السلام عليكم ورحمة الله وبركاته
مش عارف آخد أي خطوة في حياتي خالص وبصراحه انا مش عارف العيب فين او أحله ازاي. عمري جري مني وانا لس معملتش اي حاجه من اللي نفسي فيها كل ما أروح شغل اتشتت ويجيلي شغل أعلى في المرتب اسيب الأول واروح الجديد وضليت على كده عمري 26 سنة وأروح اشتغل، شوية منتظم وبعد كده أجازات كتير واكسل فطبعا كل ده وقت وبيجي من عمري ومش عارف اعمل ايه وتعبت من الوضع ده جدااا ومعنديش اي هدف فقدت الشغف.
ممكن تفيدوني؟
مع كل الاحترام والتقدير الاجابات الآخرين لما فيها من نصائح ...لكن أنا كشاب اقترح عليك أن تجلس مع نفسك وتحاول تذكيرها بكل شئ إيجابي ف حياتك وان تحمد ربنا وتعزز شعورك بالرضا بما انت عليه ..وصدقني التشتت ده سببه التفكير والتفكير للاسف أغلبه سلبي فحاول متفكرش فالمستقبل اكتر من الحاضر لانه فكره وهميه بتقوم ع طول الأمد ..فدائما تحمد ربنا وتركز ف شغلك وتكتسب خبره بقدر الإمكان ف الشغل اللي هتختاره ف جلستك مع نفسك ..وطبعا واولا واخيرا ان تستعين بالصبر والصلاة وانا بقدم النصيحه دي ليك ولنفسي فتتحاول تنتظم ف صلاتك لاني يعاني من نفس مشكلتك بس فالدراسة وللاسف حالتي بتسوء لما بقصر فالصلاة واسال الله الثبات لي ولك ولكل اخواننا المسلمين
تم النشر الاثنين، ٤ نوفمبر ٢٠٢٤
السلام عليكم ورحمه الله وبركاته. طيب انا هقف هنا عندي شويه كلمات من اللي مكتوبين في السؤال ان شاء الله يعني اقدر افيدك بان دول لو اشتغلت عليهم تقدر تغير من الوضع الحالي. مساله الهدف مساله الحاجات اللي انا نفسي اعملها واحققها في حياتي اييي مساله الانتظام مساله الشغف. الحاجات اللي نفسك تعملها في حياتك ضروري تبدا تحولها لاهداف وكلمه اهداف هي انه انا احط الحاجه دي قدامي واشوف ايه الخطوات اللي هاخدها علشان الحاجات دي تضحك ايه الحاجات اللي محتاجه ان انا استعد بيها علشان اوصل للهدف ده حتى لو ده هدف على مدى طويل ضروري ابدا اشوف هو النهارده محتاج اعمل ايه علشان اكون جاهز للهدف ده لما يعدي المدى الطويل بتاعه ان شاء الله واوصل. فحول الحاجات اللي نفسك فيها الاهداف فهنقول دلوقتي انه انا نفسي لما اوصل 30 سنه يكون معايا عربيه او اكون اييي بخرج واسافر او او طيب علشان اعمل ده عشان احقق ده انا دلوقتي عندي 26 سنه وعايزه ابقى بحقق ده وانا عندي 30 سنه هعمل ايه من اول النهار. لحد ما يكون 30 سنه انا معايا اربع سنين هعمل فيهم ايه وابدا احط خطوات هنا هننقل على نقطه الالتزام والانتظام الخطوات اللي هتحطها انت اللي هتكون ملتزم ومنتظم عليها لو بدات. تكسل او تاخذ اجازات فما تزعلش من النتيجه وما تزعلش لما يخلص الوقت ويعديه ويكون اييي النتيجه اللي انت مستنيها وتحققتش. لازم نطلع خطوات السلم سلمه سلمه بس ضروري الاول نكون شايفين السلم فبما ان الاهداف بتاعتك او الحاجات اللي عاوز تعملها مش مرسومه بخطوات فلذلك هتفضل دايما حاسس بالتشتت وكمان هتبقى فاكر الموضوع كله فلوس وبس. المساله ان المساله مش مساله فلوس وبس ومش انه اكون في شغل بيديني ورتب اعلى وخلاص. لان ممكن دلوقتي اكون في مكان بيديني مرتب اعلى ولكن هو مكانه بعيد جدا عن البيت في حاجه قصاد حاجه انا دلوقتي في وقت بقى بيهدر مني في المشوار قصاد المرتب الكبير ده طيب انا اهدافي بقى اصلا وخطواتي كنت محتاج فيها الوقت ولا كنت محتاج فيها الفلوس هنا الموضوع هيفرق لو كنت محتاج الخطوات بتاعتك وقت. الشغل ده مش مناسب حتى لو مرتبه اعلى ولو كنت محتاج في خطواتك الفلوس اذا يبقى الشغل اللي انت رحته اللي بمرتب اعلى تمام ومناسب ليك عشان هيدعم معاك خطواتك. نبدا اعمل ده وان شاء الله هتلاقي نفسك بقى ساعتها عندك الشغف عشان تكمل عشان قدامك خطوات كل اما بتطلع واحده منهم بتحس ان انت قدامك خطوات اقل من اللي كانت موجوده في الاول فتقدري تاخد بعضك وتكمل.
