انا شاب عندى ٢٤ سنة ومخنوق جداً جداً بسبب أهلى علطول بيأذونى بالكلام أو الضرب منذ الصغر وبيهددونى وحاسس انى من كتر الأذى هيحصلى حاجة وافقد عقلى واتجنن أو انتحر أو اقتلهم عشان ارتاح مش حاسس خالص بالأمان معاهم وحاسس أنهم ناوين على حاجة وحشة ليا لانى سمعت بعض الحاجات اللى بتدل على دا ومش عارف اعمل ايه والمشكلة انى معنديش وظيفة تكون مصدر رزق ليا بحيث انى اعرف استقل عنهم ولما حاولت اشتغل واسيب دراستى لحد لما تتحسن ظروفى هددونى و لما قررت اسمع كلامهم وارجع لدراستى برضو مش سايبنى فى حالى واى اختلاف معاهم بيطلعونى شيطان وبيهددونى بحاجات كتير زى الضرب وانو امى هتكلم خالى لانه عارف ناس وهتخليهم يضربونى وساعات ابويا بيقولى لو ممشيتش زى ما احنا عايزين هطلبك الشرطة وهقولهم انك بتضربنا وعمال يخوفنى فأرجوك ايه اللى ممكن اعمله بشكل قانونى يطلعنى من اللى انا فيه دا ؟؟؟؟؟؟؟؟
السلام عليكم ورحمه الله وبركاته. مش هننكر ابدا ابدا ابدا اللي تصرفات اهلك مؤذيه الضرب بيكون اثره سيء جدا جدا على الولاد التهديد دائما بالضرب او احنا لينا قوه اكبر نقدر نستخدمها ضدك دي بتبقى حاجه اثارها وحش جدا جوه النفس وهي دي اللي مخلياك توصل للمرحله دي انك تبقى مش حبيبهم قوي ومش حابب تعمل معاهم او وصلت لدرجه ان انت. شايف خليني كده نبص بعيدا عن نقطه الضرب دي. اهلك المصممين ان النقطه دي بالذات بتاكد ان اهلك عاوزين الخير لك المشكله في الطريق الطريقه اللي هم بيستخدموها هي طريقه سيئه فبتحول الحاجه اللي هم عايزينها كويسه دي لحاجه سيئه مهما كانت هم نيتهم ايه لكن احنا ضروري جدا نكون حاطين دافع اعتبارنا واحنا بنبص لهم هم للاسف ما يعرفوش غير الطريقه دي هم للاسف بيستخدموا الطريقه دي شايفين ان هم كده الصح انهم كده بيحافظوا على ولادهم مش باصين للاثار اللي انت فيه دلوقتي انك بقيت شايف ان هم مصدر اذى وبس وبتحاول تهرب منهم. نصيحتي لك الشخصيه كاخت. ك تكمل دراستك وهيقفوا قصادك لو انت عندك اي حله هيكون مضمونه انك توقفتك هيوقفوا قدامك وهيحاولوا بكل الطرق حتى لو كانت تهديد بالضرب او بغيره علشان بس هم اللي فعلا فعلا عايزينه عاوزين خليك مع اهلك تجنب انه يحصل اي حاجه تخليك لا قدر الله انهم يستخدموا معك طريقه الضرب او اي طريقه مهينه لحد ما تخلص دراستك بعد ما نخلص دراستك دور على وظيفه كويسه بعد ما يكون معاك وظيفه كويسه بكل ادب واحترام بلغهم انك هتحتاج تنقل في مكان قريب من الوظيفه اللي انت فيها دي شوف اي سكن حتى لو زي سكن الطلبه او غيره وانتقل في المكان ده على طبعا على حسب اللي هيقضي معاك فازه ظروفك الماده وقتها. انقل مكانك واعمل مسافه ما بينك وما بينهم ولكن راعي ربنا وعاملهم بما يرضي الله اسال عليهم روح ازورهم ولكن خلي في مسافه تحميك وتحسسك بالامان لكن ارجوك ما تعملش الخطوه دي ابدا الا لما تخلص دراستك وتلاقي شغل مبدئي خليك تعرف تبدا في الحياه والا لو عملت الخطوه دي بدون حسابات وانطلقت كده وخلاص وسبت البيت ده هيخلي فيه طرق مش كويسه مفتوحه قدامك وهترجع تندم على الفتره دي انت كده كده استحملت سنين كتير استحمل الحبه دول لحد ما نكمل دراستك ان شاء الله اعتقد ان ده في مرحله جماعيه فخلصها ان شاء الله على خير وبعد كده ابقى.مصلحتك هما عاوزين الوضع اللي انت تكون فيه في شكل كويس ومحترم زي ما هما شايفينه عارفين في الدنيا.
