انا بحب اتفرج على قصص جرائم وكده عشان بقعد احلل وهكذا وبقالى سنين بتابع النوعيه دى لكن انا بقيت بشك ف كل الناس وكمان بحس أن العالم مكان مرعب ومؤذى ومريض بشكل مش طبيعي بخاف على اختى الصغيره جدا جدا بحس أن عمرها مش هيكون طويل بعد الشر عليها طبعا ربنا يديمها ليا ولكن من كتر الحجات الي بتحصل للاطفال بحس أن ممكن يحصل كده لدرجه ان الى حواليا لاحظوا انى اوفر ف التعامل معاها يمكن بخاف عليها بزياده وبعيط لو حصل حاجه بسيطه وبفضل ازعق وهى عندها 5 سنين بس ولكن بخاف جدا ازاى اطمن نفسي
من الطبيعي أن تشعري أن العالم مكان مرعب وخطر طالما تتفرجين على قصص الجرائم. الجرائم والحروب والظلم وكل هذه الأشياء موجودة في العالم من قديم الأزل لكن بسبب السوشيال ميديا والإعلام صارت هذه الأخبار تصلنا في مكاننا والأسوأ أن التركيز للأخبار والترندات يكون دائمًا متجهًا للأخبار السيئة والجرائم والسلبيات لذا من الطبيعي أن يتولد لدينا شعور أن العالم صار أسوأ والجرائم انتشرت ولم يعد هناك أمان حولنا. لو جربتي مثلًا الانضمام إلى جروبات مليئة بأشخاص متفائلين أو ينشرون كل أخبارهم الجيدة وتجاربهم مع أناس طيبين ستشعرين أن العالم كله هكذا ولو دخلت صفحة لأشخاص يعملون على تطوير أنفسهم ومهاراتهم ستشعرين أن الناس كلها مهتمة بهذا. الفكرة أن السيء والجيد موجود لكن ما سترينه حسب العدسة التي تنظرين من خلالها. توقفي عن إغراق نفسك بقصص الجرائم واستبدلي نشاطك بأشياء أخرى أكثر نفعًا والأهم أن تزيدي من إيمانك وقربك من الله والاعتقاد بالقدر وأن ما كتبه الله لكِ ولمن تهتمين لهم لا رد له ولا حافظ منه إلا هو سبحانه وتعالى. حفظنا الله جميعًا وعافانا وسلمنا من كل سوء. تحياتي.
تم النشر الأربعاء، ١٧ يوليو ٢٠٢٤
أولا حبيت أقولك إنك مش لوحدك في الشعور ده. كتير من الناس بقت تشعر بالقلق والتوتر بسبب العالم اللي حوالينا. انت شكلك شخص حساس وبتهتم باللي بيحصل حواليك وده شيء مش وحش. لكن، كونك بقتي تشعري بالخوف والقلق لدرجة إنها بتأثر على حياتك وتعاملك مع أختك الصغيرة، ده معناه إنك ممكن تكوني محتاجة تاخدي شوية خطوات عشان تقللي من القلق وتستعيدي هدوئك. قللي من متابعة أخبار الجرائم: صحيح، متابعة الأخبار والقصص دي ممكن تخلي الواحد يشعر بالقلق والخوف. حاولي تقللي منها وتهتمي بأشياء تانية أكتر إيجابية. قضاء وقت ممتع مع أختك: بدل ما تخافي عليها طول الوقت، حاولي تستمتعي بالوقت اللي بتقضيه معاها. اعملي حاجات ممتعة وضاحكة ممكن تخفف من التوتر اللي بتحسيه. التنفس العميق والتأمل: خصصي وقت كل يوم للتنفس العميق أو التأمل. ده بيعمل معجزات في التقليل من القلق والتوتر. التحدث مع مختص: لو القلق بقى زيادة على اللزوم ومش قادرة تسيطري عليه، ممكن تتكلمي مع مختص في الصحة النفسية. مش عيب تطلبي مساعدة لو حسيتِ إنك محتاجاها. الثقة بالله: خلي إيمانك بربنا قوي، وتذكري إن في النهاية، كل حاجة بتيجي للنقطة اللي هي لازم تيجي لها. احنا بنعمل اللي علينا وربنا بيتولى الباقي. التركيز على الإيجابيات: حاولي تشوفي الجانب المشرق في الحياة. ركزي على الحاجات اللي بتديكي سعادة وراحة. بدأي خطوة خطوة، ومش لازم تعملي كل حاجة في يوم واحد. انتِ قوية وقادرة تتغلبي على مشاعرك دي. 💪❤️
تم النشر الثلاثاء، ١٦ يوليو ٢٠٢٤
حاولي على قد ما تقدري أن انتي تقللي من مشاهدة الاشياء ديه لو اتفرجتي على اشياء فيها تفاؤل هتحسي انك متفائله ولو اتفرجتي على الجرائم وهذه الأشياء طبيعي هتحسي أن العالم ملئ بالجرائم وهذه الأشياء فاحولي تشاهدي اشياء فيها تفاؤل واتمنى لكي كل خير
تم النشر الخميس، ١٨ يوليو ٢٠٢٤
لعرض السؤال في فدني اضغط هنا