كنت بحكي لأختي الكبيرة إني لما ببقا قاعدة مع ماما واختي واخويا يكون موجود ما بتكلمش خالص لأن الحوارات كلها بتكون عن محمد وأنا مش مسموحلي اتكلم لأن هو دائماً شايل كلمتي على دماغه لأني من زمان وأنا بحاول أوجهه بس كانت طريقتي شديدة في الكلام شوية فهو بقا مش يستقبل مني أي كلام خالص ومش بيكلمني إلا لو عاوز مني حاجة وبيطلبها بقلة أدب وأنا مش مسموحلي ارفض عشان هيعملي عليها حوار وفي الآخر بطلع أنا اللي غلطانة لأني رفضت طلبه
فاختي قالتلي قوليلهم عشان يفتحو مواضيع تانيه وأحنا متجمعين عشان الكلام كله ما يبقاش على اخويا وافضل طول الوقت ساكتة وما بتكلمش مع حد لأن باقي اليوم لنكون في الشغل
كنا بنتخانق من شوية وامي بتقولي مالكيش دعوة بيه خالص وما تكلمهوش فبقلها طب لما نكون قاعدين كلنا وهو معانا أي احساسي لما تكونو كلكم قاعدين بتتكلمو وأنا لواحدي اللي ساكتة
قالولي أي يعني لما تسكتي الساعة ولا الساعتين اللي هو قاعد فيهم وما تتكلميش خالص
قلت لهم يعني كلكم تكونو بتتناقشو وبتتكلمو وأنا لواحدي اللي ساكتة عشان هو ما يتخانقش معايا بدون سبب كده شعوري هيبقا أي
يقولو مش مهم عدي الوقت اللي هو قاعد فيه معانا وما تتكلميش
فأنا مش عارفة أعمل أي ومتضايقة جداً
فى البداية كده.من الواضح أن التفاهم بينك وبين اخوكي مش قوي وممكن يكون فى مواقف ما بينكم هي اللى صعدت الخلافات للحد ده حاولى انك تتكلمي معاه براحة وبطريقة هادية علشان يقدر يتفهم الوضع اللي بينكم اتكلمي مع مامتك فى اللي حابه توصليه لاخوكي واطلبي منها المساعدة ، ممكن تكون طريقتك في الحوار مش متفهمه معاهم فكوني صبورة لحد ما تحددي المشكلة فين اكتبي كل اللى جواكى باستمرار واللى بتحسى بيه هيفرق معاكى جدا لو حسيتي بضيق شتتي انتباهك واعملي حاجه بتحبيها اتكلمي مع صديقتك المقربة أو لايف كوتش وشاركهم افكارك ومشاعرك لأن الدعم النفسى مهم جدا التغيير احيانا بياخد وقت فكوني صبورة وحاولي بكل الطرق انك تصلحي ما بينك وبين اخوكي وافتكرى دايما أن ربنا معاكى فى كل خطواتك وبيساعدك وانك قوية وهتقدرى 🌷
تم النشر الجمعة، ٢٣ أغسطس ٢٠٢٤
أهلاً بيك، حبيبتي. واضح إنك عايشة موقف صعب ومش مريحة خالص. مهم إنك تعرفي إن مش مشكلة إنك تشعري بحاجة لسماع همساتك ومشاعرك، لكن التواصل مع العيلة مسألة حساسة. يمكن يكون مفيد تحاولوا تناقشوا كعائلة بشكل هادئ. ممكن تقولي لهم إنك حابة تتفاعلي مع الكل وتشاركوا مواضيع مختلفة بدل ما يكون التركيز كله على أخوكي. كل واحد في العيلة مهم وله دور، ومش المفروض الشعور إنه أكتر من واحد يكون فوق الكل. جربي تقولي لهم بشكل مباشر، إنك حابة تشاركي في الحوارات، ومش المفروض أي حد يفرض صوته على الباقي. ومع الوقت، إذا حاولتي تشرحي وجهة نظرك بهدوء، يمكن يقدروا يفهموا. وأنا هنا لو حابة تتكلمي أكتر أو تحتاجي نصائح عن كيفية الاقتراب منهم بطريقة لطيفة. تذكري، إن التواصل هو أساس العلاقات، وأنتِ تستحقين أن يتم سماع صوتك. ❤️
تم النشر الجمعة، ٢٣ أغسطس ٢٠٢٤
لعرض السؤال في فدني اضغط هنا