انا بحب المستر بتاعي ومش بفكر غير فيه وهو بعاملنا على اساس ان احنا اخواته وبيتكلم معانا وبيهزر وس انا حبيتو واتعلقت بيه جامد وكل شويه بشوفه بس بتعامل معاه عادي وجربت اسيبو واروح لمدرس تاني بس مافهمتش غير منو وانا دلوقتي في 3 اعدادي وكل شويه اعيط ان انا مش هشوفه تاني اعمل اي بسسسسرعه انا بجد تعبت
حبيبتي انت ما تعلقتيش بيه علشان خاطر ما فهمتيش غير منه غالبا المستر شخصيته لطيفه وبيعملكوا فعلا زي اخواته واسلوبه عفوي فانت صور مستر ده او حد ثاني انت برده كنت هتتعلقي بيه المهم دلوقتي السبب التعلق ان انت بتكوني مبسوطه وهو بيشرح لكم وبيهزر معاك وبيضحك معاكم حاولي اعرفي ان انت في سن مراهقه والسن ده طبيعي ان انت تعلقي باي حد فهو ده اللي كان في حياتك كانت معاملته لطيفه فمش معنى ان اي حد معاملته لطيفه معانا ان احنا نتعلق بيه فكري تاني وهتلاقي ان انت غلط وربنا هيوعدك ان شاء الله بالانسان الكويس بس ده سن مراهقه لو انت فهمتي ان انت في سن مراهقه هتعرفي اني مش ده الحب حقيقي
تم النشر الأربعاء، ٢٤ يوليو ٢٠٢٤
حب الطلبة للاستاذ من الحاجات الوارد حدوثها بس هقولك الحقيقة انه مش حب بس هو انجذاب وبيكون ليه اسباب طبعا ممكن بسبب فترة البلوغ والمشاعر الجديدة اللى لسه بتحسى بيها لاول مره ممكن بسبب انك مفتقدة النموذج الذكورى عموما فى حياتك ممكن بسبب احتياج عاطفى بس فاحنا ضرورى نعرف السبب اللى عندك عشان تقدرى توقفى تفكير فانتى شوفى ايه اللى شادك للمستر بقى ؟
تم النشر الاثنين، ١٧ يونيو ٢٠٢٤
لسه 3 اعدادب فأول حياتك فبلاش تربطي نفسك بحد، لسه انت مش مستعده للزواج وهو فالغالب متزوج وعنده اسره و ان فيه حاجه ممكن تحصل تربطكم ببعض مستحيله، هو فالغالب شايفك زي بنته. فا ركزي فحياتك دلوقتي لحد ما تبقي فسن الزواج
تم النشر الاثنين، ١٧ يونيو ٢٠٢٤
1-روح لميس وبلاش مستر 2-إنك مفهمتيش من المستر التاني؛ غالبا بسبب تعلقك بالمستر الأول 3- لما الدراسة تبدأ وتبدأ دروسك ومذاكرتك هتنسي بإذن الله 4- "نفسك إن لم تشغلها بالحق شغلتك بالباطل" _ الإمام الشافعي فاشغلي نفسك بحاجات مفيدة،ممكن تاخدي كورس أو دورة تقرأ كتاب، في حاجات كتيرة اوي اوي
تم النشر الاثنين، ١٧ يونيو ٢٠٢٤
شكرا ليكي علي المشاركة🌷 مرحلة المراهقة مرحلة مرهقة للشخص نفسه افكار كتير متلغبطة مشاعر فياضه غير موجهة سلوكيات غير مفهومة ودا يخلينا نحاول نفهم عنها اكتر ونعلم نفسنا المشاعر عموما بتيجي برسالة لينا فكري كده ممكن تعلقك بالمدرس يكون بيشد احتياج ايه عندك ساعات بيكون عندنا نقص فاحتياجات أساسيه واول باب بنقابله بنحس ان ده هوا اللي احنا محتاجينه بالظبط ممكن تشاركيني حاسه المشاعر دي ايه الرسالة بتاعتها؟
تم النشر السبت، ٢٢ يونيو ٢٠٢٤
يا حبيبتي، أنا متفهمة مشاعرك جداً. والله المشاعر دي طبيعية وبالذات في سنك ده. لكن خليني أقولك حاجة مهمة: العلاقة بين الطالب والمدرس لازم تكون محترمة ومبنية على الاحترام والتفاهم الأكاديمي. حاولي تفتكري إن جزء كبير من اللي بتحسيه ممكن يكون إعجاب بطريقة تعليمه وبأسلوبه اللطيف. لما بنحب حاجة ونتعلق بيها، بنميل نشوفها بشكل مثالي أكتر من الحقيقة. لو حسيتي إن مشاعرك بقت تقيلة عليك ومش قادرة تواجهيها لوحدك، جربي تكلمي مع واحدة من صديقاتك القريبة. الدعم من شخص بيفهمك وبيسمعك ممكن يفرق كتير. الأهم إنك تركزي على دروسك ومستقبلك. ده مش معناه تتجاهلي مشاعرك، لكن معنى إنك تعطي كل حاجة حجمها الصحيح في الوقت الحالي. تذكرى انك انتي لسه في مراحل بناء حياتك و معرفة الأشياء المهمة لكل مرحلة هيكون ليه دور كبير في نجاحك. إحنا بنمسك في الأمور اللي بنحبها، بس مستقبلك أهم دلوقتي أكتر من أي حاجة تانية. اشغلي نفسك بحاجات بتحبيها زي الهوايات أو الأنشطة اللي تفرح قلبك وبتدعم نموك الشخصي. لو حبيتي تقعدي تفضفضي أكتر أنا هنا، مستعدة أسمعك في أي وقت❤.
تم النشر الاثنين، ١٧ يونيو ٢٠٢٤
لعرض السؤال في فدني اضغط هنا