تم النشر الثلاثاء، ٢٨ يناير ٢٠٢٥
أنا مش فاهمه انت بتدرس ايه انت مذكرتش ده علشان اربعه وعشرين سنه لسه بتدرس أما انت سقطت أو انت في كليه من كليات القمه بص نصيحتي ليك اولا انك تعرض نفسك علي طبيب نفسي تحاول تتصرف في فلوس وتروح لدكتور ممكن يكون بتتخيل حاجات زي انك بتسمعهم بيتفقو عليك وأما كل ده حقيقي انت لازم تتعزل عنهم تماما وانقل الكليه بتاعتك وغير رقم تليفونك واشتغل وفلوس الشغل هتصرفها علي حاجتين اول حاجه تتعالج نفسيا تاني حاجه علي دراستك والبيت اللي انت عايش فيه انت مش هتأذيهم بس هتشتري نفسك وممكن بعد كده تروحلهم بعد مايكون استعدت صحتك النفسيه وتقدر تقف علي رجلك وبرضو حاول انت تكون احسن منهم ربنا يرشدك للطريق الصواب
تم النشر الأربعاء، ٢٩ يناير ٢٠٢٥
أعتذر عن سماع ما تمر به، وأستطيع أن أتفهم تمامًا شعورك بالقلق والخوف من موقفك. من المهم أن تبحث عن مساعدة لحماية نفسك النفسية والبدنية. هنا بعض الخطوات التي يمكنك اتخاذها: تحديد مساعدة قانونية : يمكنك التواصل مع محامٍ أو جهة قانونية مختصة في قضايا العنف الأسري. هناك منظمات غير حكومية تقدم الدعم والمشورة القانونية. الإبلاغ عن العنف : إذا كنت تتعرض للعنف أو التهديد، فمن المهم أن تتواصل مع السلطات المحلية مثل الشرطة. يمكنك الإبلاغ عن تعرضك للعنف أو التهديد، حيث أن القانون يحمي الأفراد من العنف الأسري. الاستعانة بخدمات الدعم : ابحث عن مراكز دعم النساء أو الكطاع الاجتماعي في منطقتك. هناك منظمات تقدم المساعدة للأشخاص الذين يعانون من العنف الأسري، وقد تجد لديهم الدعم والمشورة. تخطيط للخروج : إذا كان لديك أصدقاء أو أفراد من العائلة تثق بهم، قد تفكر في التحدث معهم حول وضعك، أو البقاء معهم لفترة لتأمين نفسك. التواصل مهنية نفسية : من المفيد أن تستشير مختص نفسي للحصول على دعم نفسي وتوجيه في كيفية التعامل مع مشاعرك وآثار ما مررت به. تذكر أنك تستحق أن تكون في بيئة آمنة وصحية. من المهم أن تحرص على سلامتك أولاً، وأن تتخذ خطوات تساعدك على تحسين وضعك بشكل تدريجي. لا تتردد في طلب المساعدة من المحيطين بك.
تم النشر السبت، ٢٥ يناير ٢٠٢٥
ارفع قضيه لان في فعلا اهالي كدا كتير وبعدين دور علي شغل ف صيدلية ف مصنع في اي حته وخدلك شقه واقعد لوحدك بجد او فكر ف انك تسافر مثلا
تم النشر الأحد، ٢٦ يناير ٢٠٢٥
السلام عليكم..صلي كتير وادعي وشغل قران في بيت و واقرأ دائما سوره البقره كل صباح و أذكار الصباح والمساء..ابعد عنهم خالص ولو زادت الأمور وخرجت عن السيطره وحسيت نفسك عند حافه ارفع عليهم قضيه ووريهم دليل علي كل بيحصل
تم النشر الأحد، ٢٦ يناير ٢٠٢٥
بص مهما كان دول اهلك برضو بس لو للدرجه بيعذبوك فأنت لو في دليل على كده روح اي قسم و اعمل محضر بس اتكلم معاهم حاول تفهمهم أن الي بيعملوا غلط و دول اهلك مهما عملوا برضو و حاول تفهم هما ليه بيعملوا كده و بس
تم النشر السبت، ٢٥ يناير ٢٠٢٥
سافر إلى محافظة أخرى واستأجر شقة مع شباب واعمل هناك
تم النشر الجمعة، ٣١ يناير ٢٠٢٥
والله انا مش عايز اى حاجة وحشة ليهم انا عايز كل خير ليهم كل اللى انا نفسى فيه يسيونى فى حالى ويبطلوا أذية
تم النشر الأربعاء، ٢٩ يناير ٢٠٢٥
بص بص اكيد اهلك مش هيعملوا كده بس هنفترض انهم هيعملوا كده انت ابعد عنهم تماما متحتكش بيهم خالص اعمل الي مطلوب منك وبس غير كد لا وحاول تواجهم بكده قولهم اللي مزعلك منهم ولو مش قابلين خلاص انت ركز ع تارجت ف حياتك اوصله وبعدين استقل بحياتك بس برضوا خلي يكون في علمك هما مش هيعملوا حاجه تضرك دا اولا ثانيا اكيد الي بيطلبوه منك لمصلحتك اينعم اه ممكن يكون بطريقه وحشه بس كل واحد وطريقته وحاول تتكلم معاهم واحده واحده او لو انت بتعمل حاجه بتخليهم يقولوا كد متعملهاش ابدا انت الاول بالمعامله الحلوه وممكن تلاقي نتيجه منهم وربنا يهديلك اهلك ي رب
تم النشر السبت، ٢٥ يناير ٢٠٢٥
حاول تشغل قرأن في البيت و تقرب من ربنا و تصلي وتقرأ قرأن لعل وعسى ربنا يهديهم ومعاملتهم تتحسن
تم النشر السبت، ٢٥ يناير ٢٠٢٥
لعرض السؤال في فدني اضغط هنا