انا عندي ١٩ سنه بابا متوفي ومن اول متولدت وهو مسافر مش معايا اصلا ومش معايا اخوات لما كنت صغيره ابن عمي كان بيبات عندنا وكنت بلاحظ ان ف حاجات مش كويسه بتحصل بينه وبين ماما كنت بقرف وبفضل اعيط ولما ماما تكون نايمه او مش قاعده كان بيجي جمبي وبيحاول يلمسني بشكل مبالغ فبه وكان دايما بيبص عليا من باب الحمام الوضع عملي عقده بجد بس مش عارفه ايه هي بالظبط
بس انا بقيت بحب ان الناس تقولي شكلك حلو جسمك حلو بحب اللي بيشكر ف جسمي وكنت بعمل علاقات سطحيه بس والله قرفت من كل ده وبعدت عن الطريق ده بس برضو انا مبقتش بتبسط لما حد يلمسني بعمل العاده السريه كتير اوي ودي الحاجه الوحيده اللي بتريحني بس بندم بعدها ع طول وندم كبير
حاليا انا فاقده ثقتي ف نفسي وف اللي حواليا وحاسه اني تقيله ع اللي حواليا ولما بلاقي حد طريقته متغيره معايا بفضل اعيط ونفسيتي بتدمر وبحب اوي لفت الانتباه بحب ابين اني تعبانه عشان الاقي اهتمام بس ف نفس الوقت انا بتخنق من الرغي الكتير انا مش فاهمه انا عايزه مش فاهمه مالي حد ينصحني يفيدني يقولي اي حاجه اعملها والله تعبتت ينااس
السلام عليكم ورحمه الله وبركاته. بصي قد ما انت بتحكيه حاجات صعبه. انك واعيه لان الحمد لله ربنا رزق فطره سليمه لسه جواكي صوت كبير بيعرفك انه ده لا مش صح انه لا ده الاحسن نبعد عنه بالفعل خدت خطوات وبعيدتي عن الغلط دي لوحدها كويسه جدا. تعالي نشوف ايه الحاجات الكثير لان انت عندك حاجات متدخله مع بعض اولا الاحتياج لرمز الابوه. هو ايه الاب يعني ايه الرمز بتاع القمر الاب يعني كمان يعني احد انا ببقى حاسه ان انا مش هاممني ايه ممكن يحصل انا عارفه ان انا في شخص هجري عليه هو هيلحقني لما هيكون في عندي طلب او حاجه انا عايزه اعملها هلجا له هو فا انت مفتقده ده طبعا. الاب بيكون هو اول رمز ذكوري موجود عند البنت بما ان باباكي كمان ما كانش موجود وكان مسافر على طول فانت مفتقده الرمز ده يعني ايه ذكر اصلا في حياتي يعني ايه راجل في حياتنا للاسف اللي انت حكيتيه عن ابن عمك عمل لك صوره مشوهه لفكره الراجل او الذكر اللي موجود حواليه فانت عندك تشتت كبيره جدا يعني اصلا ذكر يعني بيعمل ايه في حياتها بيعمل ايه حوالينا فانت من ناحيه الناحيه اللي هي الفطر الطبيعيه انت منجذبه تجاه الذكور يعني ودي حاجه طبيعيه تمام ومن ناحيه تانيه لا عندك نفور منهم بسبب الرمز اللي كان قدامك اللي هو عمك ااا الحته بتاعه الاهتمام للاسف انا عمك اتزرعت في صغيره وانت مش حاسه اكيد كنت بتسمعي الكلام ده بيتكرر ان انت حلوه انت اموره انت جميله انت جسمك كذا اا فخلاص دي طبعت جواكي ان دي اييي بعديها بيجي لمس فراغم انك مش من الشكل اللي هو بالعلاقات السيئه دي. الا انك في نفس الوقت مطبوع جواكي ان دي حاجه بتؤكد انك حلو فانت دلوقتي بقى عندك مشكله انت عندك احتياج انك تشوفي نفسك حلوه وفي نفس الوقت في حاجه مضبوعه جواكي بتقول لك انت مش هتشوفي نفسك حلوه الا لما حد يوصل ان هو يلمسك فانت ما بين ده وما بين ده ما بين اللي الطابعه جواكي غلط وما بين الاحتياج الفطر الطبيعي بتاعك ده اللي بخلي الامور متداخله ده اللي مخليكي مش قادره تفهمي نفسك انا ازاي كده وازاي كده اممم يعني ربنا يكون في عونك بس الموضوع ده لو مش هتقدروا تفصليه لوحدك تكوني محتاجه مساعده مختص امشي معاكي التمارين وحاجات بسيطه وتفرغي المشاعر اللي عندك وتفرغي الصدمات اللي من المواقف القديمه دي. عشان تتخطيها وتخلصي منها وتقدري تكملي لقدام وتقدري تستخلصي شعور الحقيقي بتاعها وتقدري تخرجي منها اي شعور ثاني مزيف وما يخصهاش عشان فعلا تصنفي المشاعر بتاعتك صح وما تبقيش محتاره تاني وما تبقيش متشتته ثاني.
