سوال فضولي انا بسمع كتير مجتمع دكتور نفسي ومدرب حياة ومرشد نفسي ومصطلحات تاني كتير غيرهم بس مش عارف الفرق ما بين المصطلحات ده ولا هم كلهم نفس الحاجة
الدكتور النفسي ،، كلية الطب تخصص علاج نفسي يصرف علاج دوائي ويحتاج المعالج النفسي مع الحالات بعد أن ينتهي من العلاج الدوائي ،، المعالج النفسي يقوم بالجلسات و المقاييس التي تحدد الحالة ويستعين في بعض الحالات التي يكون مقياس الشده فيها على المقياس شديد أو شديد جدا لصرف العلاج الدوائي ،، الإرشاد النفسي للأوياء وغير الأسوياء ومنه الإرشاد الأسري والتربوي والزواجي والمهني ولبعض حالات اضطرابات الشخصية. مدرب الحياة هو شخص يقوم بالتحفيز عن طريق الندوات والكورسات وليس متخصص ،، تحياتي
تم النشر الخميس، ٤ يوليو ٢٠٢٤
أهلاً وسهلاً! لا، في فرق بينهم فعلاً. خلينا نفصلهم شوي: الدكتور النفسي (الطبيب النفسي) : هو طبيب متخصص في الطب النفسي، ومعاه شهادة طبية. بيقدر يشخص الأمراض النفسية والعقلية ويعالجها بالأدوية والعلاج السلوكي والمعرفي. المعالج النفسي : هو مختص في العلاج النفسي، ممكن يكون حامل لشهادة ماجستير أو دكتوراه في علم النفس. بيستخدم نفسية متنوعة زي العلاج الكلامي، والعلاج السلوكي، والعلاج المعرفي لعلاج المشاكل النفسية والعاطفية. المرشد النفسي : تركيزه بيكون أكتر على تقديم النصائح والدعم العاطفي للأشخاص اللي بيمروا بمشاكل حياتية أو ضغوط معينة. مهاراته بتكون غالباً في تقديم الإرشاد والمشورة. مدرب الحياة (Life Coach) : دوره أكتر بيكون في مساعدتك تحقيق أهدافك الشخصية والمهنية. بيشتغل معاك على تنمية القدرات وتحديد الأهداف والتخطيط للمستقبل. مش بالضرورة يكون عنده خلفية طبية نفسية، لكنه عنده مهارات في التحفيز وتقديم استراتيجيات لحياة أفضل. يعني ببساطة، الطبيب والمعالج النفسيين بيركزوا على الصحة النفسية والعقلية، بينما المرشد النفسي ومدرب الحياة بيركزوا على دعمك وتوجيهك لتحقيق حياة أفضل وتحقيق أهدافك.
تم النشر الأربعاء، ٣ يوليو ٢٠٢٤
السلام عليكم خليني اجاوبك على السؤال يعني ابسط الاشكال الدكتور النفسي هو طبيب يعني ايه طبيب طبيب بيتعامل مع الحاجات اللي وصل لدرجه خلل ووصل لدرجه مرضيه يعني درجه مرضيه يعني دلوقتي الشخص بقى في عنده حاجه بتمنعه ان هو يمارس حياته الطبيعيه بشكل سليم في حاجه بتوقفه وبتعطل فاا اللي بيوصل لدرجه من الخلل النفسي اللي بتخليه يصنف كمريض ده بيحتاج طبيب النفسي بشكل كبير والطبيب هو اللي يقدر هو اللي يقدر يشخص هو اللي يقدر يشوف الاعراض ويفرق دي كده تتوصف تبقى انهي مرض نفسي وايه العلاج المناسب له سواء علاج دوائي او علاج سلوكي. ده الطبيب النفسي المرشد النفسي او مختص لنفسي او مدرب الحياه المفترض كلهم اييي بيتعاملوا بقصص علم النفس ولكن بيتعاملوا مع الناس اللي مش واصله لدرجه الخلل بتاعه الطبيب النفسي. ولو في حد عنده خلل وهيستعين بمرشد نفسي او بمدرب حياه فده لازم يكون متابع مع الاثنين في نفس الوقت لانه المدرب المدرب الحياه ا اتمنى ان انا اكون يعني اديت لك كده الموضوع بشكل بسيط عشان تفهميه وترضي لك في السؤال.و المرشد النفسي او المختص النفسي عموما ده بيتعامل على مستوى علم النفس على الافكار وعلى المشاعر وعلى الاداره للنفس ولذات ويعلي الوعي بتاع البني ادم علشان يقدر يتغلب على العقبات النفسيه او الازمات النفسيه اللي الانسان بيتعرض لها. مدرب الحياه بالذات وهقول لك دي علشان اختصاصي بيشتغل اكتر على المهارات اللي بتبقى عند الشخص اللي يقدر يدير بيها نفسه يقدر يتعامل مع نفسه ومع اللي حواليه.
تم النشر الجمعة، ٥ يوليو ٢٠٢٤
ممم اعتقد... دكتور نفسى ده بيتعامل مع الاضطرابات النفسيه ... مع مرضى وأغلبهم بيتعامل مع الادوية ....لكن مدرب حياه ... لايف كوتش.... وغيره من المصطلحات اعتقد الهدف منه الارشاد الى فن التعامل مع مواقف الحياه بصورة عامه.... ازاى تعرف تركز ... تفكر .. تواجه... توصل للسلام النفسى..
تم النشر الخميس، ٤ يوليو ٢٠٢٤
لعرض السؤال في فدني اضغط هنا