انا عاوز اعرف اجابة السوأل ده بالله عليكم هي ليه الظروف الاقتصادية اللي بنمر بيها دي مخليا الناس مكتئبة وزعلانة ومحدش طايق التاني و بيبان على شكلهم و تعاملاتهم مع بعضهم و طباعهم رغم أن اخواتنا في غزة و غيرهم كتير عندهم ظروف اسوأمن كده ورغم كده بيخافوا على بعض.
الانسان بيتعامل بهرم الاحتياجات فاذا كان لسه فى صراع فى احتياجاته الاساسية فصعب تكلمه فى حاجة فى اعلى الهرم اللى موطى عشان جزمته اتقطعت متتوقعش منه انه ببساطة يبص يشوف العصفوره الملونه فى السما ....القدر ده من التوازن مش بيعرف يعمله الاغلبيه قليلين اللى بيقدروا يعملوا ده متبصش على جزء من الصورة اللى احنا شايفينه فى غزه ..لان ده وضع انت مجربتهوش ومتعرفش انت شخصيا كنت هتعمل ايه لو انت فى وضع حرب. ربنا يعين كل شخص على حاله ويثبتنا جميعا على الحق
تم النشر الأربعاء، ١٤ فبراير ٢٠٢٤
الناس دي مختلفة في الدين والتفكير والثقافة والمستوى الاجتماعي .. ولكن العامل المشترك ما بين كتير من الناس هو غياب الضمير وتحريف المبادئ وضعف الدين ودا مش حكم على الناس بالمناسبة دا تفسير لايات من القران واحاديث من السنة النبوية الشريفة
تم النشر السبت، ١٧ فبراير ٢٠٢٤
الحياة بقت صعبة يا صحبي انهارده مفيش شباب عارف يتزوج ،العدس ب٨٠ جنيه اشتريته انهارده وده اللي كنت بقول عليه اكل الغلابة ،علي فكرة انا كنت من الطبقة تحت الغنية علطول لكن الوضع اللي احنا فيه ده بقيت من الطبقة الفقير حرفيا ، ده انا معايا ولد وبنتين بس فما بالك باللي معاه اكتر كله بسببه المكسيكي ربنا ياخده يارب
تم النشر الأحد، ١٨ فبراير ٢٠٢٤
فرق الايمان بالله 👌❤وهما صابرين ع البلاء اما إحنا هنا مش كلنا كده في اللي راضي وفي اللي لا
تم النشر الجمعة، ١٦ فبراير ٢٠٢٤
ولا عارفين محارب الغلاء
تم النشر الجمعة، ١٦ فبراير ٢٠٢٤
برجاء تعديل كتابة الاية ( إن الحكم إلا لله ) وليست ( وما الحكم )
تم النشر الأربعاء، ١٤ فبراير ٢٠٢٤
و اقولك علي نصيحه لو طبقتها حرفيا حياتك هتتغير للافضل بشكل ملحوظ و هتدعيلي.. متحكمش علي اي حاجه لا شخص ولا موقف ولا حدث ولا اي حاجه ودا مش امر مني دا امر من الله انا بس بفكرك بيه ربي قال ف القران ( وما الحكم الا لله) لو انت مشيت ع الايه دي حترتاح و هتريح كل اللي حواليك
تم النشر الأربعاء، ١٤ فبراير ٢٠٢٤
و هيفيدك ف اي الاجابه ع السؤال غير الحكم ع الاخر.. ركز علي نفسك و لما تحترم نفسك تلقائي الكل هيحترمك ولما تحب نفسك الكل هيحبك طور من نفسك علشان تستحق تكون مع اشخاص افضل.. تحبك و تخاف عليك و تهتم بيك و تراعي ظروفك هتقعد تبص دا ليه عدواني و الناس ليه بقت بالوحشيه دي هتلاقي اسهمك صفر ف الحياه و مش متقدم خطوي وحده تجاه اهدافك و احلامك
تم النشر الأربعاء، ١٤ فبراير ٢٠٢٤
مش العدس وبس وكرتونة البيض بقيت ب165جنيه ده غير السكر والرز والزيت مش الازمة دي هتخلص امتى
تم النشر الأحد، ١٨ فبراير ٢٠٢٤
حضرتك عندك حق بس الناس اتغيرت اوي وده الي مزعلني من معظمهمه
تم النشر الأحد، ١٨ فبراير ٢٠٢٤
الحياة كلها في آيتين : "فمن أتبع هداي فلا يضل و لا يشقى.." "ومن أعرض عن ذكرى فإنّ له معيشة ضنكا.." هذه معادلة الحياة وما على الإنسان إلا أن يختار !
تم النشر الأحد، ١٨ فبراير ٢٠٢٤
ولا عارفين نحارب مع غزه
تم النشر الجمعة، ١٦ فبراير ٢٠٢٤
عشان احنا شويه نمل
تم النشر الجمعة، ١٦ فبراير ٢٠٢٤
لعرض السؤال في فدني اضغط هنا