رحلة حب مجهولة المصير، معضلة المكابرة والصراع بين القلب والعقل
انا كنت بحب شخص و هو كان بيحبني تقريبا من تصرفاته حسيت انه بيحبني بيفضل يبصلي كثير بيمدحني اوي و يدعمني و يتكلم معايا بطريقة كويسة انا وهو معترفناش بأننا بنحب بعض لكن انا كنت حاسة انه بيحبني ١٠٠% انا مكنتش ف الاول بحبه كان بالنسبالي شخص عادي لكن من تصرفاته حبيته كنت عايزة اعترفله من كثر حبي له لكن قلت مفروض هو اللي يبدأ عشان هو الراجل و هو لو بيحبني هيحاول او يبعتلي فولو حتي على اي موقع تواصل وكل يوم بفكر فيه انا و هو كنا بنشوف بعض ف مكان تمرين فانا بطلت اروح لفترة لاني كنت حاسة اني حابة قعدة البيت و كان في ظروف و مش بنزل خالص و لما رحت التمرين لقيتة بيهزر مع شوية بنات وعمال يضحك و متجاهلني خالص عشان هو كان قبل كدة بيبصلي دايما يتلفت عليا بقي اوفر يعني حتى مش بيعاملني كحد عادي لا بيتعامل باسلوب وحش و هو بيهزر مع البنات مكنتش عارفة مبينش اني مكسورة كان شكلي زعلانة و مكسورة و ايدي عمالة اقفلها جامد و قلبي كان بيتكسر من الزعل بس بعد ما روحت قعدت مع نفسي و قلت انا مش هحبه و هنساه و هتجاهله ولا كأنه هنا و فعلا تجاهلته و عملت كأني مش شايفاه و مش فارق معايا وهو تجاهلني اكثر وهو عنيد جدا بس بقيت زعلانة اكثر و مش عارفة انسي لاني بضحك علي نفسي بس و يوم غاب من التمرين انا كنت زعلانة اوي و كنت كل شوية اتلفت عليه بس هو مش موجود و لما بيجي انا بكون زعلانة و افتكر اليوم اللي زعلني فيه مش بعرف اتعامل عادي انا اه بتصنع شوية بس برضة مش قادرة ابص في وشه لاني كرهته بجد و بعد ماروح ازعل
انا حسيت انه زعلان شويه انا براقبه لغاية دلوقتي ف مواقع التواصل احنا مش عند بعض بس بشوفه منزل بوستات عن الأكتئاب و الفراق و كمان انا كنت زمان براقبة برضه كان عنده بنت كان بيعملها لايكات ع بوستاتها ولكن بطل يعملها بس لسه شايفة انه عمل ليها لايكات ع صور لسه منزلاها و هي برضه كانت بتعمله لايكات بس بطلت تعمله لما بطل يعملها و حسيت اني لما شوفته اخر مرة انه اتغير اسلوبه شوية للأحسن و قالي ع الحاجة الصح لاني كنت بعمل التمرين بطريقة مش صح انا مش عارفة ايه الحل و هل هو لسه بيحبني و بيصطنع ولا انا مش فارقة معاه و هل اني بتجاهله ده الحل مع اني لسه بحبه ولما بغيب من التمرين بيوحشني و بفتكر كل الذكريات الجميلة كنت هغير مكان التمرين بس انا راحتي هناك اكثر و مميزة هناك و الكل عرفني و بيحبوني و برضه بصراحة لما بغيب مش بقدر انساه يعني حتي لو رحت مكان تاني مش هعرف انسي
فهل افضل اتجاهله و هنساه
ولا اعمل ايه
يا عزيزتي مهلًا! أفيقي لنفسك. قبل كل شيء كوني واثقة أنني أكاد أسمع اضطراب نبض قلبك داخل صدرك وأصدقك، لكن أنت تعيشين وهمًا كبيرًا. أنصحكِ أن تبتعدي عن هذا النادي وعن أي نادٍ مختلط، وكفي عن تعذيب قلبك بلا جدوى ولا سبب. لا يوجد رحلة ولا قصة إلا في خيالك، وأنت أغلى وأكبر من أن تبحثي وراء فلان هنا وهناك، الحب أفعال ومواقف وصدق وصراحة ووضوح.
تم النشر الأربعاء، ٤ سبتمبر ٢٠٢٤
السلام عليكم ورحمه الله وبركاته. هو انا مضطره ان انا اقول لك انه هي مش رحله حب ولا حاجه وهو ده مش حب انت شخص انت مش بتحبي الشخص اصلا انت حبيتي الحاجات اللي الشخص ده كان بيديها لك كان بيدي لك شكل من الاشكال الاهتمامي كان بيدي لك مديح كان بيدي لك بصات هي اعجاب او انجذاب او تمييز زي ما انت قلت انك مميزه في مكان التمرين يعني لك مكان خاصه فهو كان بيديكي ده بس بجرعه زياده اكتر من اي حد فلذلك انت انجذبتي ناحيته وحبيتي اللي هو بيديه لك ولما غبتي ورجعتي وهو ما اداكيش. نفس الجرعه زعلتي ده حقيقه اللي انت حسيتيه لانه هنا مفيش ولا حب ولا اي حاجه والشخص ده هو شخص بس بيكون متعود ان هو يكون لطيف مع البنات ويكون زي ما بنقول كده وبيروها الامريكان السويت توكر سويت كوكر بيقول كلام حلو طول الوقت وبيشجع وبيدعم لكن ده مش معناه خالص ان هو بيحب اللي قدامه بمعنى الحب الرومانسي يعني يا ريت بقى تشوفي الموضوع من الاتجاه ده. وتشوفي الحاجات اللي ناقصاكي دي لان واضح انك مش بتاخذيها من اي حته ثانيه او لو بتاخذيها من الناس الثانيه اللي حواليكي فقدري الجرعات الصغننه ومش لازم تكون الجرعات كبيره زي اللي اديها لك الشخص ده وكذا بنت.
تم النشر الأربعاء، ٤ سبتمبر ٢٠٢٤
بصي اولا حابه اسالك سوال انتي متأكده انه بيحبك 100٪من ايه من مجرد نظرات ده مش دليل يثبت لانه الي بيحب بيحاول بكل الطرق يقرب كان ممكن يصارحك لو فعلا بيحبك وجه اتقدملك ولكن هو معملش كده يبقي منقدرش نقول ان ده حب نصيحتي ليكي بجد متعلقيش نفسك بيه اكتر من كده وسيبي الأمور تمشي لوحدها وروحي تمارينك عادي ولا كأن قي حاجه ولو فعلا بيحبك وعاوزك هيدور عليكي وهيبادر هو بالكلام والسؤال يمكن ربنا كاتبه من نصيبك لو فيه الخير ليكي وادعي ربنا في صلاتك انه يجعله من نصيبك لو فيه خير ليكي وربنا يقدملك الي فيه الخير
تم النشر الأربعاء، ٤ سبتمبر ٢٠٢٤
لعرض السؤال في فدني اضغط هنا