انا مش عارفه ابدا منين بس انا ف تالته ثانوى ودلوقتي محبطه المواد كلها متراكمه عليا كل حاجه انا فيها لو كان بايدى اختار مكنتش اختارتها عايشه ف ارياف مع ناس تفكيرهم مش زى ولا شبهى التعليم هو الى ممكن يطلعني منهم بمعنى انى لو جبت مجموع عالى ودخلت طب فخلاص انا دكتوره محدش هيكلمنى وحتى أهلى نظرتها ليا هتتغير ١٨٠ درجه بس انا مكنتش عايزه اعيش بالطريقه دى كان نفسى اكون عايشه ف مدينه زحمه ودوسخ ومحدش عارفني فيه كذا فرصه انى اشتغل اى حاجه متبقاش حياتى معتمده ع شويه كلام ع ورق كنت عايزه اعيش ببساطه أهلى ميبقاش متأملين فيا كدا بمجرد انهم بيشوفنى بذاكر ونا ضايعه اصلا والدنيا كلها متراكمه عليا الحياه بسيطه والارياف بتعقدها يارب نفسى تحصل معجزه او اموت
يا حبيبتي خير والله انتو دفعة متعبة المواد والسنه مالكو كده انا كنت مكانك من سنه و حابة اقول لك ركزي ف المواد بس ومالكيش دعوة باللي يتكلم كده كده اهلك مش عاوزين غير الخير ليكي انا ثانوية أزهرية كنت عيشة ف الريف ورحت المدينه الزحمة لل انتي بتحلمي تروحيها و مش الطف حاجة والله بالنسبة التراكمات ف انتي اعملي جدول لم التراكمات نا بكلمك الوقت و بشوف جدول لم تراكمات التفاضل الهندسه الفراغيه اول درسين فيها وكمان في الكيمياء باب الحديد كله و باقي شرعي وعربي، نا لميت اغلب المواد ف ايام الامتحانات لاني كنت قائمة بس توكلت على الله وربنا شاف مني نية حسنة وفقني اي نعم ماجبتش المجموع لل نفسي فيه وحلمي ضاع الحمد لله، بس دي اقدار الله والله رب الخير لا يأتي إلا بالخير انتي صلي قيام ليل وادعي وقولي يارب اكتب لي الخير حيث كان ثم ارضني به احسن من لما معربا على أن النجاح بكلية طب وهندسة زي ماكنت متخيلة، بس ماعندك الله لا ينال الا بالطاعة اهدي نتي كده وثقي ف ربنا أنه هيدبرهالك ، بس متي ادعي وبالله عليكي لو دعيني ماتنسينيش أن ربنا يجبر خاطري لاني بجددد محتاجة الدعوة دي بقلب صادق ، لعلك تكوني اقرب مني لله فيستجاب ليكي اسمي بسملة
تم النشر الأربعاء، ١٦ أكتوبر ٢٠٢٤
انا كمان في تالتة ثانوي وانا كمان في ارياف جزء من اللي قولتيه صح والباقي غلط ده لأنه حتى لو محدش فهمك حاولي تكتبي كل حاجة انتي حاسة بيها اسألي نفسك ايه اللي وصلك لكدة وجاوبي عليها ومتحمليش نفسك عبء كبير كل إنسان له طاقة والطبيعي كلنا اكيد قدامنا حاجات مش عارفين نعديها بس ده مش معناه اننا مش هنعرف ثقي في ربنا صلي مش بس الأوقات المفروضة لا بعد كل صلاة ركعتين بنية زوال الهم والتوفيق وإن شاء الله ربنا معاكي
تم النشر الاثنين، ١٤ أكتوبر ٢٠٢٤
