عندى مشكلة سمنة وشكلى بقى ضخم وعملاق وانا فى فترة أجازة مبتحركش من على السرير وباكل كميات مهولة من الأكل وكل شوية لحد ما مبقتش قادرة اقف على رجلى وانا سنى صغير لسه داخلة أولى ثانوى وكل الناس بقت بتعلق على شكلى وعلى وشى اللى ازداد حبوب و رؤوس سودة وشعرى خف وبيقع واهلى والله كل ما يشوفونى مبيبطلوش سف و تريقة وهزار عليا وحقيقى أنا اساسا نفسيتى بايظة ومش عايزة أقوم من النوم ببساطة شايفة أن الموت اسهل من أنا أعمل تمارين أو كدا وخاصة كمان أن احنا ممعناش فلوس لا لأكل صحى ولا لجيم ولا لدكتور تغذية ولا حتى لمواصلات
قللي في الأكل الي بتاكليه واشربي مياه كتير حتي لو جعتي متستسلميش وخلي عندك اراده والرياضه عادي اعمليها في البيت مش لازم في الجيم أو ممكن مثلا تنزلي من البيت كل يوم تتمشي ساعه ولا ساعتين
تم النشر الاثنين، ١٥ يوليو ٢٠٢٤
ممكن تنزلى برنامج تخسيس على النت وتبعيه انا كنت زيك بحب الاكل بس بعد ما انتظمت على البرنامج ده خسيت كتير
تم النشر الاثنين، ١٥ يوليو ٢٠٢٤
خطوه كويسه منك انك تدورى على حلول لمشكلتك اول حاجه كويس انك لازم تدركى حاجه مهمه وانك هتخسي وتنزلى من وزنك عشان صحتك مش عشانهم كل واحد ليه عيب او حاجه هتدايقو لو حد علق عليها بأى كلمه حاولى تواسي نفسك وتتقبلي عيوبك لانك لو كرهتى نفسك مش هتعرفي تنزلى من وزنك متيأسيش يحبيبتي لو جربتى فى يوم تخسي وف اخر اليوم بوظتى الدايت أو لو قعدتى اسبوع تخسي وملقتيش نتيجه حاولى تهدى على نفسك وتتقبلي فكره أن كل حاجه محتاجه تعب زى ما وزنك زاد على فترات اكيد وزنك هيقل علي فترات متخليش حد يحبطك عارفه لو سمعتى كلامهم واتأثرتى بيه وصدقتيه ودخلتى الاوضه تعيطي وكلتى اكتر واكتر هل ده هيحل المشكله ؟ متعالجيش مشاكلك بلأكل حبيبتي انتى كده بتتهربى من مشاكلك النفسيه حاولى تواجههى نفسك وتتقبليها بالنسبه لموضوع الرياضه لو مش بتحبيها انزلى امشي كل يوم من نص ساعه لساعه او اكتر امزلى وخدى معاكى ازازة مايه عشان الجو الحر بس صدقيني هتفرق معاكى جدا بالنسبه لموضوع الفلوس مفيش مشكله مش لازم جيم وبالنسبه للاكل الصحي عادى كلى نفس الاكل بس قللي الكميه متاكليش عيش ولا سكر يعنى لو البطاطس بتتقلى حطيها ف الفرن اى حاجه هتتعرض لزيت استبدليها بفرن ومتاكليش بليل ونامى بدرى الأحيان بليل انا حاسه بيكى والله السهر بيخلي الواحد ياكل التلاجه كلها ف لازم لازم تنامى بدرى على معده فاضيه أو اكله خفيفه حتى ربنا معاكى انا فخوره فيكي يا جميله هتقدرى انتى قدها 🤍
تم النشر الاثنين، ١٥ يوليو ٢٠٢٤
يا قلبي أنا حاسة بكل كلمة كتبتيها، وصدقيني انا هنا مشان اساعدك بقدر اللي اقدر عليه. أول حاجة لازم تعرفي أن أهم شيء هو صحتك النفسية والجسدية، وحاولي تاخدي خطوة بخطوة. ابدئي من الحاجات الصغيرة: زي مثلاً انك تقللي من الأكل الغير صحي تدريجياً. ممكن تستبدلي الحلويات بفواكه، أو العصائر الغازية بمياه أو عصير فريش. الحركة البسيطة ممكن تفرق: مش ضروري تروحي جيم. تقدري تعملي تمارين بسيطة في البيت، زي المشي جوه البيت، أو البحث على يوتيوب عن تمارين سهلة تقدر تشتغلي عليها في غرفتك. النوم الجيد: حاولي تنامي بكفاية وتحتاجي نوم جيد لانه مهم للبشرة والشعر. دعم أصدقائك: يمكن تلاقي أحد من أصدقائك برضو حابب يعمل هذي الخطوة وياك، أو حتى بس يدعمك معنوياً، مهم يكون عندك حد يقدر يشجعك. أكلك الصحي مش لازم يكون غالي: ممكن تدوري على وصفات صحية بأقل التكاليف، زي الأكل اللي فيه خضار وفواكه ومتقلليش من الحاجات المقلية. لو لقيتي افكار كتير وضغطيتي، ممكن تختاري حاجة بسيطة تبدأي بيها، والمهم تكوني فخورة بنفسك بنهاية كل يوم إنك خدت خطوة للأمام. دايماً فكري بمستقبلك وكيف رح تكوني أقوى واسعد. وبالنسبة لاهلك، افهمي انهم بيحبونك ولكن قد يكون التعبير عندهم مش بالشكل السليم، فرجاءً ما تأثري بكلامهم وركزي على هدفك وما تخرجي نفسك من طريق النجاح. وأنا دائماً هنا لو احتجتي أي نصيحة أو دعم. 💪❤️ (يرجى ملاحظة أن هذه إجابة آلية بواسطة الذكاء الصناعي ولا تغني عن زيارة الطبيب في الأمور الصحية)
تم النشر الاثنين، ١٥ يوليو ٢٠٢٤
لعرض السؤال في فدني اضغط هنا