أنا قرأت روايات إلكتورنيه كتير قبل كده، ووصلت لدرجة إني ممكن أخلصلي روايتين في يوم واحد، بس ساعتها مجربش اقرأت كتب علميه أو كده، بس بعديها إتشغلت في المذاكره جامد، وشغفي للقراءه قل، وبما أقرأ روايه مثلا مبكملهاش وبكون حلوه ومشوقه، حتى حاولت أقرأ كتب علميه بقرأ نصها ومبكملش بردو، إشتريت كتب، قرأت حبه ومبكملش، عاوزه أتثقف وأحب القراءه، لدرجة عاوزه أدمنها، بس بكسل مع إني شخص بيتأثر جدًا بالي بيقراءه، يعني إحنا امة إقرأ ولا نقرأ فالموضوع شاغلني جدًا
فأرجو منكم بعض الحلول الفعاله
الطبيعى ان الاهتمامات بتتغير كل فترة عمرية ... جربى تطبيق تحول الفعل لعادة بمعنى المواظبة على فعل معين بتوقيت محدد بشكل متكرر. وأنصحك تعرفى ايه الدافع ال مخليكى متمسكة بالقراءة ،ممكن تكتشفي بالتفكير حاجات مش تعرفيها عن نفسك . واخر حاجة ... رآى اعرفى نفسك واتعرفى عليها باكتر من شكل (كل ما هتبطلى الفضول هيخليكى قادرة تكملى ). ان شاء الله كلامى يفيدك.
تم النشر الاثنين، ١٠ يوليو ٢٠٢٣
واضح انك بتحبي نهج القصص فى الكتابة . هقولك حاجة ظريفة وجربيها اقرأى الكتاب اى كان هو وانتى مستعده تحوليه لحدوته او رواية عشان تشرحى معلومات الكتاب ده لحد من خلال الحدوته شوفى بقي انتى هتكونى مركزة اوى فى الكتاب لاخره عشان انتى المسؤوله عنالرواية حاليا دكتور مصطفى محمود امتعنا بالعلم وهو بيحكى الموضوع زى الحدوته .
تم النشر الأحد، ٩ يوليو ٢٠٢٣
ممكن مثلا تقرأي الكتب الي مواضيعها بتثير إعجابك في البداية يعني مش لازم في البداية تكوني خبيرة في القراءة و تقرأي كتب علمية لا اقرأي الي تحبيه في البداية و بعد ما تتعمقي شوية و يبدأ يرجع شغفك للقراءة ابدأي شوفي كتب تانيه مثلا كتب تاريخية او علمية او علم نفس و كده و كمان ممكن تخصصي مكان للقراءة مكان يكون هادي و مريح و انتي بتحبيه عشان يشجعك انك تقرأي و كمان خصصي وقت معين في اليوم حتى لو كان عشر دقايق انك تقرأي جزء من الكتاب أو مثلا حددي عدد صفحات معين هتقرأيه في اليوم بس ما يكونش كتير جدا عشان ما تزهقيش بسرعه و ممكن تجيبي سناكس تاكليها و انتي بتقرأي أو تسمعي موسيقى لو بتحبي الموسيقى بإختصار خلي القراءة في البداية هواية و حاجه بتلاقي فيها راحتك كده و مع الوقت ابدأي تعمقي في القراءة و اقرأي في مختلف المجالات
تم النشر الاثنين، ١٠ يوليو ٢٠٢٣
طريقة تحببك في القراءة .. انك تبدأي بكتب تكون صفاحتها قليلة شوية، وفي نفس الوقت ممتعة. الكتب اللي بنصحك تقرأيها هقولك عليها .. بس قبل ما اقولك لازم انتي تعرفي ايه الكتب اللي انتي مهتمة بيها، وايه المجالات اللي انتي حابه تقري فيها .. وده هيحصل لما تنزلي بنفسك وتشوفي الكتب. يستحسن متضغطيش على نفسك في الاول يعني ابدأي واحدة واحدة في القراءة لو بتملي بسرعة، صفحة واحدة في الاول، ممكن تلاقي نفسك عايزة تكملي بس خلينا في الاول صفحة واحدة علشان تستني اليوم اللي بعده بفارغ الصبر علشان تكملي .. وكل يوم تزودي صفحة.
تم النشر الاثنين، ١٠ يوليو ٢٠٢٣
ممكن مثلا تقرأي الكتب الي مواضيعها بتثير إعجابك في البداية يعني مش لازم في البداية تكوني خبيرة في القراءة و تقرأي كتب علمية لا اقرأي الي تحبيه في البداية و بعد ما تتعمقي شوية و يبدأ يرجع شغفك للقراءة ابدأي شوفي كتب تانيه مثلا كتب تاريخية او علمية او علم نفس و كده و كمان ممكن تخصصي مكان للقراءة مكان يكون هادي و مريح و انتي بتحبيه عشان يشجعك انك تقرأي و كمان خصصي وقت معين في اليوم حتى لو كان عشر دقايق انك تقرأي جزء من الكتاب أو مثلا حددي عدد صفحات معين هتقرأيه في اليوم بس ما يكونش كتير جدا عشان ما تزهقيش بسرعه و ممكن تجيبي سناكس تاكليها و انتي بتقرأي أو تسمعي موسيقى لو بتحبي الموسيقى بإختصار خلي القراءة في البداية هواية و حاجه بتلاقي فيها راحتك كده و مع الوقت ابدأي تعمقي في القراءة و اقرأي في مختلف المجالات
تم النشر الأحد، ٩ يوليو ٢٠٢٣
أنصحك أن تستغلي شغفك للقراءة الروايات بقراءة كتب إسلاميّة، حتى تعود عليكِ وعلى أبناءك - في المستقبل - بالنفع. فإن الوقت رأس مال الإنسان، فعليه أن يصرفه في ما ينفعه في أمر دينه ودنياه.
تم النشر الأحد، ٩ يوليو ٢٠٢٣
لعرض السؤال في فدني اضغط هنا