عاوزه اعرف تفاصيل التفاصيل ف الدين الاسلامي انا الحمد لله عندي معلومات كتير بس يمكن اكون مش فاهماها بشكل صحيح ف عاوزه تفسير لاني عاوزه اكون مسلمه كما يقول الكتاب
ف لو حد عنده فكره عن شخص ع الميديا بيرد ع اسئله وموثوق فيه ( غير المشاهير منهم ) يقولي ❤️ ولو ف جروب تليجرام او واتس او ماسنجر حتى يكون بنات بتحفظ القرآن ويساعدوا بعض ع الاستقامه يقول وشكرا مقدما ❤️🌸
اولا ربنا يثبتك ويشرح صدرك للإيمان ثانيا ، قبل ما تسمعي لحد بعينه اعرفي اولا ان فيه اختلافات بين بعض الأئمه او بعض الطوائف بس الصح ان ميبقاش فيه خلاف ال هو مقاطعه او كره لما يكون فيه اختلاف بين الطوائف او المذاهب وهكذا انا قاصد اقول الكلام دا عشان تعرفي انك هتلاقي كتير حاجات عكس بعض ف لازم انتي تتقبلي حاجه زي دي الاول لحد ما يكون عندك العلم الكافي عمر عبد الكافي كويس ولكن مينفعش لوحده وكذالك امير منير او حازم شومان او محمد الغليظ او ياسر ممدوح اسمعي ليهم حلقاتهم ك وعي ديني محمد الغليظ بيعمل دورات كويسه حاولي تاخديها وفيه ناس تانيه اهم بكتيييير من دول بس مش عارف ينفع اقول اسمائهم هنا ولا اي
تم النشر الخميس، ٣ أغسطس ٢٠٢٣
السلام عليكم أختي الفاضلة معاكي أستاذ الشريعة الاسلامية ، حاصل على بكالوريوس في الشريعة الاسلامية ، المذهب الفقهي الراجح من المذاهب الاربعة. والعقيدة اهل السنة والجماعة أتباع الحديث والأثر.
تم النشر الخميس، ٣ أغسطس ٢٠٢٣
محمد الفرماوي وده يوتيوبر وحسن محتواه بدرجه كبيره وبيرد علي الاسئله اللي بتجيله وبيرد علي التمرينات المنتشره وبيفهمك حاجات كتيره في الدين فهو حد كويس فعلا ممكن تتابعيه.
تم النشر الخميس، ٣ أغسطس ٢٠٢٣
السلام عليكم ورحمة الله وبركاته وبعد جزاك الله خيرا في حرصك على طلب رضى الله عز وجل والعمل بأوامره وإجتناب نواهيه أولا المواظبة علي الصلاة و فيه تطبيق اسمه صليت أو لا وتقدرى من خلاله تتبعى مؤشر صلاتك ثانيا أن تسألى الله أن يُعينك على ذِكره وشكره وحُسن عبادته ثالثا المواظبة على وِرد يومي من القرآن الكريم ويوجد مجتمع خاص لنشر وِرد يومي من القرآن الكريم بينزل يوميا صفحتين من كتاب الله مع التفسير والتدبر والعمل بالآيات و آية يومية عشوائية من القرآن مع التفسير الخاص بها و حديث شريف مع تفسيره وأوامره ونواهيه و ميزة المجتمع انه بيكون ظاهر عندك الادمن فقط يعنى مفيش إزعاج من الأعضاء أو الدخول للخاص عندك للإنضمام للمجتمع تقدر تطلب الرابط من حساب الوِرد اليومي على واتساب وتفضلوا الرقم لأى شخص يريد أن ينشره أو ينضم للختمة سواء كان ولد او بنت وجزاكم الله خيرا
تم النشر الجمعة، ٤ أغسطس ٢٠٢٣
دورات المهندس علاء حامد على التيليجرام رائعة جدا وبيكون ليها جروبات واتس (في منها للبنات بس) وممكن تتعرفي على صحبة صالحة منهم تعينك لأن الصحبة مهمة، وحاولي تدوري على دار تحفيظ قرآن قريبة منك هتعينك على الحفظ وإيجاد صحبة وهتلاقي على النت خطط كتيرة لطلب العلم اختاري أي واحدة تناسبك بدون حيرة وسكهم كلهم وابدأي فيها وبالتوفيق إن شاء الله، واهم شيء أحرصي على تحسين صلاتك والقرب من القرآن دول اهم حاجتين في الطريق
تم النشر الجمعة، ٤ أغسطس ٢٠٢٣
انا بحييكي لأنك مهتمه بدينك و عايزه تعرفيه كويس و تطبقيه و تقربي من ربنا انتي كده فاهمه الدنيا صح و ماشيه في الطريق الصح تابعي أمير منير و عمر عبد الكافي و لو محتاجه اجابه لأي سؤال اسألي انا و لله الحمد عندي الخبره الكافيه و هجاوبك على أي سؤال ان شاء الله و ربنا يهدينا جميعا و يثبتنا
تم النشر الخميس، ٣ أغسطس ٢٠٢٣
انصحك ب سلسلة شرح اسماء الله الحسني لد محمد راتب النابلسي . و لفهم و حب القران الشيخ الشعراوي و د احمد عبد المنعم . عندك بقي بسيط شوية نصايح للسنن كدة د امير منير . و عندك د عمر عبد الكافي و محمد الغليظ و لتقوي قلبك و الخشية الشيخ الحويني و حسين يعقوب و سمير مصطفي .و د حازم شومان و لتقوية الايمان الشيخ محمد حسان ..... في قنوات علي تليجرام بتحط مقاطع فصيرة يوميا و تذكير بالصلاة و الذكر و الورد و تفسير بعض الايات مثلا قناة د احمد عبد المنعم و الشيخ سمير مصطفي . التزني بحجابك الشرعي و ابعدي عن الاختلاط و الاغاني تطبع علي القلب و قللي من التليفزيون و المسلسلات . و ارضي والديك و حافظي علي معاودة التوبة و البداية مع الله مهما بعدتي و مهما حصل و مهما تكررت دائرة القرب و البعد فهذا حالنا جميعا .
تم النشر الخميس، ٣ أغسطس ٢٠٢٣
هناك دورات اونلاين ما لا يسع المسلم جهله و فقه المرأة المسلمة و مئات اكاديميات اونلاين مثل اكاديمية الحصري لتحفيظ القرآن بيكون معاكي معلمة الطف ما يكون و أصبر ما يكون و بتحفظك و بعض الاكاديميات معاها علوم دين مثل عين اليقين و غيرها و الفرقان .
تم النشر الخميس، ٣ أغسطس ٢٠٢٣
حافظي علي فروضك و الفجر حاضر فرض . و السنن و لو ركعة وتر . لا تتركي المصحف يوم . اطيلي الدعاء و المناجاة تتوثق صلتك ب ربك
تم النشر الخميس، ٣ أغسطس ٢٠٢٣
فى علوم شرعية كثير، زي فقه و شريعة و حديث، نصيحة الواحد يبدأ واحدة واحدة، فى موقع زاد اكدمي، بيدرس علوم شرعية، و ممكن لبداية فهم للناس اللي زيى، تبدأي بمحاضرات لمهندس أيمن عبد الرحيم، و متابعة حد زي دكتور أحمد عبد المنعم.
تم النشر الخميس، ٣ أغسطس ٢٠٢٣
بسم الله
تم النشر الخميس، ٣ أغسطس ٢٠٢٣
لعرض السؤال في فدني اضغط هنا