انا متخرجه من اداب اجتماع و كنت عايزه اشتغل بشهادتى بس غير الأخصائية الاجتماعية او المدرسة
دايما بيتقالى ان القسم بتاعى شامل وظائف كتير بس انا فعلا مش لاقية و عايزة اطور نفسى ف مجالى بس مش عارفه اعمل ايه ولا بعد كدا هشتغل ايه برضو
شكرا لحضرتك على المشاركة الأفضل انك تشوفي حابه ايه وتكملي عليه يعني حابه مجال اخد كورس فيه واجرب نفسي واكمل بعدها ولو انتي حابه مجالك حاليا فالمؤسسات العلاجية بتحتاج لاخصائي اجتماعي من ضمن الفريق العلاجي بتاخدي كورس تدريب وبعدها بتستلمي الشغل فالفريق العلاجي للتعامل مع الاهل وجمع البيانات منهم والامور الخاصة بتسجيل بيانات العملاء وهكذا وبالتوفيق ان شاءالله
تم النشر الثلاثاء، ٢١ مايو ٢٠٢٤
انا كمان خربجة نفس القسم خدي كورسات تخاطل وتنمية مهارات وطوري نفسك فيهم عشان تبقي اخصائية تخاطب او تنمية مهارات وتعديل سلوك المجال شغله حلو اوي 🤗🤍
تم النشر الاثنين، ٢٠ مايو ٢٠٢٤
اختارى تخصص معين وابداى بيه .زى تعديل السلوك مثلا وخدى كورس مكمل لشهادتك ومارسى ده كاخصائية تعديل سلوك .....ده مثال كده اعمليه مع اى فرع من الفروع اللى درستيها
تم النشر الاثنين، ٢٠ مايو ٢٠٢٤
أول خطوة ممكن تعمليها هي انك تبدأي بتحليل مهاراتك واهتماماتك. اكتبي قائمة بالأشياء اللي تحبي تعمليها والمجالات اللي تثير اهتمامك. بعد كدا استخدمي هذه القائمة لتحديد مجال محدد فيه ترغبين بالعمل. ممكن تبدأي بالبحث عن دورات تدريبية تساعدك على تطوير مهاراتك في هذا المجال. ولا تنسي دور المتابعة المهنية، تواصلي مع أشخاص يعملون في هذا المجال للاستفادة من تجاربهم ونصائحهم. شوفي الفرص اللي ممكن تكون فيها تبتدي تطبقي فيها المهارات اللي طورتيها، بالتوفيق!
تم النشر الاثنين، ٢٠ مايو ٢٠٢٤
التخاطب مش حاباه اوى بيحتاج صبر كبير وانا للاسف ماعنديش الصبر دا
تم النشر الخميس، ٢٣ مايو ٢٠٢٤
خدي دورات تخاطب وانجليزي و Icdl
تم النشر الثلاثاء، ٢١ مايو ٢٠٢٤
ممكن تلتحقي بدوره تخاطب اعتقد هتكون الحل الامثل دا في حاله إذا بتحبي الشغل مع الاطفال ، افضل الدورات في كليه الطب سنتين وفي معهد السمع والكلام سنه ويليهم في الترتيب اي دبلومه داخل الجامعه
تم النشر الاثنين، ٢٠ مايو ٢٠٢٤
لعرض السؤال في فدني اضغط هنا