السلام عليكم انا كنت بكلم شخص بقالي سنين بس كلام عادي ولا حب ولا حاجة كنا بنروح ونيجي ولما اتعرف عليا وحبته ساعتها قالي انه كان يعرف صاحبتي وكان مرتبط بيها وصاحبتي ف الوقت ده كانت مخطوبة وهتتجوز خلاص وهي مكنتش حكيالي حاجة فقولت خلاص اكيد هي سيباه مش فارقلها المهم حبيته وبعدين سيبنا بعض وكنا بنكلم بعض شوية ونسيب بعض بس مكنش في حب كان كلام عادي لحد مااراد ربنا واتخطبنا بس لقيته مكلم صاحبتي دي ع اكونت الصراحة بيبعتوا رسايل لبعض هي كل شوية تبعتله وتكلمه مع انها متجوزة ومخلفه هو بيديني الايميل بتاعه بفتحه فشوفت قبل كده الرسايل بس مكناش لسه اتخطبنا من سنة كده بس مكنش بيرد عليها بس المره دي لقيته متجاوب معاها وبيكلمها فبصراحة زعلت اوي بس الكلام ده كان قبل مايخطبني بشهرين ومكناش بنتكلم ف الفترة دي انا اول لما شوفت الرسايل كنت هفشكل بس هو قعد يتحايل عليا ويقولي والله بتسلي معاها وبحبك انتي وعايزك وانا من ساعت مانويت اني اتقدملك وانا قطعت معاها اديني فرصة وشوفيني وانا معاكي ربنا بيسامح انتي مش عايزة تستمحيني ليه بصراحة انا عايزاه وف نفس الوقت خايفه من بعدين ممكن تبعتله ويضعف ف اي لحظة ويكلمها انا كنت ناويه ابعت لجوزها بس قولت لو كلمته تاني هبعتله علشان اللي بتعمله ده غلط وحرام
رأيكم اكمل معاه واديه فرصة ولا افشكل
الرسول صلى الله عليه وسلم قال إذا جاءكم من ترضون دينه وخلقه فزوجوه..إلى آخر الحديث الشريف انتى دلوقتى بصى على الشخص إلى هيبقى عايش معاكى طول الوقت وهتكونى مسئولة منه وهيكون اب لاولادك فى المستقبل ده هل انتى فعلا ترضى بيه أنه يؤدى كل الأدوار دى ولا مينفعش ادرسى أخلاقه ودينه كويس جدا قبل ما تتجوزيه وتحكمى على اولادك أنه يكون والدهم إلى اكيد هياخدوا من طباعه وهيتأثروا بيه كتير وفى الاول والاخر ده قرارك انتى
تم النشر الأحد، ١١ فبراير ٢٠٢٤
وعليكم السلام ورحمة الله وبركاته .. خطيبك للاسف جه علشان يبرر موقفه راح نيله اكتر ..! (يعني بيقولك ده انا عادي والله كنت بتسلى بيها مش بحبها)! يعني هل بقى ديه حاجة كويسة؟ ان مكانش هو بيحبها، يبقى هو واقع في مصيبة اكبر من كده، ده بيقولك بيتسلى! وكمان بواحدة متزوجة ..!!! يعني واقع في مشكلة اخلاقية ودينية قبل ما تكون مشكلة اذا كان بيحب ولا مش بيحب ...! لا من رأي صراحةً رايه اساسا ده مش مطمئن بالمرة، وفكرة انه يكلم واحدة متزوجة ف ده كارثة اكبر. وانتي ولا تقولي لزوج صاحبتك ولا غيره .. انتي تبعدي نفسك عن الموضوع ده خالص ..رأي انك تبتعدي عن العلاقة ديه. وطبعا انتي ورقرارك .. ف الاخر فكري واستخيري ربنا، وربنا يعمل لك الصالح.
تم النشر الأحد، ١١ فبراير ٢٠٢٤
أستخيري ربنا وطولي فترة الخطوبة وحطيه في إختبارات كثيرة وطول الخطوبة استخيري و اختبريه حتى ينكشف امره و يصبح القرار صائب إن شآء الله
تم النشر الأحد، ١١ فبراير ٢٠٢٤
م هو يمكن بيتسلي بيكي انت التانيه
تم النشر الأحد، ١١ فبراير ٢٠٢٤
طول م قال بتسلي بيها وبحبك انتي انجدي نفسك بسرعه بسرعه علشان متعيطيش بعدين نختار صح علشان ده سند حيطه البيت ومفيش سند يقول بتسلي دي قله ادب سوري يعني
تم النشر الأحد، ١١ فبراير ٢٠٢٤
لعرض السؤال في فدني اضغط هنا