عارفين كلمه قموصه ؟
او الشخص ده قماص انا بسمع الكلمه دى كتير من اللى حوليا بس انا مش فاهم
امال المفروض اعمل ايه يعنى انا لما ادايق من حد او حد يقلل منى او يهزر معايا هزار رخم المفروض اتصرف ازاى منا طبيعى هزعل واسكت و اخد جمب
حتى اهلى لو ضيقونى فحاجه وانا زعلت بيقعدو يقولولى يا قموصه يا ابو بوز طب انا المفروض اعمل ايههه يجدعاااان هجن والله
يعنى انا كنت مع صحابى دلوقتى ادايقت اوى و جيت اروح وسبتهم و مشيت اتقال عليا قموصه و بتقمص و ... و .... و....
يعنى انا فاهم ك ذكر او ك راجل عموما تصرفاته المفروض تكون مختلفه شويه وانه مينفعش يتقمص و يزعل و كده بس بقى اللى هموت واعرفه المفروض اعمل اييييه
ما هما هيقولوا عليك قموصه عارف ليه ؟؟ عشان لما هما بيهزروا سوا محدش فيهم بيزعل الا انت الوحيد الي بتزعل انت مصاحب ناس بطريقه هزار معينه وطريقه كلام مختلفه عن اى طريقه كلام انت حابب تسمعها عشان كده هتلاقي أن هما مستغربين الي هو اشمعنا ده الي بيزعل من كلامنا هما مش هيتغيروا والموضوع مع الولاد بيبقي اصعب يعنى البنات ممكن تقول أنا مش حابه نوع الهزار ده وخلاص لكن الولاد هيفضلوا يقول عليك انك مش مستحيل الهزار وكلام عبيط كده ف نقي صحابك كويس لان هما اكيد لاحظوا عليك انك بتزعل ومصممين يستمروا مع انهم كان ممكن يخافوا علي زعلك ، عموماً شوف انت مطمن لموضوع انك تقعد مع ناس بعقليه مختلفه عنك ولا لاء
تم النشر الخميس، ١٤ ديسمبر ٢٠٢٣
لا عادي الراجل عادي ممكن يزعل او يعيط بس يمكن انت حساس شويه ودا برضو عادي المفروض يراعوا دا بس هما متخلفين
تم النشر الخميس، ١٤ ديسمبر ٢٠٢٣
لا انت طبيعي عادي هي الفكره انك فمجتمع عقيم ومتخلف وان مينفعش تعيط او تحزن
تم النشر الخميس، ١٤ ديسمبر ٢٠٢٣
لعرض السؤال في فدني اضغط هنا