي غالي جداً بردو و إنها هتفصل هدوم عشان مش لاقيه حاجه كويسه
أمي كل مفاتحها او بابا ف موضوع اللبس و اني مش لاقيه تزعق و تقولي أنتي مكنش ينفع تغيري لبسك بالسرعه دي و تصر اني ارجع البس اللبس اللي كنت بلبسو لأن مفيش من لللي انا عايزاه و بابا نفس الكلام و كل منزل معاها تحاول تقنعني اشتري بناطيل مع اني قولتلها خلاص انا مش هجيب نهائي لأن البناطيل بكل صورها حتى لو واسعه مينفعش تتلبس و حرام و هي بردو كللل متلاقي تقولي مع إن المفروض تعرف اني اكيد عايزه البس بناطيل بس لاء عشان ارضي ربنا و قولتلها كذا مره و بردو تتخانق معايا إني غيرت ستايل لبسي فجأه و إن دا غلط و كل مقولها ان حرام تقولي كان حلو و البناطيل جميله و لما انزل معاها عشان اشوف دريس تختارلي اللي ديقين من فوق و اقولها لاء تقولي انتي جسمك حلو مش وحش عشان متلبسيش دول و اقولها إن مش هستفاد حاجه لو واحد ملهوش اي تلاتين لازمه بصلي بصه وحشه و اخد سيئات بسببو و بردو كل متشوف تقولي نفس الجمله
و المشكله إن بابا موافقها ع فكره انك ليه غيرتي لبسك فجأه و دا مخلي الأتنين بقوا عليا كل مختار لبس
و كمان هم مش فاهمين فكره إن البنات ف سني بيحبوا يلبسوا كذا حاجه و يخرجوا أنا مبقتش عارفه اخرج ب ايه يعني طول فتره الدروس بلبس الطقمين دول و دلوقتي و مبقتش عارفه خلاص اخرج ب ايه الحمد لله بس نفسي أعيش ذي اللي ف سني و اجيب هدوم بس محترمه
ف أنا حقيقي مبقتش عارفه اعمل ايه لدرجه انا طول الأجازه مخرجتش ولا خروجه بسبب كدا و عشان اسباب تانيه بيعارضوني فيها بردو
أسفه عشان طولت و شكراً لكل حد قرأ لحد الأخر
وعليكم السلام ورحمه الله وبركاته. اولا ربنا يثبتك على اختيارك الصح واشكري ربنا واحمديه كتير جدا جدا انه نعمل ايه مع ماما وبابا نصبر ليه لانه هو ده اللي انت هتاخدي عليه اكل كبير جدا جدا المقاومات اللي بتحصل من حواليك يا ترى هتخليك ترجعي عن الطريق الصح اللي انت اخترتيه ولا هتضعفي وترجعي للطريق تاني الغلط كل ده ربنا حطيته لك عشان ضغط يشوفك هتثبتي ولا لا ولا هتضعفي ولا هتتقصري الكلام فاستفيدي بالمقاومه او بكلام ماما وبابا بانك تشوفي الاكل بتاعك بيزيد مع كل مره هم بيقولوا لي كده وانت تقولي لهم لا مش هغير ومش هرجع عندها تاني. انه ربنا بيتقلك اجرك بيتقلك حسناتك يا بختك بصراحه بقى.ساعدك في انك تاخدي الخطوه دي في سنك الجميل ده. تعملي ايه في الوضع اللي انت فيه خلينا نعمل حاجه تكون وسط. يعني تقدري تجيبيه الجيسات اللي هي موجوده؟ عندك بس مشكلتها ان هي تبقى ضيقه من فوق يعني من عند منطقه الصدر كده نجيب بقى طرح تكون عريضه وطويله ونلف الطرحه بنفس طريقه الخمار هنغطي الجزء اللي فوق بتاع الفستان فهنبقى اي منطقه ممكن تكون ضيقه مفصله قوي شكل الجسم ده حلو او نجيب جاكيت مثلا زي الجاكيت الجينز او كوردجين الحاجات دي بتبقى لطيفه هي بتبقى واسعه ونجيب واحد يكون بيزك لونه ساده تقدري مع الفساتين اللي انت بتجيبيها تلبسيها فوقيه او ممكن حدد لكم قصير شويه او تقصيه يكون برده زي الج وتلبسيه من فوق الفستان بحيث ان هو يغطي المنطقه اللي فوق. والحاجات دي بتكون اسعارها اهدى كتير قوي فتقدري بقى تجيبي كذا فستان او حاجات مختلفه ممكن تستخدمي الطريقه بتاعه بس بيكون الشرط انك لو شفت الحاجه لو ما عندكيش تقدري ترجعيها تاني مع مع المندوب من غير ما تدفعي ما فيش اي مشكله وتقدري تتاكدي من ده من الفيديو اللي هتطلبي منها قبل ما تقولي لهم عجبتني تمام لو ما عجبتنيش هرجعهم على المادوب في حق التوصيل وحق التوصيل احنا هنعتبره كاننا نزلنا مشوار ودفع المواصلات لحد محل والله ما فيش حاجه عجبكم بعضنا ورجعنا تاني يعني احنا نعتبر الاوردر بتاع التوصيل كاننا نزلنا مشوار ورجعنا تمام.
