الفكره بقي انو مش عارف ينظم حياته وتايه بيربط نفسه ب كذا حاجه وف الاخر بيخسر كل حاجه فتح مشاريع كتير وللأسف مبتكملش ويوم مانزال يشتغل ف القاهره وشغل ثابت مامته فضلت تزن عليه وتكلمني عشان اقنعه يرجع تاني وقالتلي انا جالي السكر بسبب انو بعد عني
تم النشر الجمعة، ١٧ فبراير ٢٠٢٣
هو يستاهل، بس لما ينظم حياته الأول لانه واضح قوي انه واقع تحت ضغط نفسي، اولا نقطة لصالحه انه قرر يدخل البيت من الباب.. نقطة كمان لصالحه علشان لما حصل الخلاف و اتقالت لاء فضل باقي عليكي و مصرفش نظر دا دليل علي انه عنده جدية و ميال ليكي او بيحبك فعلا مش مجرد تجربة و عدت.. بس المحصلة النهائية ان القرار في ايدك اختاري كويس، مع احترامي للجميع موضوع السقوط في الكلية دا واخد اكبر من حجمه، لو هو عنده شغل أو قادر فعلا علي تكاليف الزواج و كمان قادر يوفر لك حياة كريمة ساعتها يبقي موضوع الكلية موضوع ثانوي، بس عموما كنصيحة واجهيه و عرفيه ان كل شيء قسمة و نصيب.. و تنصحيه بجدية انه يركز في مستقبله علشانه.. دا في حال انك قررت اتفضلي و تنسي الموضوع. موضوع الشقة جنبكم دا مش اختبار لأي شيء دي رغبة داخلية جوا والدتك و جوا اي ست خايفة بنتها تبعد عنها و في الأيام دي معاهم حق بس تذكري دوما ان اللي ربنا كاتبه هيحصل سواء قريبة او بعيدة عنها.. و اتمني لك و له التوفيق
تم النشر الجمعة، ١٧ فبراير ٢٠٢٣
يبقي مامتك معاها حق هو كان ممكن يرضي الطرفين ويحاول يقنع اهله ان مامتك حابه تطمن عليكي وعايزاكي قريب منها وهو راجل يعني مش زيك فهماني وطالما هو قدر يبعد الفترة دي كلها يبقي ده مش امان ليكي هو كان ممكن يبعد فترة مثلا صغيرة يحاول يفكر ويلاقي حل يرضي مامتك واهله لكن ده فترة كبيرة وكمان اهو انتي بنفسك قولتي انك مش شيفاه قد المسؤولية وانتي لو رفضتيه مش هتبقي قليلة اصل بالعكس انتي هتكوني ريحتي نفسك م تعب ومشاكل بعدين وصلي استخارة برضو وشوفي وفكري كويس اوي قبل ما تاخدي خطوة ف الموضوع ده وشيلي م دماغك خالص فكرة انك لو رفضتيه هتبقي قليلة اصل وبياعة عشان دي ملهاش علاقة بالموضوع دي حياتك وحياة هتبنيها لاخر عمرك متدمريش حياتك عشان كلام الناس وانك بياعة
تم النشر الجمعة، ١٧ فبراير ٢٠٢٣
الفكره ان ماما كانت عامله موضوع الشقه ده شرط و ف نفس الوقت اختبار ليه عشان تشوف هو قد كلمته والا لاء بصي هو بيحبني وكل حاجه بس برضو مش شايفه ان هو هيقدر يبقي مسئو ل ف كنت عاوزه ابعد وف نفس الوقت مش عاوزه يتقال عليا قليله الأصل او بياعه ومامتي اصلا رفضه الموضوع من بعد اللي حصل
تم النشر الجمعة، ١٧ فبراير ٢٠٢٣
لعرض الإجابة في فدني اضغط هنا