تم النشر الاثنين، ٤ نوفمبر ٢٠٢٤
انا سمعت الكلام ده في بودكاست وياريت حضرتك تتابع بودكاست واعي و وفاهم. فقد الشغف بنسبه كبيره ممكن لانك ماشي في رحلتك بشكل فردي منفصل. حضرتك دور ع مجتمع مثلا بيهتم بنفس مهنتك او صحبه في المسجد او صحبه من القراء او نشاطات خيريه. فكره المشي مع القطيع مفيده في جوانب كتير. طيب بالنسبه للشغل مقدرش انصحك فيه ولكن لو حضرتك سمعت لحد بتاع تسويق هيفهمك ان مهم ف كريرك انك مايبقاش دافع الفلوس هو المحرك الدائم في مثلا ان مديرك بيبقى شخص بعلمك وفاتح قدامك علاقات للتطوير ده اهم من فكره زياده المرتب لأنها كده كده هتزيد بشكل غير مباشر مع مدير العقليه دي
تم النشر الاثنين، ٤ نوفمبر ٢٠٢٤
و عليكم السلام و رحمة اللّٰه و بركاته مفيش عمر ضاع ولا حاجه متشتتش نفسك بالأفكار السلبيه دي عشان نفسيتك متتعبش بالنسبه للشغل ف جرب تقعد مع نفسك و تفكر كويس ايه الشغلانه من بين الي اشتغلتهم الي انت حاببها و حاسس انك تقدر تحقق فيها حاجات كتيره و حاسس بردو انك هتثبت نفسك في الشغلانه دي وقتها اختار شغلانه مرتبها مناسب مش لازم تبص للمرتبات العاليه و تسيب بعد كدا الشغلانه ، اه معاك فعلاً إن كل حاجه غليت و الواحد محتاج فلوس اكتر بس تعالى نفكر بطريقه تانيه مثلاً عندك اتنين واحد مرتبو عالي و لكن هو مبيحبش شغلو ولا بيحب يروحو كدا مش هيثبت نفسو ف شغلو ده و مرتبو هيفضل على نفس الحال و التاني مرتبو بسيط بس بيحب شغلو و بيحب يروحو وقتها مع الوقت هيعلى مرتبو لإن هو هتلاقيه حقق حاجات كتير في الشغل ده و هو حابب جدا يحقق اكتر و اكتر و عندو قدره على ده أنت محتاج بس تفكر و تقعد مع نفسك و تستخير ربنا في الشغلانه الي هتنفعك طيب لازم بردو ب جانب الشغل يكون في حاجه تانيه بتخليك فرحان و أنت بتعملها و تخرجك من مود الخنقه فكر في رياضه معينه تمارسها او هوايه عندك تنميها سواء كانت سباحه او كوره او غيرو ممكن تروح جيم ده بردو هيخليك حاسس انك بتغير جو و بتعمل حاجات جديده وقتها مش هتحس بالخنقه بجانب كل ده بردو لازم تستثمر وقتك في حاجه مفيده تنفعك في شغلك ذي تعلم لغه جديده ذي الإيطالي و الصيني او حتى تاخد قورسات تقويه إنجليزي او ممكن تاخد قورسات برمجه كل دي افكار تقدر تعملها في سنك و هتخليك مبسوط و حاسس انك عملت إنجازات كتيره و كمان وقتها دا هينفعك في شغلك جداً و هتقدر تحقق اكتر في شغلك و تثبت فيه و حياتك وقتها هتتحسن إن شاء اللّٰه ،و اتمنى لك التوفيق
تم النشر الاثنين، ٤ نوفمبر ٢٠٢٤
وعليكم السلام ورحمة الله وبركاته. أخي العزيز، أشعر بما تمر به من مشاعر الإحباط والضياع، فالكثير منا يشعر بالارتباك أحيانًا، خاصة عند التفكير في المستقبل. أولاً، من المهم أن تعرف أنك لست وحدك في هذا. العديد من الشباب يواجهون نفس التحديات. إليك بعض الخطوات التي قد تساعدك في تحديد هدفك واستعادة شغفك: تحديد الأهداف : حاول أن تأخذ بعض الوقت لتفكر فيما تريده حقًا. اكتب قائمة بالأشياء التي تهمك، سواء على المستوى المهني أو الشخصي. هذه الخطوة قد تساعدك في تحديد مجالات تود استكشافها. تحديد أولويات العمل : قبل الانتقال من وظيفة لأخرى، حاول تقييم كل وظيفة بناءً على ما تقدمه لك من فرص للتعلم والنمو. التشتت بين الوظائف قد يمنعك من بناء خبرة قيمة. إنشاء روتين : حاول وضع جدول يومي يساعدك على التوازن بين العمل والراحة. الالتزام بنظام يومي يمكن أن يساعد في بناء عادة من الانضباط الذاتي. استشارة مختص : إذا شعرت أنك بحاجة إلى دعم إضافي، فقد يكون من المفيد التحدث مع مستشار مهني أو مدرب حياة. يمكن أن يقدموا لك المشورة والدعم في تحديد مسارك. استعادة الشغف : حاول استكشاف أنشطة جديدة قد تجلب لك السعادة، مثل الهوايات أو الأنشطة التطوعية. قد تساعدك هذه الأنشطة على إعادة اكتشاف شغفك. تذكر دائمًا أن الحياة ليست سباقًا. المهم هو أنك تتخذ خطوات صغيرة نحو تحسين نفسك وموقفك بشكل متواصل. وفقك الله.
تم النشر الاثنين، ٤ نوفمبر ٢٠٢٤
لعرض السؤال في فدني اضغط هنا