عايز حل لمشكله الكسل والتسويف
اللى يخليك تستمر هو سعيك ورا النتيجة النهائية وانها تكون هتحققلك هدف انت محتاجة. لو الهدف مش قوى السعى مش هيكون قوى وهتكسل .. اكبر هدف لكل البشر هو الاجر فى نهاية الحياة...افتكر دايما اننا هنسأل عن عمرنا وكل ساعة قضيناها فى ايه وعملنا فيها ايه ...دى حاجة لوحدها ممكن تكون اكبر دافع للتحرك دايما والبعد عن الكسل. اعمل لنفسك مواعيد والتزم بيها اشتغل كل يوم وقت بسيط وزوده لو حبيت ...مثلا خصص نص ساعة كل يوم ومتفوتش يوم اعمل لنفسك وقت تخلص فيه الحاجة اللى وراك ..وكأن عندك امتحان بالظبط ...واظبط ميعاد الامتحان alarm. الحاجات دى بتعمل نظام للمخ انه يكون فى حالة استعداد وتشجعه ع الالتزام. ممكن كمان تستعين بحد يتابعك ..يسألك دايما ها وصلت لفين ويلا فاضل كام يوم والمفروض تخلص. فى شخصيات مبتحبش تبان متأخره او مقصرة قصاد حد فالطريقة دى بتنجح معاهم. جرب ولو منجحوش ارجعلنا ف السؤال نفكر فى حلول اخرى سوا
تم النشر الأربعاء، ١٤ ديسمبر ٢٠٢٢
أستعين بالله وتوكل علي الله واعزم العزم علي رضاه ونفع الناس الزم نفسك بالطاعات ومواعيدها داوم علي صلاه القيام والفجر متأجلش عمل اليوم الي انت فيه لبكره داوم علي الأذكار الزم نفسك بهدف يومي يخليك مستمر
تم النشر الثلاثاء، ٦ ديسمبر ٢٠٢٢
شوف دول.. https://youtu.be/GZpk7Vqv3jQ https://youtu.be/Dgj9fQYbCZY هتلاقي فيهم حل عملي .. صغيرين ومش هياخدوا منك ربع ساعة.. متعملش save وتشوفهم لما تفضى لإنك فاضي دلوقتي والحق وقتك النهاردة قبل بكره.
تم النشر الأربعاء، ٧ ديسمبر ٢٠٢٢
اشتغلي واخرجي والتزمي بشغلك وانجحي في قاعدة البيت بتعلم الكسل
تم النشر الثلاثاء، ٦ ديسمبر ٢٠٢٢
تنظيم الوقت واستعلال الفاقد في الموصلا علي الفون
تم النشر الأربعاء، ١٤ ديسمبر ٢٠٢٢
حاول تعمل جدول للحاجات اليومية اللي بتعملها اللي من ضمنها هيكون الجزء الجد والجزء الترفيهي وتحاول تقسم اليوم لكل جزء مخصص عشان مفيش جزء ييجي على جزء والافضل تبدأ بالجزء المهم عشان الجزء الترفيهي يكون زي مكافاة ليك
تم النشر الأربعاء، ٧ ديسمبر ٢٠٢٢
تو دو ليست
تم النشر الثلاثاء، ٦ ديسمبر ٢٠٢٢
من أحسن الأسباب هو استشعار عظم الأجر.. مثلا حضرتك لو عرفت ان مجرد نزولك من البيت متوضي لحضور صلاه مفروضه في المسجد.. هيبقى ليك أحر كأجر الحاج المحرم...تخيل الأجر العظيم ده وغيره وهتلاقي نفسك عندك همه جميله
تم النشر الثلاثاء، ٦ ديسمبر ٢٠٢٢
لعرض السؤال في فدني اضغط هنا