ماما بتفرق بيني انا و اخواتي و دا خلاني كرهاهم و مش عارفه اتعامل معاهم كويس بسبب المشاكل اللي بتحصلي من ماما بسببهم
بقيت حتى طريقه كلامي معاهم وحشه و مش عارفه خالص احسنها و قولت لماما كذا مره انها بتفرق بيننا تقولي هي عارفه هي بتعمل ايه كويس و مش هاجي انا انصحها او أمرها تعمل حاجه
يعني لما بتجيب حاجه بتحيبلهم ونا لاء حتى في المعامله انا اللي ارتب و اظبط و كل حاجه و اختي مبترتبش و مع ذلك قدام الناس تفضل تقول إن انا مبعملش حاجه
و اختي هي اللي بتعمل كل حاجه و إني انسانه مبتحبش تساعد حد و مبعملش حاجه ف حياتي غير أني انام
و بردو ف الخناقات انا بحب ابرر موقفي هم بيسموها اني بجادل ببقا انا الصح و اختي تفضل تقولي بيني و بينها اني عندي حق و اللي بعملو صح و لما اجي اتكلم قدام ماما و بابا و ابرر تقف في صفهم مش صفي و تغلطني رغم هي اللي قايلالي إن اللي بعملو صح
و دايما في المشاكل بيني و بينها ماما مبتحبش تغلطها أو تسمع مني أنا ليه زعقت فيها مثلاً، دايماً واقفه في صفها و بابا كذلك دايما شايفني انا اللي وحشه و هي احسن مني بمراحل حتى هو قالي كدا و بيفضل يدلعها و يتكلم معاها و يهزر ونا لاء كأني مش بنتهم
بقت اختي دي هي و التانيه قريبين لبعض ونا اللي بعيده بسبب المشاكل دي و مبقتش عارفه اعمل ايه عشان اخلي ماما و بابا يحبوني و يعاملوني ذيهم رغم إن كل حاجه ف حياتي بعملها عشانهم مع ذلك شايفني اوحش منهم ف كل حاجه ف الشكل و ف الشخصيه و ف كلو لدرجه خلوني فقدت ثقتي ف نفسي و حبي لنفسي اذا كان اقرب الناس شايفني وحشه ف كل حاجه و اخواتي احسن مني يبقا الناس شايفاني ازاي؟
تعرفي ان و الله العظيم دي نفس مشكلتي بالظبط قدرت اتخطاها نوعا ما و هقلك الحل كوني باردة على قد متقدري متحوليش تطلعي نفسك صح و خلاص خد حقك بذكاء و هدوء و مهما كان متعليش صوتك عليهم و ده لمصلحتك انت مهما كان عندك حق هيضيع لو عليت صوتك او اتنرفزتي و عشان تكسبي مامتك و بابكي و تخليهم في صفك طبلي ليهم على قد متقدري اه و الله زي ما بقولك كده و قولي حاضر و نعم حتى لو مش هتعملي الحاجة دلوقتي قولي و خلاص و بس بالتوفيق 😊
تم النشر الثلاثاء، ٢٠ أغسطس ٢٠٢٤
الله المستعان. أولًا تجنبي الاحتكاك بهم ومحاولة إثبات أي شيء لأي أحد. تعاملي مع إخوتك بما يرضي الله، يعني استحضري نظر الله إليه وعلى هذا يكن رد فعلك. قومي بالمساعدة في المنزل قدر طاقتك، وأيضًا اعملي لله فقط لا تنتظري شكرًا. يا أختي حتى أنك ستكتسبي مهارة إدارة المنزل بشكل جيد واحترافي. اجعلي ذكر الله على لسانك حتى يساعدك ذلك على الهدوء والسكينة ولا يجرك لكثرة الحديث. انشغلي بشيء مفيد، مثلًا اكتبي إذا كنتِ تحبين الكتابة، وشاركينا هنا وسندعمك. ابحثي عن مصطلح المهارات الناعمة، وافهمي ما هي، وتعلميها وطبقيها بالتدريب والصبر والتكرار، وسأكون سعيدة لو شاركتِ مستجدات ذلك معنا.
تم النشر الثلاثاء، ٢٠ أغسطس ٢٠٢٤
حبيبتي، أنا متفهمة شعورك وده فعلاً موقف صعب تواجهيه. أول حاجة لازم تعرفيها، إن مش كل حاجة تتعلق بينكم لازم تعكس قيمتك أو مكانتك كإنسانة. بالنسبة لماما، أحيانًا الناس ميعرفوش إنهم بيفرقوا بين أولادهم، وممكن يكون لديهم أسبابهم، بس ده مش مبرر طبعًا. حاولي تجلسي مع مامتك وتجروا حوار هادي، قولي لها مشاعرك بطريقة صادقة. ممكن تقولي لها إنك حاسة بفرق المعاملة وإن ده بيأثر عليك سلبًا. وحاولي برضه تبني ثقتك بنفسك من خلال التركيز على الأشياء اللي بتحبيها في نفسك أو الأشياء اللي انتي متميزة فيها. يعني لو عندك موهبة أو هواية، اشتغلي عليها. الناس مش دايمًا بتشوف كل حاجة، وممكن تلاقي الناس اللي تقدرك كما أنت. بالنسبة لعلاقتك مع أخواتك، حاولي تتواصلي معاهم بصورة أفضل حتى لو ده تحدي في الوقت الحالي. ابحثي عن طرق مشتركة تخليكم تقربوا لبعض. وأخيرًا، اهتمي بنفسك وحاولي تجيب لنفسك بعض الراحة النفسية، سواء بممارسة هواياتك أو قضاء وقت مع صحباتك. ده هيساعدك تحسّي بتحسن وتكوني أكثر ثقة بنفسك. مفيش حد أحسن من حد، وكل واحد فيكم عنده مميزاته وعيوبه. أنتِ مميزة بطريقتك وأهم حاجة تحبي نفسك ❤️.
تم النشر الثلاثاء، ٢٠ أغسطس ٢٠٢٤
حاولي متعتمديش عليهم كتير استقلي ماديا ومتدخليش معاهم في جدال ولا تبرري ليهم حاجه وركزي علي حياتك دراسه او شغل او اي حاجة بتتعليمها وحاولي تكسبيهم وركزي علي مستقبلك وحياتك لانه هما مش هيتغيروا واعتبري اي حاجه بتعمليها ليهم او مساعدة تكون لوجه الله
تم النشر الأربعاء، ٢١ أغسطس ٢٠٢٤
اقتربي من الله اكثر فانه خير حافظ وصلي جميع الصلاوات سيعوضك الله عن كل هذا
تم النشر الثلاثاء، ٢٠ أغسطس ٢٠٢٤
ركزي بأن تكوني بارة بوالدتك قبل اي شي وتحدثي معها بالامور التي تزعجك بطريقة لائقة وهوني على نفسك
تم النشر الثلاثاء، ٢٠ أغسطس ٢٠٢٤
لعرض السؤال في فدني اضغط هنا