تم النشر السبت، ١ يونيو ٢٠٢٤
وعليكم السلام ورحمة الله وبركاته. أولًا، أنا فخورة جدًا بيكِ على قرارك والتزامك بتغييرات إيجابية عشان ترضي ربنا وتكوني مرتاحة في لبسك! بالنسبة لموضوع الملابس، دي شوية نصايح ممكن تفيدك: حاولي تطوري مهارة التفصيل: لو تقدري تتعلمي تفصلي الملابس بنفسك أو عندك حد قريب ممكن يساعدك، ده هيكون حل ممتاز. ممكن تلمي القماش وتقدمي افكارك للموديلات اللي تبيغيها. التسوق أونلاين: جربي تدوري على مواقع تسوق أونلاين. فيه مواقع كتير بتعرض ملابس واسعة ومحتشمة بأسعار معقولة. إعادة تصميم ملابسك القديمة: لو عندك تيشرتات أو دريسز من زمان بس ديقة، حاولي تجيبيها عند خلي بالك وترتيها للبسيها بشكل أوسع. تفاوضي مع أهلك بهدوء: حاولي تشرحي لأهلك بهدوء وجهة نظرك ومخاوفك. ممكن تكتبي لهم رسالة تعبر فيها عن شعورك وأسباب تغييرك لستايلي القديم، وكيف إن ده جاي من حبك لربنا واهتمامك برضاهم عنك. الصبر: التغييرات الكبيرة زي كده بتاخد وقت عشان الناس تتقبلها، استمري في موقفك وأدعي ربنا يهدي قلوبهم للوضع الجديد. مشاركة قصتك: حاولي تشوفي جروبات أو منتديات للبنات اللي في نفس حالتك، ممكن تلاقي نصائح وتجارب تفيدك من البنات اللي واجهوا نفس التحدي. وأخيرا، إنتِ مش لوحدك، وثقتك بربنا وبنفسك هي أكبر سند ليكِ. استمري في النية الصافية والتغيير الإيجابي، وربنا إن شاء الله هيعوضك بكل خير. 🌸📿
تم النشر الجمعة، ٣١ مايو ٢٠٢٤
شوفي يا كتكوته أنتي اختراتي الصح بدون شك تمم ولازم تعرفي أن من ترك شيئا لله عوضه الله خيرا منه تمام كده تمام تاني حاجه لومعاكي انستا أو تيك توك في بنات كتييير بتبيع لبس محترم و واسع و ها يناسب سنك و في اودر لي حد البيت جربي و شوفي يا كتكوته
تم النشر السبت، ١ يونيو ٢٠٢٤
اقولك انا تعملي اي أولا هقنعك بأدلة وجوب ستر الوجه وهمشي معاكي لحد ما تعملي كده وهحاول اساعدك أو اخلي بنت تساعدك ف انك تلاقي لبس واكيد هيبقا مناسب بإذن الله لأنه هيبقا من محلات إسلامية
تم النشر السبت، ١ يونيو ٢٠٢٤
لعرض السؤال في فدني اضغط هنا