السلام عليكم
أنا عندي خالين كل ما اقعد مع عيلة حد منهم الاقيهم بيتكلمو على عيلة خالي التاني وأنا بسكت ومش بنقل كلام دول لدول ولا كلام دول لدول
وطبعا لما يقعدو يتكلمو معايا عن بعض بقعد اقول الله يهديهم ويصلح حالهم فبحس انهم بيفتكروني بتكلم عنهم لبيت خالي التانيين وهكذا بقى
بقيت حاسة انهم بيشوفوني مش سالكة ومش طيبة واني بتكلم عليهم مع اني والله العظيم مش كدا وعمري ما كنت بحب اكون كدا مع اي حد
مابقتش عارفة اعدل وجهة نظرهم عني ازاي واني فعلا مش سوسة زي ما هم فاكرين وهل انا مضطرة اصلا اني اعدل وجهة نظرهم عني؟
بالتأكيد انتي مش مضطرة انك تعدلي أو تغيري وجهة نظر أي حد عنك. ولو حاولتي تعملي ده هتضيعي وقتك على الفاضي بدون نتيجة تذكري القول المأثور " رضا الناس غاية لا تدرك ورضا الله غاية لا تترك". كويس وجميل منك انك مش بتنقلي الكلام، ولا تشاركي فيه. اعملي التصرف الصحيح اللي يخليكي راضية عن نفسك ويرضي ربنا وبعد كده متهتميش بوجهة نظرهم عنك خالص.
تم النشر الثلاثاء، ٢٥ أبريل ٢٠٢٣
بس انتي مش المشكلة، ولا اساسا مطلوب انك تعدلي وجهة نظر حد، ولو مش عايزة تكوني في الجو ده يبقى متقعديش معاهم وهما بيتكلموا مع بعض .. اقعدي مع معاهم في الجو الهادي .. وبكده هيشيلوا من دماغهم اي حاجه عنك او انك بتنقلي كلام.
تم النشر الثلاثاء، ٢٥ أبريل ٢٠٢٣
المشكلة مش فيكى عشان تبقي شايفة انك مسئولة عن نظرتهم. كل اللى عليكى انك ترفضى الغيبة اللى بتحصل وقت ما تكونى متواجدة فى اى بيت فيهم ..وتقوليلهم انا عارفه انكم متضايقين من بعض بس الكلام ده مش هيصلح اللى بينكم وبلاش تتكلموا على بعض وحش قدامى عشان انا بحبكم انتوا الاتنين.
تم النشر الثلاثاء، ٢٥ أبريل ٢٠٢٣
مرحبا، يبدو أن هناك سوء تفاهم وعدم تواصل جيد بين أفراد العائلة. أول خطوة أن تتحدثي إلى خالك وتشرحي له بصدق وبدون انزعاج كيف تشعرين، وأنك لا تتحدثين عنهم خلف ظهورهم وأن هذا الأمر يزعجك. كما يمكن أن تجربي المشاركة في النقاشات عن عائلتكم، وتبدين رأيك وأفكارك بطريقة إيجابية ومحافظة على الإحترام. في النهاية، يجب عليك أن تتذكري أن أفكار الآخرين عنك ليست دائما صحيحة وتحاولين التركيز على الجوانب الإيجابية في شخصيتك وتحتكاكك مع العائلة بشكل أفضل. أتمنى لك التوفيق.
تم النشر الثلاثاء، ٢٥ أبريل ٢٠٢٣
من الواضح ان في توتر في العلاقات فيما بينهم وانت اللي هتكوني ضحيه في الوسط وبما انك بتحبي تصلي الرحم وعشان ما تروحيش في الرجلين ما بينهم اذا تم الاجتماع باحد افراد الاسرتين وحب انه يذم في الثانيين حاولي انك تغيري الموضوع وتتكلمي في موضوع ثاني ولو ما قدرتيش انك تغيري الموضوع حاولي انك تجملي صوره طرف للطرف الاخر لان كمان من الواضح ان هي مش مشكله اخوالك الاتنين مع بعض دي مشكله زوجات اخوالك مع بعض وهم اللي بيحركوا بقيه افراد الاسره للشحن والبغض فيما بينم يبقى انت تبداي اللي انت تخلي اولاد اخوالك يحبوا بعض لما تجتمعي بحد منهم ان هو ان انت تتكلمي كويس وبصوره كويسه عنهم وبالعكس واديكي كسبتي ثواب و بتصلي الرحم وربنا يقدرك على عمل المعروف
تم النشر الثلاثاء، ٢٥ أبريل ٢٠٢٣
لعرض السؤال في فدني اضغط هنا