مشكلة مع خطيبي بسبب رفض أهلي خروجي معه مفردي أو حتى برفقة بنات قريباتي، ما العمل؟

Question

محتاجه ارائكوا ف موضوعي ده ممكن؟ انا اهلي ناس بسيطه جدا وانا عندي 23 سنه اتقدملي حد بحبه اوي اوي المهم انا عندي اتنين بنات متجوزين وولد عنده ١٨ سنه عايش معانا انا لما اتقدملي خطيبي ده بابا قاله هنعمل خطوبه عائليه مش هنعزم حد من برا وهو قاله ماشي بس لما روح البيت قالي ان هو زعلان وانا حاولت اراضيه وقلت هنعملها ف كافيه كده حاجه صغيره بس ف نفس الوقت علشان ارضيه ويجيب صحابه قالي تعالى ننزل نشوف كافيه حلو قولت لماما قالتلي خدي اختك معاكي اللي متجوزه قولت لاختي قالتلي ماتخليش خطيبك ييجي بسبب انه لو لاقينا كافيه عاجبه وغالي علينا مانقولش غالي قدامه بس هو هيزعل لو قولتله ماتجيش فاقولت لاختي هو عاوز ييجي معانا ف هيا اتخانقت معايا وزعلت مني قولت لاخويا تعالى انت معايا قالي مش فاضي قيس بقى كل حاجه جايه على كده يعني لو انا وهوا عاوزين نجيب حاجه مش هلاقي غيرها هي واخويا ده واحتمال مايبقوش فاضيين واهلي مانعيين ان انا اخرج معاه لوحدي او حتى مع بنات قرايبي وهو خطيبي مخنوق بسبب كده انه مش هيعرف يخرج معايا ومش عارفين ننزل نشوف كافيه حلو نعمل فيه خطوبتنا وهو حاليا مابيكلمنيش علشان مخنوق واتقفل مني وانا تعبت ودماغي تعبت ومش عارفه اعمل ايه

Accepted Answer

لو كان له أخت اقترحي عليه أن تكون معكما، أو يمكنكم البحث بالسؤال في مجموعات الفيسبوك في نطاق سكنكم. بالنسبة للشرط الذي وضعه الأهل يا عزيزتي هو لأجل عزتك ورفعة قدرك، فلو كان هذا يزعجه وهو مدرك لحدود الحلال والحرام فهذا خلل في رجولته، أما إذا كان غير مدرك فيمكنك إرسال مقطع يوضح الحكم الشرعي له.

Answer

السلام عليكم بصي حبيبتي. بالنسبه لانه ده وضع اهلك وده الشرط اللي هم حاطينه دي حاجه انت لازم تبقي محترماها جدا ولو الشخص اللي جاي يتقدم لك. سواء هو خطيبك او بعد ما بقى جوزك لو مش بيحترمك رغبه اهلك وقواعدهم فدي هتبقى علامه مش لطيفه خالص. وانت مش المفروض تتماشي مع ده بانك انت كمان مخنوقه واني شايفه ان دي تحكمات وان دي حاجه مضيقه الحياه لا هو الحقيقه ان احنا لو كلنا الدنيا مش بلا قواعد وبقينا بس بنعمل اللي احنا عايزينه صدقيني ده مش بيودي الانسان لاي حته خالص. فا. الخطوبه عموما لو احنا بقى هنجيء للعادات والعرف والكلام ده فالخطوبه بما انها بتبقى خاصه باهل البنت فهما من حقهم يعملوا اللي هم شايفينه مناسب ليهم ومناسب ليهم ازاي مناسب لطريقتهم مناسب لطبيعتهم مناسب لقدرتهم الماديه ااا دي حاجه ما فيهاش عيب خالص وما فيهاش حاجه تخنق ولو خطيبك او الشخص ده اللي متقدم لك اعتراض على الموضوع انت الواجب انك تتكلمي انت عن اهلك. وتفهميه دي حاجه طبيعيه وان هو ده اللي ليهم مقدار عليه او انه هو ده اللي هم يرتدوا به وهم مش هيحبوا غير كده المهم ان اهلك قالوا ان هي تكون عائليه في البيت فخليني اقول لك ان ده الافضل بما انك بتطلبي راينا فده الافضل الافضل ليه من الجهه الشرعيه علشان اصر الخطبه والافضل ان هي تكون مش معموله بدوشه وهيصه كبيره قوي يعني لانه لسه الناس بتعرف فيها بعض واحتمال الخطوبه ما تكملش واحد من الاحتمالات طبعا اللي موجوده. فيبقى ليه نعمل؟ يعني احتفال كبير واحنا ممكن بعد كده نزعل عليه يعني او يبقى حتى تكلفه ماديه احنا زعلنا عليها. هو طبعا الافضل ان هي تكون في البيت وبشكل عائلي وبشكل بسيط وخلينا يا ستي لو هتكلم معاكي في الحلول الوسط برده لو انت حابه تشوفي الكافيه والله دلوقتي انت تقدري انت. وخطيبك واللي هيكون خطيبك ان شاء الله تقدروا تقعدوا تشوفوا الكافيهات دلوقتي كل حاجه بتنزل اونلاين والكافيهات بتنزل صور ليها اونلاين واصور المكان وكل حاجه كنوع من انواع الدعايه فتقدروا تشوفوا اكثر من كافيه وتشوفوا الصور بتاعته. وتتناقشوا مع بعض ولو شفتوا حاجه كويسه تنزلي انت واختك تشوفيها او تسالوا على السعر بتاعه وتشوفوا اذا كان هيناسب عيلتك ولا لا يعني دوري دائما على الحلول المرنه بدل ما تبقي واقفه قصاد حته انك عايزه تنفذي اللي انت عايزاه او لخطيبك عايزه بشكل معين وخلاص ولو الموضوع دلوقتي بدا من حاجه صغيره زي دي وهو اتخنق منك واوصاف اللي انت بتقوليها دي يعني وهو بيزعل قوي فده برده انذار لحاجه مش لطيفه خالص يا ريت تاخدي بالك.

Answer

بصي مبدايا اهلك صح جدا وهما مش بيعملو كدا عشان يقرفوكي بالعكس هما كدا بيحافظوا عليكي انتي متعرفيس الخلوه مابين الست والراجل بتعمل كوارث ازاي بجد اما كون ان اهلك ناس بسيطه ف دا شئ ميعيبكيش ف حاجه اهلك دول فوق دماغك انتي وخطيبك ناس تعبو وشقيو عشان يكبروكوا ف ميجيش واحد م برا يقلل اهلك ف نظرك بالعكس انتي تتفاخري بيهم وقولي لاختك الكلام دا ولو خطيبك مش عاجبه اتركيه لله وييجي الاحسن منه اللي يكون مقدرك ومحترمك ومحترم قرارات اهلك

مشكلة مع خطيبي بسبب رفض أهلي خروجي معه مفردي أو حتى برفقة بنات قريباتي، ما العمل؟

اجتماعية

سؤال من احد أعضاء فدني

تم النشر الخميس، ١١ يوليو ٢٠٢٤

4 إجابة

4 تعليق

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك