سلام عليكم، انا شاب مستقيم ولله الحمد
انا كنت بتفرج على مسلسلات بس من زمان قوي يعني موضوع عدا عليه سنتين او اكتر مسلسلات مصرية رعب عن الجن وكده، المهم لحد دلوقتي المسلسلات دي مأثرة على تفكيري ومعرفش مثلا انام ومفيش نور أخاف اقعد اتخيل بقا بحاجات غريبة لو كنت في الحمام وفتحت المياه السخنة اوي اخاف اتلبس طبعا كلام فاضي بس مش عارف ايه ده،
ومن وانا صغير اصلا كنت بخاف انام لوحدي وانا حاسس الحاجات دي فيها شرك بالله والعياذ بالله فانا مش عارف
وملحوظة يعني بعيدا عن كلام ده انا عندي وسواس قهرية بس الخوف والحاجات دي قبل ما يبقا عندي وساوس اصلا ومعرفش برضوا اصلي وانا في ظلمة اخاف وكمان باليل لما احب اصلي بليل معرفش ادعي يعني اسجد اقعد افكر وخيالي يسرح بعيد وحتى لو حاولت ادعي فانا اصلا مشغول بخيالاتي الهبلة دي بالعكس بقا لما اصلي في المسجد واسجد ولا خيالي يسرح في الهبل دم ولا اي حاجة
أظن أنك في حاجة لقراءة أكثر تعمقا في بند الأذكار ومدى أهميته للحماية من كل هذه الأمور التي ذكرتها. أنا مثلك تماما أخاف منها حد الرعب، والأدعى أني رأيت أحلاما يتجسد فيها رعبي هذا فصار الخوف بداخلي أكثر، ولكن كنت على يقين بأن الأذكار تحميني حتى صار لي ورد من الأذكار أسرده سردا قبل نومي لمدة خمس دقائق وبعدها أشعر بالاطمئنان بل ولا تراودني الكوابيس بفضل الله اضافة للنوم على الجنب الأيمن.. من الممكن أن تشعل هاتفك على القرآن عند النوم ليطمئن قلبك.. ولا تنسى اذكارك قبل الدخول للخلاء .. واذكار خلع الملابس .. واقرأ في الأذكار واسمع محاضرات كثيرة حتى يصل اليقين بداخلك بأنها تحميك
تم النشر الأربعاء، ١٢ فبراير ٢٠٢٥
دي وساوس فعلا اطلب مساعدة من مختص هيساعدك تتخطاها، العلاج المعرفي السلوكي مفيد في هذه الحالات
تم النشر الأربعاء، ١٢ فبراير ٢٠٢٥
وعليكم السلام ورحمة الله وبركاته، أخي العزيز، أشكرك على صراحتك ومشاركتك لمخاوفك وظروفك النفسية. من الواضح أنك تمر بوقت صعب، وهذا شيء طبيعي في حياة الكثير من الناس، خاصة مع تعرضهم لمؤثرات سلبية مثل المسلسلات والأفلام التي تتناول مواضيع الرعب والشياطين. من المهم أن ندرك أن الخوف من الجن أو الظلام ليس بالضرورة شركًا بالله، ولكن يمكن أن يكون نتيجة لتأثير الأفكار السلبية والخوف المبالغ فيه. الإسلام يحثنا على التوكل على الله والثقة به في جميع الأمور، وهو القادر على حمايتنا من كل شر. بالنسبة لمشاعرك أثناء الصلاة أو الدعاء، حاول أن تركز على نية العبادة وتخصيص وقت للصلاة بعيدًا عن المشتتات. يمكنك أيضًا متابعة قراءة القرآن أو الأذكار التي تعزز من طمأنينتك. وإذا كنت تعاني من مشكلة الوسواس القهري، من المهم البحث عن مساعدة من مختص نفسي في هذا المجال، حيث يمكن أن يقدم لك استراتيجيات فعالة للتعامل مع هذه الأفكار والمشاعر. كما أن الانضمام إلى حلقات علم تعزز من فهمك للدين وتزيد من قوتك الذاتية يمكن أن يكون مفيدًا جدًا. لتحصين نفسك أيضًا، تذكر أن الدعاء وقراءة المعوذات هو وسيلة قوية للتحصين من أي مخاوف. أنت لست وحدك في هذا، وتذكر أن التخاطب مع شخص تثق به مثل طبيب نفساني أو أحد أفراد عائلتك يمكن أن يكون له تأثير إيجابي. بارك الله فيك وحفظك.
تم النشر الأربعاء، ١٢ فبراير ٢٠٢٥
انا كنت كدا بسبب مسلسلات مصريه والتركيه ال بتبقي من النوع دا ووقفت من حوالي ٩ شهور وفعلا كان ال بيحصل وتخيل ان قد اي العوالم خفيه ولكن الحل ان قرأت كتير عن قد اي ربنا مانع عنا الحاجات دي حاول تقرأ عن العلاقات دي ولما ملتزم وازكارك تمام متخافش من حاجه ابدااا واعرف ان اي حاجه مكتوبه لينا في حياتنا هتحصل ولما مدخلناش نفسنا في حاجه مؤذيه يبقي خلاص اي ال هيأذي وليه هيأذي ،وقبل ما تعمل اي حاجه قول بسم الله بيطمن ان خلاص مفيش حاجه .
تم النشر الجمعة، ١٤ فبراير ٢٠٢٥
انا مواظب على الأذكار الحمدلله
تم النشر الأربعاء، ١٢ فبراير ٢٠٢٥
الطبيعي ان الانسان يخشى الله اكثر من المخلوق وخوفك من الجن ده امر فطري واي حد بيخاف منهم بس بيختلف الخوف ده من شخص لآخر واحب اقولك ان دي مجرد مزاولات هبله من الشيطان لان الشيطان كما تقول اخي الكريم انك ملتزم وتصلي هو يريد ان ينغص عليك حياتك وعبادتك ليس أمامك غير حلين الاول انك تستسلم وتنكسر أمام مخاوفك دي او انك تواجهها وتتغلب عليها وتعيش حياه طبيعيه طبعا انا أعاني من الوسواس القهري في الدين والعقيدة بفضل الله انا سابته وأيضا كانت تحصل معي بعض المزاولات اثناء الصلاه مخيفه بل تقطع النفس ولكني كنت اقنع نفسي اني لو مت دلوقتي هموت بين يدي كريم وكان الأمر يعدي والحمدلله شُفيت من هذا الامر انصحك اخي العزيز بأن ترقي نفسك وتواظب على قرأت القرآن والأذكار ومنها اذكار الصباح والمساء وأذكار النوم والاستيقاظ وان شاءالله هتلحظ فرق كبير في حياتك اليوميه
تم النشر الأربعاء، ١٢ فبراير ٢٠٢٥
بص يا صديقي أولا انك لازم تعرف أنا مش هقولك أولا العفاريت والجن مش حقيقين او مش موجودين لأنهم فعلا حقيقين وموجودين وانت لازم تعرف كدا لأن ده من الإيمان. بس آخر حاجة ممكن يعملوها يوسوس في الصلاة أو يعصبك في الحلم ويستمتع هو بكدا وغيره يعني من الآخر عاوز يبعدك عن ربنا ده هدفه اما يأذيك في حاجة تانية لا، وانصح تقرأ روايات عن المغامرة عن أي نوع تاني غير الرعب ، انا بتابع الرعب وبحب أسمعه خاصة في جزء الجن والأرواح وكدا بس لا أتأثر فعادي ممكن ناس تتأثر وناس لأ وملهاش علاقة بالخوف بس الوسواس الممل ده ممكن يأثر في ناس وناس لأ ، اشغل نفسك بقسم تاني غير الرعب
تم النشر الأربعاء، ١٢ فبراير ٢٠٢٥
وفاكر اني حلمت بكوابيس مرة كان فيها عفاريت على شكل أهلي ومرة تانية كابوس ومعرفش بس ده غالبا عقلي الباطن بس احلام دي كانت من زمان دلوقتي الحمدلله مفيش يعني ووانا صغير برضوا فاكر اني كنت بتفرج على أفلام رعب وبنحكي قصص رعب مع ولاد عمتي بس مكنتش مدمن رعب اوي يعني
تم النشر الأربعاء، ١٢ فبراير ٢٠٢٥
بس لما بلاقي معايا حد خيالي مش بيسرح لو حصل ايه والخوف ده بيتشال
تم النشر الأربعاء، ١٢ فبراير ٢٠٢٥
لعرض السؤال في فدني اضغط هنا