اعمل ايه مع شخص انا معاه بقالي داخلين ف سنتين بحب شخصيته و اهتمامه بيا و حبه ليا و عطاءه و كرمه و كل حاجه مش بيستخسرها فيا و ف نفس الوقت فيه حاجات مش بحبها فيه صفات بالاخص .. حاسه عشان داخلين ف الجد و أن خلاص هيحصل حاجه رسمي حاسه اني مش مؤهله ل حاجه زي دي حاسه اني هكون فرحانه عادي بس مش طايره من الفرح مع أنه زي القمر بس هو اطول مني ب ٥ سم مثلا و انا كان حلمي اخد واحد طويل و عريض زي اي بنت لما بتحلم و ف نفس الوقت بقعد اقول اللي شوفته منه محدش يقدر يقدمهولي و ف نفس الوقت بقول لنفسي ما يمكن الاقي الاحسن اللي الاقي فيه اللي انا عايزاه و كنت بحلم بيه مش عارفه اعمل ايه اكمل ولا مكملش و ف نفس الوقت هو اتقدم مره هو و مامته و حصل سوء تفاهم بينا و بين مامته قعدها ٣ شهور لحد دلوقتي مش بنتعامل مع مامته ف انا كده يعتبر هدخل اسره كرهاني و لان هو عامل هاله ل مامته كبيره جدا هو باباه متوفي بس ده مش معناه يكون كده مع مامته بقعد اقول يمكن ابن أمه زي ما بيقولوا بس بقعد اقول ما هو لو كان كده كان زمانه لما حصل سوء التفاهم مبقاش معايا و بيعافر لحد ما مامته توافق ف انا مش عارفه اعمل ايه انا خايفه اسيبه اندم و خايفه افضل معاه و اندم بردو ؟
أول حاجة، حبيبي، موضوع العلاقات فعلاً معقد وبالأخص لما نكون بنحس بالتردد والحيرة. واضح إن عندك مشاعر متضاربة وعندك أسباب تخليكي تحسي بالقلق. أنتي بتحب شخصيته واهتمامه، وده شي مهم جداً في أي علاقة. أما بالنسبة للارتفاع، فلا تتخيلي إن الطول هو المهم، المهم هو المشاعر والتوافق بينكوا. ممكن تحسي إنك مش مؤهلة، بس كل واحد فينا عنده مميزات وعيوب، وزي ما أنتي شايفة إيجابياته، ممكن تلاقي إن في إيجابيات عندك كمان. أما بالنسبة لموضوع مامته، هو مهم يتعامل معاه ويفهم الموقف، بس كمان انتي لازم تحددي إذا كنتي قادرة تعيشي في الظروف دي ولا لأ. ما ينفعش تخلي كرهها يحدد حياتك. يمكن تبقي عايزة تتكلمي معاه بصراحة عن مشاعرك وأفكارك. وإذا قررتي تكملوا، حاولي تنبهيه على الموضوعات اللي مضايقاكي واطلبي أنه يتعامل مع مامته بالطريقة اللي تخليكي مرتاحة. في النهاية، قراراتك لازم تكون مبنية على شعورك الشخصي وراحتك النفسية، ومش لازم تقبلي بأقل مما تستحقين.
تم النشر الثلاثاء، ١٣ أغسطس ٢٠٢٤
يعني انتي معه من سنتين، وانتبهتي لتوك لمسألة الشكل والصفات اللي مش بتحبيها؟ّ هي المفروض فترة الخطبة بتكون عشان تشوفوا توافقكم سوا وتتعرفوا على بعض أكثر وتشوفوا هل هتقدروا تكملوا في حياتكم سوا وتنشئوا بيت وأسرة ولا لأ... لكن بكلامك انتم سوا من سنتين يعني المفروض عرفتم بعض كفاية. عامة نركن موضوع السنتين دول على جنب ونشوف الوضع الحالي. هو دلوقتي اتقدم تاني؟ تمام، اركني مشاعرك تجاهه حلوة أو سلبية وصلي صلاة استخارة وادعي ربنا يختار لك... إذا كان زواجكم خير ربنا ييسر وإن كان شر ربنا يبعده عنك ويوفق كل واحد في حياته. بالنسبة لنقطة ابن أمه فلازم تفرقي ، فيه واحد بيحب مامته ويعطيها مكانتها ويعزها زي ما الدين قال، وفيه واحد تاني مش بيعرف يتصرف ولا ياخد خطوة إلا لما يرجع لرأي الماما وبيمشي كلمتها في كل حاجة وكل قرار في حياته وزواجه حتى لو رأيها ظالم أو غلط تمامًا. شوفي انتي هو أي واحد فيهم وشوفي مزاياه وعيوبه وإن كانت العيوب تقدري تتعايشي معها وتتأقلمي ولا لأ. والمزايا هل هي أكبر وتستحق تتحملي رغبتك في شكل أو طول أو علاقة مضطربة مع والدته ولا لأ؟
تم النشر الخميس، ١٥ أغسطس ٢٠٢٤
انا شايفه ان اللي ملوش خير في أهله ملوش خير ف حد وخصوصا ان أمه يعني عمره ابدا ما هيزعلها ولا يجي عليها ايًا كان إيه السبب وحتي لو امه هي اللي غلطانه بس هي أمه وإنه يحترمها دي حاجه المفروض تكوني مبسوطه بيها ولو ع الحب انهم يحبوكي فهيحبوكي من طريقتك انتي لو انتي حد كويس وتعاملتي معاهم كويس وزي اهلك عمرهم ما هيكرهوكي بالعكس هيحبوكي اكتر ممكن من ابنهم ولو ع الشكل في الشكل عمره ما كان عقبة ولا حاجه توقفي عليها حياتك طالما هو بني ادم كويس وبيتمنالك الرضا وكويس مع اهله.
تم النشر الثلاثاء، ١٣ أغسطس ٢٠٢٤
انا شايفة انسب حل انك تعملي استخارة كتييير وعن تجربة كل حاجة بتتظبط حيرتك دى هترووح سواء بالاطمئنان او الراحة او العكس
تم النشر الأربعاء، ١٤ أغسطس ٢٠٢٤
اول حاجه طبعا لازم تعملي استخاره دي حاجه اساسيه وكمان ممكن تخلي حد من عيلتك اختك او مامتك او اي حد يعمل معك استخاره عشان لو انتي ما عرفتيش تحددي انت مرتاحه ولا لا الشخص ده يقدر يحدد لك بس برده ممكن لو حاسه انك خايفه تخسريه ممكن تعملي اختبار صغير شوفي مع نفسك وفكري في حاجه وتكوني شايفه ان الحاجه دي ممكن تبين لك في المواقف الصعبه هيعمل ايه هيطلع ابن امه ولا هو شخص عاقل بيحترم مامته وبيفضلها بس برده اهم حاجه انه ما ينفعش يظلمك ف انتي فكري في حاجه تبين لك الشخص ده عاقل ولا ابن امه
تم النشر الخميس، ١٥ أغسطس ٢٠٢٤
لعرض السؤال في فدني اضغط هنا