مش لوحدك انا كمان في تالتة ثانوي بس في حاجه مهمة لازم تكوني عارفة أن الواحد مش لازم يكون مولود في بقه معلقه دهب انا نفس حالتك ابقي رايح الدرس في امان الله الناس سكته عادي اعدي مه هنا الكلام يبتدي الناس واخداني محتوي بس الحياة الصعبة دي لازم اكون دافع انك تذاكري وتعملي العليكي انا برضو متراكم عليه حاجات بس الفكرة في الوقت مش في الكمية لأن لو حصة واحدة متراكمة ممكن تتطول معاكي لأن مفيش وقت وتحس انك مهملة ودنيا بس لازم يكون في شوية واقعية كدة تبصي للحاجة بصة صح وتحولي تزحمي يوم بس تقول مع نفسك أن اليوم ده ممكن يضيع لو مذكرتش بضمير وممكن ينقذني لو ركزت وحاولي تحسني من نفسك علشان تحققي الي انتي عوزاه وربنا معنا ومعاكي
تم النشر الأربعاء، ١٦ أكتوبر ٢٠٢٤
عزيزتي، أشعر بشعورك العميق من الإحباط والضغوط التي تعانين منها، وأريد أن أذكرك أن الأوقات الصعبة جزء من الحياة، ولكنها ليست النهاية. من المهم أن تتسلحي بالأمل والثقة بأنك قادرة على التغلب على التحديات التي تواجهينها. أولاً، من المهم أن تنظمي أوقاتك وجدول دراستك. حاولي تقسيم المواد الدراسية إلى أجزاء صغيرة، وابدئي بالمادة التي تشعرين فيها بالراحة قليلاً، واعملي على تعزيز ثقتك بنفسك من خلال تحقيق ما تستطيعين تحقيقه خطوة بخطوة. ثانياً، يجب أن تتذكري أن النجاح لا يقتصر فقط على الدرجات العالية أو الالتحاق بالتعليم العالي؛ بل النجاح يمكن أن يتمثل في تحقيق أهدافك الشخصية والشعور بالراحة النفسية. اطلبي الدعم من معلميك أو الأصدقاء الذين يمكن أن يساعدوك في تطوير مهاراتك. ثالثاً، حاولي التواصل مع نفسك ومع ما ترغبين فيه حقاً. إذا كانت لديك أحلام أو اهتمامات أخرى، ابدئي في التعرف عليها. لا تترددي في التعبير عن مشاعرك سواء لأفراد عائلتك أو لأشخاص تثقين بهم. وأخيراً، إذا كنت تشعرين بأن العبء يزداد وأن مشاعرك ليست تحت السيطرة، قد يكون من المفيد التحدث إلى متخصص في الصحة النفسية. قد تساعدك هذه الخطوة في إيجاد طرق للتعامل مع الضغوط بشكل أفضل. تذكري، لا تأسي، فأنت لست وحدك في هذه الرحلة، وهناك دائماً سبل للتغيير والتحسين. أرجو لك كل التوفيق والدعاء.
تم النشر الاثنين، ١٤ أكتوبر ٢٠٢٤
اولا ارجوا من الله ان يوفقك للخير حيثما كان ويرضيك به، ثانيا انا جربت الأتنين واللي قلب متعلق بيها اكتر هي الريف رغم إن مقدرش انكر مميزات وعيوب الأتنين،واعتقد إن من عيوب الريف إن الناس مش بتسيب بعض في حاله خاصة بالكلام وبالحسد وبيدوروا في عيوب الناس وبينسوا نفسهم،لكن في المقابل في ناس مهتميه بيك وبتسأل عليكي ...إلخ.،ثالثا خطأ شنيع وكبيييير جدا هو إنك تربطي حياتك وسعادتها بكلية وهي طب مش هي اللي بتسعد والله ،السعادة جواك وانت اللي بتصنعيه من خلال علاقتك مع ربنا ومع اللي حواليكي ومع افكارك،لكن مش معنى كلامك انك تعدي كده لأ خالص بالعكس اسعي واعملي اللي عليكي جت اللي نفسك فيها الحمد لله مجتش بردوه الحمد لله قضاء الله خير ،وأنصحك بالقرب من الله وبسماع فيديو د.علي حسيب قضاء الله خير خطبة جمعة،واول ما تخلصي امتحانات اسمعي فيديو مبروك ٥٠ %لأحمد ابو زيد،وفيديو ماذا بعد الثانوية العامة من القاع للقمة ، وختاما وفقك الله لما يحبه ويرضاه