تم النشر الاثنين، ٥ أغسطس ٢٠٢٤
بصي هقولك على حاجه اسألي نفسك سؤال اي سعاده او راحه يليها تعاسه فهل تكون هذه سعاده؟؟ اللي انتي بتعملي ده متأكده انه حرام واكيد عارفه لي ببتعذبي بسببه وبعدين معلش بس هو الشيطان اللي مهيقلك ان لازم الناس تهتم بيك ده طريق رياء ليك وده غلط فدي خطوه هو بيشتغل عليها معاك عشان يدمرك وسؤال بس هل بتقيمي نفسك بالناس اللي حواليك معنى كدا لو الناس ما بقت موجوده فأنت ما ليك قيمه!! فهمي نفسك كدا على فكره اللي انتي فيه ده رحمه من ربنا ايه ده بجد.؟ اها والله بجد لما تكوني بتتعذبي بالذنب عشان تلاقي نفسك عارفه قيمه راحتك فين فترجعي لربنا فدي رحمه من الله.... غيرك ممكن ربنا يسيبه وما يندم فتحسي انهم مبسوطين رغم انهم عاصيين للاسف دول بقا مغضوب عليهم طيب تتخلصي من اللي انتي فيه ده ازاي؟؟ اولا ابن عمك ما يجيش عندكم لانه مش محرم ما ينفع ييجي وما في راجل في البيت حتى لو هتطردي لو ما عملت كدا انتي حره هتزودي آلمك انت ما اعرف يعني ايه علاقات سطحيه بس اللي عليك انك تبطليها لو هي زنا او شيء حرام خدي كل الاسباب ودوري على علاج العاده السريه واخيرا الصبر والصبر والصبر ما تقولي انك صبرت يوم او اسبوع لا الموضوع ممكن يكون مجهد بس فرحته كبيره وراحتك بعدها اكتر والكلام اللي بقوله ليك ده حقيقي انتي بتحسي نفسك بعد كدا اتفك عنك سلاسل كنت مقيده بيها بس عشان ده يحصل لازم تتوبي لربنا وتتمسكي بيه وحاجه مهمه جدا جدا... لما تقولي هبطل يبقى بنيه قويه وتكوني عارفه ان نفسك ضعيفه ممكن تأخدك تاني فعشان اللي عايز اوصله ليك ما تخلي نفسك تضمن انها خلصت من العاده السريه وتقول انا عمري ما رجعا تاني لان دي بتكون بدايه الانتكاس تاني لا قولي انا واخده بالي منك يا نفسي ومنك يا شيطان في اي وقت وعمري ما اضمن اني سليمه وانك ما تقدر تلعب بيا تاني لا انا دايما حذره وبس كده ربنا يوفقك
تم النشر الاثنين، ٥ أغسطس ٢٠٢٤
عزيزتي، أنا آسفة جدًا لكل اللي عديتي بيه، اللي بيحصل معاك ده بجد محتاج كلام وفتح قلوب. الأمور اللي مرّتي بيها صعبة وممكن تسبب لك كثير من المشاعر المعقدة. أول حاجة، مش لوحدك، وفي بنات كتير يمروا بتجارب مشابهة. خلي بالك إنك دلوقتي في مرحلة حساسة من حياتك ومحتاجه تشوفي الأمور من منظور مختلف. ممكن يكون الكلام عن مشاعرك صعب، بس لو قدرت تتكلمي مع واحدة قريبة منك أو مع معالج نفسي، ده ممكن يساعدك كتير في فهم حقيقتك. بالنسبة لثقتك بنفسك، حاولي تركزي على الأشياء الجيدة فيك. اكتبي صفاتك الإيجابية أو الحاجات اللي تحبيها في نفسك. ولا تنسي إن الجمال مش بس في الشكل، لكن كمان في شخصيتك وقيمتك الداخلية. عن العادة السرية، ده شيء طبيعي يحصل، لكن لو حسيتي إنك مش سعيدة بيه وبعدها بتحسي بالندم، ممكن تحاولي تشغلي وقتك بحاجات تحبيها أو رياضة، عشان توجهي طاقتك لشيء إيجابي. وبالنسبة للاهتمام، أحيانًا الناس مش بتفهم، وأنت تعبت من الحاجة اللي عديتي بيها، لكن حاولي تحسّي بالأشخاص اللي فعلاً هيسمعوك ويدعموك. أكيد عندك أشخاص في حياتك ينفع يتفهموا معاك. المفتاح هنا هو الفهم والشفاء. خدي خطوة واحدة عشان تخرجي من دا، والمعالجة راح تأخذ وقت، لكن لازم تتأكدي إنك تستحقين الحب والاهتمام. لو تحبي أساعدك أكتر، أنا هنا.
تم النشر الاثنين، ٥ أغسطس ٢٠٢٤
وابن عمك لو مازال يجي عندكو لحد الان ممكن لو علاقتك بامك كويسه ممكن تتكلمي معاها ولو جه عندكو اطرديه بالنسبه للعاده اللي عندك لازم تبطليها وحافظي ع الصلاه واعمل لنفسك ورد قران. وبلاش تبقي الناس واخده عندك مكانه كبييره ملكيش دعوه برأيهم اعمل اللي نفسك فيه اهم حاجه ميكونش حرام. واشغل وقتك ف حاجه بتحبها زي رياضه قرأه كتب سماع بودكاست وكدا ولو احتاجت اي حاجه اقدر اساعدك ابعت
تم النشر الاثنين، ٥ أغسطس ٢٠٢٤
لازم يكون عندك ثقه ف نفسك واهم حاجه حالتك النفسيه
تم النشر الاثنين، ٥ أغسطس ٢٠٢٤
لعرض السؤال في فدني اضغط هنا