امي وابي منفصلان منذ ولادتي وانا احمد الله كل يوم على ما انا فيه واشكره على نعمه الكثيره ابي لا يسال عني وعنده حياته واولاده وامي متزوجه ايضا ولها اولاد امي تحبني بشده وتفعل كل شئ حتى لا اشعر ب النقص وانا اعيش مع جدتي احبها جداً فعلت معي ما لا يتوقعه احد هي كل ما املك هي امي وابي وكل شئ ولم يفرق معي في يوم غياب والداي ابدا وان كنت شعرت بشئ من النظر اللي الغير واتمني كنت استغفر الله واحمده ولكن ولأول مره بسبب حالتي النفسيه على ما اظن اشعر انني افتقد وجود اب وام في حياتي على الرغم من عدم احتياجي لهما لانني احمل مسؤولية ذاتي من وانا صغيره
فى البداية كده.انفصال والدك ووالدتك سبب ليكى مشكله كبيره جدا وأثرت عليكى نفسيا. انا بحييكى انك قويه وعندك ايمان بقضاء الله وقدرتى تتعايشى فى الظروف دى وتتأقلمى عليها. طبيعى جدا انك تحسى باحتياجك ليهم لأن حياتك ملينه بالتفاصيل والمواقف اللى محتاجة تشاركيهم فيها فحاولى تكونى دايما على تواصل وتعامل معاهم . ده هيكون افضل بكتير من انك تبعدى. حاولى تكتبى كل اللى جواكى باستمرار واللى بتحسى بيه ده هيخفف عنك كتير اتكلمى مع صديقتك المقربة أو لايف كوتش اتكلمى باستمرار معاهم ده هيفرق معاكى لان الدعم الدعم النفسى مهم جدا اسعى وراء هدفك وحلمك وفكرى ازاى ممكن تحقيقه. وافتكرى دايما أن ربنا معاكى فى كل خطواتك وبيساعدك وانك قوية وهتقدرى 🌷
تم النشر الاثنين، ٢٩ يوليو ٢٠٢٤
كوني قويه ولا تستسلمي وكوني مسؤوله عن نفسك اسبتي انك مش محتاجه لحد
تم النشر الأحد، ٢٨ يوليو ٢٠٢٤
السلام عليكم ورحمه الله وبركاته. خليني الاول اقول لك انك جميله جدا جدا ربنا يبارك في جدتك وفي تربيتها لك ونهايه طلعت جميله قوي كده. احتياجك ملوش علاقه خالص بانك تكوني راضيه او مش راضيه احتياجنا دي حاجه عاديه جدا بالعكس لما بيكون الشخص مبتلى بظروف صعبه. وعنده احتياج وعنده نقصان في شيء. وبيتمتع بالرضى ده دي بتبقى حاجه ان شاء الله يقدر عليها اجر كبير وبتبقى حاجه. تزيد من ثقله ومن جمال شخصيته. لكن ده مش هيمنع انه لسه ما زال عنده احتياج. فالاثنين مش ضد بعض يعني لما انا احس ان انا نفسي في الحاجه دي ده مش معناه خالص ان انا مش راضيه ده مش معنى خالص ان انا ما بحمدش ربنا لا ده بالعكس ده رغم انك محتاجه ورغم انك نفسك في ده الا انك بتشكري ربنا على الحاله اللي انت فيه رغم من نقصان. هنحتاجك ليهم شيء طبيعي جدا لما تبدئي زي ما انت بتقولي كده يبقى الموضوع عندك انك الاحتياج ده. مخلي نفسيتك مش كويسه او انك اول ما نفسيتك بتتاثر باي شيء ثاني بتحسي بالاحتياج ده اكتر ابدئي اشتغلي على النقطه دي بانك ضروري تبداي تتواصلي معاهم وتاخدي جزء من اللي انت محتاجاه وده مش معناه خالص انه كده جدتك مقصره او انه انت كده مش مستكفيه لا ده احتياج طبيعي ده مهما كان في حاجات هي مش هستقيها غير من الاب او الشخص اللي هيبقى واخد دور الاب في حاجه مش هيستغنيها غير من الام او من الشخص اللي واخد دور الام مش لازم تكون الام اللي هي اللي ولدتني يعني فا لما تحسي بالاحتياج اطلبيه انت حاسه دلوقتي اكتر من الاول انك محتاجه مامتك تتكلمي معاها اطلبي منها دوله انا محتاجاكي اكتر اقعد واتكلم معاكي فمحتاجاكي في وقت مخصصيه ليا اقدر اقعد واحكي معك محتاجه والدك. حتى لو هو مش بيسال عنك وعنده حياته لا ضروري تقولي له انا دلوقتي محتاجاك تكون موجود حتى لو قبل كذا ما كنتش بتبقى موجود دلوقتي انا محتاجاك تكون موجود بشكل ما تشوفي ايه اللي انت محتاجاه منه انا محتاجاك تيجي معايا مشوار انا محتاجاك لما يكون فيه موضوع معين انا هحتاج ان انا اخذ رايك فيه اا اطلبي احتياجك وده مش معناه اي حاجه خالص ومش معناه انك كده مش مستقله بذاتك ولانك مسؤوله عن نفسك احتياج مالوش علاقه بكل الكلام ده ربنا يقويكي ويقدرك على اا الاحوال كلها ويتم عليك تمام الرضا يا رب ويزودك من نعمه في الدنيا وفي الاخره.
تم النشر الأربعاء، ٣١ يوليو ٢٠٢٤
أهلاً بك! بجد أكيد بيكون شعور صعب لما تحسي بشيء زي ده، حتى لو كنتي متقبلة الوضع وبشكلي إيجابي. وجود الأهل في حياتنا ممكن يلعب دور كبير في مشاعرنا، حتى لو ما بدؤوا يتواجدوا. يمكن يكون شعور غريب تفتقدي حاجة ما كنتِ حاسة بها قبل كدة. ومن الطبيعي تكون عندك لحظات مشابهة. حسِّي بصدق بمشاعرك واسمحي لنفسك إنك تعيشيها، لأنه الإحساس بالافتقاد أو الوحدة طبيعية. المهم إنك تعرفي إنك مش لوحدى، عندك جدتك ووالدتك اللي بيحبوك، وحاولي تتكلمى مع حد تثقي فيه أو حتى تكتبى عن مشاعرك. ودايمًا حاولي تسألي نفسك: “إزاي أقدر أكون لطيفة مع نفسي في الوقت ده؟” ممكن برضو تجربى تكرّسي وقت لنفسك، سواء بالقراءة، الرسم، أو أي حاجة تحبيها. اعملي حاجة تخليكي تشعري بالسعادة!
تم النشر الأحد، ٢٨ يوليو ٢٠٢٤
لعرض السؤال في فدني اضغط هنا