تم النشر الأربعاء، ١٦ أكتوبر ٢٠٢٤
هحاول اعمل ده
تم النشر الثلاثاء، ١٥ أكتوبر ٢٠٢٤
لا تلقي بألا لكلام احد وحقيقة اغلب الناجحين من الارياف بالرغم من الصعوبات والضغوطات الله كريم ورحيم بك وسوف تنجحي بإءن الله
تم النشر الأربعاء، ١٦ أكتوبر ٢٠٢٤
السلام عليكم ورحمه الله وبركاته اولا اتمني من المولي عز وجل أن يوفقك ويعينك ويوصلك لقمة النجاح ثانيا خدي بالاسباب وتوكلي علي الله وتيقني بأن الخير سيكتبه الله لك حتما أن هو الحكيم الرؤوف الرحيم ثالثا لا تلقي بألا
تم النشر الأربعاء، ١٦ أكتوبر ٢٠٢٤
حاولي علي قد ماتقدري تفصلي نفسك خالص علي اللي انتى فيه ومكانك حاليا ،اتفرجي علي كذا حاجه فيها المكان اللي نفسك تعيشي فيه وتخيلي نفسك بعد خلصتي دخلتى طب انتى دلوقتي في المكان دا ، هتلاقي نفسك بقيتي احسن بكتير + الدراسه المواد المتراكمه هطلعي من الفهرس المواد وتكتبيها علي كل ورقه وعدد الفصول يعني مثلا العربي قراه الفصل الاول كذا والتاني كذا فاهمه وكل يوم تخلصي فصل من ماده والى كنتى مذاكراه قبل كده راجعي واعملي امتحان فيه ، وخلي كل ورقه مثلا العربي بالفصول بتاعته لورقه لوحدها الاحياء كده والزقبهم علي الحطيه والفصل اللي تخلصيه اعملي جمبه صح هتلاقي نفسك مبسوطه وانجزتى وعايزه تكملي ، اصحي الصبح من بدري ظبطي المكان اللي هتقدى فيه وقوللهم انك هتذاكري عشان محدش يفضل يناديكى ظبطي القاعده حطي باخور اتفرجى علي المكان اللي نفسك هتروحيه اعملي كبايه نسكافيه ، واقعدي في رواق وملكيش دعوه باللي حواليكى خالص ، أو ذاكري من الساعه ١٢بليل لحد ٦ الصبح دا الوقت جامد اوي لو بتحبي الليل ونفس الكلام ظبطي الدنيا ، وتعرفي انك انتى اللي باديكى هتخرجي نفسك من اللي انتى فيه ودا اظن اكبر حافز ليكي يخليكي تذاكري ،وتصري انك تكملي ومتحبطيش دا شعور عادي ، بس استغلي علي نفسك هتلاقيكي مبسوطه والشعور دا راح ومتستسلميش ليه ، ومتشغليش بالك باي حد نهائي وقت المذاكرة انتى ف عالم تاني غير الواقع اللي انتى فيه جربي وعرفيني
تم النشر الثلاثاء، ١٥ أكتوبر ٢٠٢٤
هو من وجهة نظري اجمل مكان ممكن يتعاش فيه وهو الارياف بس انا معاكي اني فيه اماكن وحشه بس والله في اماكن جميله جدا وبعدين اي الجميل في المدن او اي الفرق اصلا يعني انا عشت فتره في مدينه بس والله الارياف اجمل كفايه الناس الطيبه اللي فيها والاسباب اللي قولتيها مش سبب انك تراكمي هو انتي لو بطلتي تبصي علي اللي حوليكي او تخليكي في نفسك وتتعاملي علي قد اللي معاكي في الغالب هتنجحي وعندك مثلا د. محمد ايمن و المهندس احمد ابو زيد وناس كتير في ارياف ونجحت عادي
تم النشر الثلاثاء، ١٥ أكتوبر ٢٠٢٤
لعرض السؤال في فدني اضغط هنا