أشعر أن بداخلي مشاكل نفسية تعيقنى عن الاستمتاع بسنى وهواياتى، ماذا أفعل؟

Question

السلام عليكم أنا بنت في عمر 15 حاليا أنا في أولى ثانوي من صف خامس ابتدائي وأنا فاقد الأمل في كل حاجه و أي حاجة كنت بحب اعملها قبلها بدأت اني أبعد عنها واحده واحده يعني أنا كنت بحب الرسم جداً وعندي رسومات كتير لكن من 5 سنين يعني من سنه خامسه وانا مبرسمش ولما آجي امسك القلم عشان ارسم علطول بتضايق واقفل الكراسة واطنش الرسم وعلى كده لغاية دلوقتى ومن سنة تقريباً حبيت القراءه قرأت روايات مش هقول كتير لاكن كان عدد مناسب لواحده مبتدأة ولاكن دلوقتي أنا ببقي عايزة أقرأ بس بكسل أو لما باجي اقرأ بحس بخنقه فقوم سايبه الكتاب وقايمه أنا من خمس سنين وانا على موال اني على طول متضايقة ومش طايقه حاجه أو حد بس الفتره اللي فاتت لغاية دلوقتى بقيت بجد أسوأ كل ما اجي اعمل حاجه اكسل واتعب من أقل حاجه أنا بحب التنظيف جدا و بحب انظف من قلب مش على الماشي فأنا اخواتي صغيرين ف الدنيا مبهدله على طول كل م قول هقوم انظف وأقول ابدأ بحس بخمول مش طبيعي وكسل وزهق واسيب الدنيا واروح اقعد على سريري أنا حاسه اني فيا حاجه أنا مش طبيعيه نفسيتي تعبانه وزاد التعب في السنه الدراسيه اللي فاتت أنا مش من النوع اللي بيكلم نفسه بصوت عالى ولا بجلد ذاتي بس من بداية السنه اللي فاتت دي وانا بكلم نفسي بصوت عالى في الشارع وفي كل حته عادي و بقيت بجلد في ذاتي بشكل مبالغ فيه بشكي لنفسي من نفسي بحس إن تفكيري اكبر من سني وده حاجه حلو ووحشه في نفس الوقت أنا متعرفه على واحده اكبر منى بثلاث سنوات ومش أنا اللي بشكي لها هي اللي بتشكيلي من كتر ما أنا بكبت مشاعري و الدموع في الوقت اللي محتاج عياط أو الدموع تتجمع في عيني بمسح وشي وبعمل إن مفيش حاجه لغاية م بقي لما بحتاج العياط بقي حاجه صعبه بالنسبة لي وكان امنيتي طول السنة اللي عدت اني اعيط حتى لو على اتفه الأسباب بحس اني شايله هم الكبير والصغير بس بفضل اضحك على نفسي واقول ده مش حقيقي وإن لما حد بيحكيلي مبحطش في دماغي بس انا كدابه بحط في دماغي و بفضل متضايقة عشان مشاكل مش مشاكلي لما بشكي لحد حتى لو موقف هو شافه وعارفه بندم مشاعري مشاعر مراهقه بس تفكيري تفكير شابه وبجد هي مع انها حاجه حلوه الا أنها متعباني لما بشوف حد اكبر منى بتلات سنين وتفكيره عادي نفس تفكير اللي في سنه بقول أنا ليه مش كده أنا حاسه اني محتاجه اروح لدكتور نفسي بس مش عايزة اقول لأهلي وفي نفس الوقت مش هينفع اروح لوحدي وانا في السن ده أنا بجد تعبت اوي ومحتاجه حل بس معنديش حلول

