كنت محتاجه اسأل سؤال انا كنت مرتبطه ب واحد بس من محافظه تانيه وكان بقالنا ٥سنين بنتكلم كاصحاب واول ما حس انو بيحبني وكده كلم ولدتي وقابلها عشان يتقدم بس ولدتي قالتلو لازم يجيب شقه جمبنا مش هتسمح اني اقعد بعيد عنها وهو رفض واهلوه رفضوا وبعدنا عن بعض سنه ونص ورجع تاني عاوزني اسمحه واديله فرصه وانو هيعمل اللي مامتي قالت عليه بس اهله مش موافقين انو يقعد بعيد عنهم وكمان هو بيسقط ف الكليه بتاعته وانا خلاص هتخرج السنه دي والحقيقه انا مش عاوزه ارجعلوه وف نفس الوقت مش عاوزه ابقي بياعه وقليله الأصل زايه تفدوني ب اي اديلوه فرصه والا فاكس ميستهلش
تكملي حياتك ومصيرك كله مع حد مش مرتاحه ومش حاسه بأمان ومشاعرك مش قويه ومشاكل من الاهل من جهتين من أولها عشان بس ميتقالش عليكي بياعه وقليله الاصل!! هو آنتي كده حسمتي الأمر بكلامك بس يعني من ال حكتيه وده جزء بسيط ومن طرف واحد هو شكله مشتت ويا أما فعلا يستحق تقفي معاه يا إما تكوني واضحه مع نفسك و طاقتك ومعاه.. وطبعا استخيري كتير بس حقيقي يا تكوني معاه بحب واقتناع بكل حياته حلوها ومرها يا بلاش تزودي علي نفسك وعليه
تم النشر الجمعة، ١٧ فبراير ٢٠٢٣
شوفي صارحيه ان مشاعرك اتجاهه مش قويه زي الاول وان فترات الانفصال الكتير خلت مشاعرك مش قويه زي الاول وانك مش هتكدبي عليه او تخدعيه ف مشاعرك دي وتكملي معاه وانكم تبعدوا دلوقتي افضل ميت مره من انفصال بعد خطوبه او طلاق بعد جواز لكن متكمليش عشان عايزه متبانيش قليله اصل هتبقا صعبه عليه جدا ف استخيري انتي وادي نفسك فرصه تختبري مشاعرك اتجاهه عايزاه بتحبيه ولا لا ده اهم حاجه
تم النشر الجمعة، ١٧ فبراير ٢٠٢٣
يا حبيبة قلبي ف الحاجات دي مفيش بياعة او لا دي حياة انتي هتبنيها مع شخص وهتفضلي معاه لاخر عمرك لازم تختاري شخص يكون كويس وتكوني عارفة انه هيصونك وهيأمنلك حياة كويسة ومعني انه بيسقط ف الكلية يبقي هو مستهتر ده لو مفيش عذر او سبب غير ده يعني وطبعا خدي راي مامتك تاني وهي اكيد هتعرف مصلحتك ولو لسه شايفة انه كويس ليكي يبقي تمام وربنا يوفقك ف حياتك
تم النشر الجمعة، ١٧ فبراير ٢٠٢٣
وايه اللي دخل حوار انك بياعة في الموضوع؟ بصي الجواز لاما اه او لا .. واه موافقة وانتي مقتنعة من جواكي كمان انه هو ده الشخص المناسب. انتي مش هتتجوزي حد علشان صعب عليكي .. ولا علشان متطلعيش بياعة .. الجواز مفهوش الكلام ده. وانتي طالما سالتي السؤال ده يبقى انتي مترددة .. من جواكي في نية الرجوع اليه. وطالما انتي قولتي مش عايزة ترجعيله يبقى خلاص الموضوع منتهي .. اقطعي كل صلة توصله ليكي.
تم النشر السبت، ١٨ فبراير ٢٠٢٣
طالما وقفتى قدام الاختيار بالشكل ده يبقي انتى مش مقتنعه بيه بالشكل اللى يخليكى تبنى حياة زوجية سليمة ولا بيت سوى. الافضل لا تقبلى الا بمن تحترميه وترى فيه زوج واب لا تندمى على اختيارك له فى يوم من الايام.
تم النشر السبت، ١٨ فبراير ٢٠٢٣
الحقيقه اني فعلا كل كلامكم انا بفكر فيه ومقتنعه بيه جدا بس المشكله اني خايفه وكل ما اصلي استخاره بلاقيه بيقرب وكمان هو طول الخمس سنين كان بيبعد اوقات ويتحجج بحته المكان وانتي تستاهلي حد احسن وبتاع ونبعد فتره ويرجع تاني ويقولي كان غصب عني الفكره بقي اني اتعودت ع بعده واتعودت ع انو مش موجود حتي لو جيه انا متأكده انو هيمشي تاني وبكون بتعامل ع هذا الأساس بس المره دي هو اتعلق بيا اوووي لدرجه اني يوم ماعملت اللي قولتو عليه وقولتلو اني مش عاوزه ارجع ومش هكمل عيط وقالي اديني فرصه وانا هعمل كل اللي انتي عاوزه واللي مامتك تطلبه هعمله كله وحاولت ابعد خالص واكرهه فيا بس مفيش فايده برضو ف عشان كده انا مش لاقيه حل ده غير أن احنا الفتره دي حقيقي انا مبكلمهوش نهائي وهو نفس الكلام ف انا قولت بما انو مكلمنيش يبقي عرف اني مش عاوزه فعلا اكمل وان مبقتش احس بحاجه من نحيته زي الاول 🌚
تم النشر الجمعة، ١٧ فبراير ٢٠٢٣
لعرض السؤال في فدني اضغط هنا