Accepted Answer

عليكم السلام ورحمة الله وبركاته أولًا هدئي من روعك، سيكون كل شيء بخير إن شاء الله. أولًا الطباع الشخصية والتفضيلات تتغير بتغير مراحل الحياة، حتى الهوايات من الممكن أن تتغير، فتجدي أن ما كان يسعدك جدًا صار شيئًا مملًا وعاديًا. وهذا يحدث باستمرار على مدار أعمارنا فلا بأس من ذلك، لن تكوني وأنت ابنة 15 عامًا بنفس شخصية فتاة 9 سنوات مثلًا. ثانيًا أنصحك أن تخففي من تعرضك للشكوى والمشكلات، لأنك لم تعودي قادرة على استيعاب ذلك، وكذلك أنصحك أن تخففي من احتكاكك بالشخصيات كثيرة الشكوى. ثالثًا الخمول والكسل قد يكون سببه إما نقص في بعض العناصر الغذائية لديكِ وخاصة فيتامين د، أو نظام حياة غير صحي سواءً السهر أو الطعام غير الصحي. رابعًا أحيطي نفسك ببيئة إيجابية، يعني مثلًا نقطة حماسك للتنظيف والترتيب العميق، تابعي جروب فيسبوك واحد من الجروبات التي تعرض روتينات يومية محفزة، القراءة انضمي للنوادي المتخصصة في مناقشة الكتب أونلاين، يتفقون على كتاب ويحددون الجزء الذي سيناقشونه آخر الأسبوع وبالفعل تكون المناقشات ثرية ومفيدة ومشجعة. بالتوفيق.

Answer

متوهميش نفسك بحاجه انتي مش عايزها ابداي صلي وصومي واذكري ربك كتير . وارجعي نفسك كويس شوفي المشاكل النفسية دا جايه من اي بظبط اكيد في حاجه دخلت حياتك غيرت كل حاجه حرفياً أو ممكن تكون في حياتك فعلا لو انتي كنتي محسوده شغلي رقيه شرعيه علي طول .مستنيش لما عمرك يضيع منك وبعدين لا هتبقي فلحتي لا دنيا ولا آخره وممكن يكون عندك واسواس بدأ انك مش كذ كذ .... حاولي مع نفسك مع كمان نفس عميق واغسلي وجهك وافتحي صفحه جديده مع نفسك باستمرار .. ربنا يحفظك يا رب

Answer

وعليكم السلام ورحمه الله وبركاته. طيب هو انت اكيد في حاجه هي المقصره عليك في حاجه حصلت عليك قوي نفسيا وكل المشاكل اللي بتشوفيها حواليكي سواء تخصك او تخص عيلتك او تخص اي حد ثاني تعرفيه ااا بقت تصب كلها في نفس الحته انه الدنيا وحشه واللي بيحصل فيها وحش وكانه مفيش حاجه حلوه ممكن تحصل للبني ادم فانت انت انت في موقف حصل او حدث حصل في الحياه خلاكي تاخذي الاستنتاج ده فخلاص انت بقيتي بتبني عليه كل حاجه وبقيتي محطوطه في الحته بتاعه الاستنتاج ده وبس. محتاجه تتكلمي مع حد اخصائي نفسي علشان تخرجي الحاجات دي اتخرجها وتعرفي تتخطيه ازاي وتتعاملي معاه ازاي الامور دي بس محتاجه ان احنا نمسك الحاجه الحقيقيه اللي هي الجدل الحقيقيه في الموضوع الموقف الحقيقي اللي عمل كل ده ونشوف ايه اللي اتكون جوه دماغنا وترسب جوانا ونكمل معانا لحد دلوقتي ماثر على كل الحاضر والمستقبل بتاعنا عشان نقدر بقى ايه نقف قدامه كده ونواجهه ونتعامل معاك ده اللي هيخلي الدنيا تبقى الطف واحسن وتبداي تحسي بالحاجات بشكل الطف وبتحسي

أشعر أن بداخلي مشاكل نفسية تعيقنى عن الاستمتاع بسنى وهواياتى، ماذا أفعل؟

نفسية

اكتئاب

سؤال من احد أعضاء فدني

تم النشر الثلاثاء، ٢٧ أغسطس ٢٠٢٤

4 إجابة

4 تعليق

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك