نفسي ابطل كسل بقى عندي لا مبالاه في كل حاجه مش بخرج خالص معنديش صحاب خالص دايما مقضيها نوم وقاعده ع الموبيل فاتحه التيك توك او الفيس مش بكلم حد خسرت ناس كتير بسبب اني مش بكلمهم مسحت الارقام كلها مش عاوزه اكلم حد ولا اعرف حد دايما قاعده لوحدي حتي اهلي مش بقعد معاهم بروح الشغل بليل برجع الصبح انام مقضيه يومي كلو نوم مش بقوم غير ع معاد شغلي حتي شغلي مبقاش ف طاقه حاسه اني بقيت تقيله من جوايا ناحيه كل حاجه فاقده الشغف ف كل حاجه حواليا بفضل اقول نفسي انزل جيم نفسي اعمل حاجه جديده تغير حياتي الممله مفيش شغف مساعدني اعمل كده مبقاش يفرق حاجه حواليا ولا حياتي بقت فارقه معايا انا لما كنت بزعل بتعصب وممكن اطلع عن شعورى دلوقتي مبقاش ف طاقه اتعصب حتي من حاجه ضايقتني مبقتش بعيط بقالي فترة كبيره بكون زعلانه من جوايا وهم الدنيا فوقي مش بعيط ولا حتي بقبت اعيط ع حد ممكن متوفي وقريبي بقيت باخد اي زعل بهزر ومش واخده اي حاجه جد بضحك ف اوقات مينفعش اضحك فيها كنت بخاف من حاجات كتيره مابقتش اخاف من حاجه نهائي وبجد مش عارفه ابطل ده ازي
خلينا نلخص مشاكلك اولا ابطل كسل ابطل لامبالاه و عدم احساس معنديش صحاب مش بتكلمي حد. و خسرتي ناس و مبتخرجيش بتضيعي وقت علي السوشيال معتش في طاقه لشغلك عايزه دافع عشان تبدائي طاقتك راحت بصي يا صديقه مشكله رقم 2 هي اللي هبداء بيها بس قبل كل دا كل مشكله هتاخد وقت بس هتحسي بفرق بمجرد ما تروح 2 اتكلمي مع نفسك مشكلتك في رقم 2 الصله بتاعتك مع نفسك او الtrue self اتقطعت معتيش عارفه انتي بتعملي اي غير انك بتعدي اليوم عيزاكي في المرحله دي تجيبي ورقه و قلم بس اكتبي لنفسك جواب اعتزري فيه لنفسك علي اللي وصلتيه ليها و قولي لها كل مشعرك و رقه تانيه اكتبي الحاجات الي بتحبيها و الحاجات اللي بتكرهيها معلش حاولي تفكري لو مفيش ارجعي لأخر نسخه انتي فكراها لنفسك اي اللي كانت بتحبه و اي اللي بتكرهه و اسعي انك تهتمي بصحتك النفسيه اكتبي علي اليوتيوب ازاي ارجع احب نفسي و اهتم بيها و كل دا نفسك هي بدايه كل حاجه المشكله رقم3 اعتبري اللي انتي فيه دا و بالأخس رقم 3 منحه مش محنه انتي هتقدري دلوقتي تكوني المجتمع اللي زيك و شبه اهتماماتك و معتقداتك هتلاقي الناس اللي شبهك الي راحو للأسف مكنوش شكلك و دايما اعرفي (ان الله يخبأك لمن يشبهك) ابدائي من تاني و الناس الي قطعتي علاقتك بيهم و كانو بيحبوكي ارجعي و كلميهم ولو بسؤال ولو مهتموش يبقي مش هما الاصدقاء الصح هنا بقي هتخرجي و تتحركي و تروحي الاماكن اللي شكلك مجتمعك و حاولي تعملي بالحاجه دي و انك تقابلي الكل بدحكه و انتي خارجه السوبر مركت ادحكي للي هناك ساعديهم لو محتاجين.... روحي الاماكن اللي شبهك هتلاقي الناس اللي شبهك و افتكري يا صديقه ان دي (منحه مش محنه) المشكله رقم 4 محتاجه تشغلي وقتك و هتشغلي وقتك بأي غير شغفك ايوا هتضوري علي شغفك من جديد شغفك اللي نفسك تلاقيه....ضوري عليه اكتبي في ورقه الحاجات اللي بتحبي تعمليها او الحاجات اللي كنتي بتحبي تعمليها و انتي صغيره و اكتبيها وحطيها علي جنب و نرجع للتلفون هتسألي الtrue self بتاعتك انا هقدر التزم بأي اقلل الموبايل كام وقت؟ نص ساعه....ربع ساعه....متحطيش طموحات كبيره خليكي واحده واحده اهم حاجه متضغطيش علي نفسك و كافئي نفسك بأي حاجه صغيره و اكتبي كدا حاجه تشوفيها تفكرك بهدفك و انك عايزه تقللي التلفون لما تقلليه ابدائي اعملي الحاجات اللي كتبتيها في ورقت شغفك المشكله رقم6 هتبقي تحاوطي نفسك بالمجتمع اللي شبهك طب ازاي و انتي معنكيش صحاب؟ في اليوتيوب شوفي ولو مقطع يوميا لواحده يومها منجز و محققه انجاز بالنسبه لك و بتلعب جيم مره في مره هتحبي الموضوع و تهتمي بيه هيشدك و تبدائي فيه و انصحك تابعي ناس ناجحه علي يوتيوب خليه مكان كدا للناس الناجحه تفتحي تلاقي ناس ناجحه اتفرجي علي كل ما يثير اهتمامك يا صديقه المشكله رقم 5 هتحليها بالكتابه برضو اكتبي اي مدايقك منه هل المشكله منه هو ولا من المشاكل التانيه اللي مخلياكي مقصره في الجانب دا هل الشغل دا بيمنحك الحياه اللي انتي عيزاها ولا لا بمعني من كلامك كدا انتي محتاجه تنقلي الصبح عشان تقدري تغيري شويه هل دا بيسمح ولا لا لو مش بيسمح طب تقدري تعملي اي حاليا؟ معني لو انتي مضطره تشتغلي عشان الفلوس تقدري تحسني من نفسك ازاي و تكملي كدا بس اعرفي انك هتحتاجي تغيري حاولي تشتغلي علي نفسك و تغيري لو هو عائقك في تحقيق زاتك المشكله رقم 7 ادي نفسك وقت ولو اديتي كتير ابدائي بأول حاجه اكتبي جواب لنفسك و ابدائي في تنميتها متقسيش عليها اصحي كل يوم قولي لنفسك كلمه حلوه واحده حاتي كتاب تنميه او تطوير زات انصحك ب (شهرزاد اون فاير) و ابداىي من جديد اعملي صيام الدوبامين كل الحاجات اللي قولتيها اعملي عكسها بمعني تحاولي تقفلي التلفون ترميه انتي كدا كدا مبتكلميش حد ارمي التلفون و ابداىي اقعدي منغير ما تعملي حاجه و كذالك في باقي كل الحاجات اتكلمي مع مشاكلك علب انها منح مش محن بمعني (طاقتك راحت) لا (انا محتاجه استرجع نشاطي من تاني) وكذالك في الباقي مشكله رقم 1 خططي ليومك قبلها بليل مثلا اكتبي باللي هتعمليه و ادي لنفسك هديه ولو صغيره و مش لازم كل حاجه تكتبيها تعمليها احنا عمرنا ما كنا مثالين و متقعيش في وهم المثاليه عشان متبدئيش تسوفي و ترجعي لنقطه الصفر و طول ما انتي عايزه تتغيري مترجعيش متخليش حاجه ترجعك للنقطه دي تاني و عالجي اي حاجه مزعلاكي علطول متخليهاش تتراقم و اكتبي حاجات علي القد واحده واحده هتكبري و اسألي الtrue self هل هقدر ولا صعب عليا ولو حسيتي بصعوبه شويه قللي المده زي ما عملنا في التلفون و ممكن برضو تكتبي علي اليوتيوب ازاي ابدا to do list بتمني اكون فيدتك🙏
تم النشر الأحد، ١٨ يونيو ٢٠٢٣
أيا كانت الحالة اللي انتى فيها .. ف اكيد ليها سبب .. العلاج هيجي من معرفة السبب .. ف ايه اللي حصل معاكي بالظبط!
تم النشر الأحد، ١٨ يونيو ٢٠٢٣
اول حاجة هي تغيير العادات بمعني أن يبقي فيه جديد ف يومك تغيير الروتين دا من أهم الأساليب لاسترداد النشاط الي هو بقوم الصبح عايز اشوف اي الجديد ثانيا بالنسبة لأصحاب حاولي ترجعي تكلميهم وتخرجو سوا خليكي وسط الناس الي بتحبك لأن دا ليه ثأثير جامد ع نفسيتك تالت حاجة والأخيرة بالنسبة للشغل اعملي لنفسك انتي تارجت وبعد التارجت دا لو صلتيلو هتكافأي نفسك بالخروج أو بأنك تعملي حاجة تحبيها هيفرق معاكي الاهم انك تغيري روتين كل يوم
تم النشر الأحد، ١٨ يونيو ٢٠٢٣
أول حاجه حاجه لازم تشوفي ليه بتحسي بكسل و لا مبالاة إزاي ده؟ يعني تقدري ترطبي بين الأحداث فى مثلا ممكن حاجه معرفتيش تعمليها زمان فبقيتي دلوقتي لما تيجي تعملي شئ مماثل يجيلك خمول و تغدي الطريق السهل (النوم) أو لو أنت محدده اكتر و عارفه يومك بيمشى إزاي ساعتها هتشوفلي ليه اللامبالاة كانت حل سهل على طول تاني حاجه تبدأي تجهزي البيئة اللي حوليكي علشان تساعدك على أنك تتشجعي على عمل الشئ يعني لو عايزة تقراى كتاب ما بس السرير جنبك أنهي أفضل ؟ أكيد السرير ما أحلا النوم لا أنا أقعد فى الصاله و معايا سمعتي و كتابي و اقرايه تالت حاجه و ده بالنسبة للصحاب ، مبادئ كده مفيش حاجه اسمها معنديش صحاب مفيش حاجه اسمها كده لأن الصحاب فى كل حتى اخوكي صاحبك والدتك صحبتك والدك صحبك برضوا كل اللي حوليكي صاحبك يعني أنا أسلم على واحده فى الشارع و أقولها ازيك يا صاحبتي؟ لا مش قصدي المقصد الصحاب مستويات مع الوقت هتلاقي شخص و هيبقى صديق العمر بس مع الوقت لكن مصره إنك معندكيش صحاب يبقى خلاص ادي دافع جميل أوي يخليكي تروحي مكان جديد و تكوني صدقات جديده طب أنهي مكان اروحو؟ مش مهم أى مكان مكتبه نادي جيم أى مكان هتلاقي فى ناس و إن شاء الله تكوني أصدقاء مش صديق رابع حاجه النظرة الممله لكل حاجه مش هتفيد نهائي اتحداكي أنك توصفي تلات تيام من يومك و التلاته يكونوا متشابهين تبكل مستحيل حتي الحلم بيختلف و اللبس بيختلف و الناس اللي حوليكي بتختلف بصي للموضوع بنظرة إيجابية اكتر و هتلاقي إن فر يومك حاجات كتير مبهره بس أنت مش واخده بالك منها خامس حاجه لو فعلاً يومك فاضي و مفهوش حاجه تقدري تحطي فيه مهام و تلتزمي بيها كورسات أو عادات أو أى حاجه آخر حاجه ردت كل شخص بتختلف من موقف لتاني يعني ممكن أنا أحزن لفراق شخص ما و أنتي تقولي لا الشخص ده كان عايزني احقق هدفي ففي نفس الوقت زعلانه و مش زعلانه و ده أحسن و على فكره كل لما بنكبر بنما عاقلين اكتر فبنبطل خوف من حاجات كتير لكن ده مش معناه إنك بطلتي تخافي خالص لا الحاجات بتقل لدرجة إنك ممكن تدوري على حاجات تخافي منها و متلاقيش و كمان ديه حاجه حلوه إنك تكون مبتخفش من حاجه بس مظنش فى حد كده لأن كلو بيخاف من حاجه كلو بدون إستثناء بس كده طمني نفسك و حاولي تحددي وقت لنفسك على تيك توك و الفيس وبس و دوري كده فى الأرقام عندك هتلاقي صديقة ليكي كان نفسك تكلميها بس مرنتيش رني عليها و كلميها ....
تم النشر الأحد، ١٨ يونيو ٢٠٢٣
عند غياب الهدف ... يضيع الفكر... بتشعري كده قبل الامتحانات مثلا ؟ اعملي سيميولايشن للامتحان متل دورات لغة او شي
تم النشر الثلاثاء، ٢٠ يونيو ٢٠٢٣
ايه الموقف اللى حصلك خلاكى تبطلى تتواصلى مع صحابك وتمسحى ارقامهم؟
تم النشر الأحد، ١٨ يونيو ٢٠٢٣
الحياة الليلية لوحدها ممكن تسببلك إكتئاب جربي الاستيقاظ في الصباح الباكر و التعرض لأشعة الشمس و لو عالشغل مش مشكلة غيريه صحتك أهم
تم النشر الأحد، ١٨ يونيو ٢٠٢٣
السبب هو انعدام الشغف جددي احلامك وطموحاتك وتفائلي خيرا
تم النشر الخميس، ٢٢ يونيو ٢٠٢٣
لعرض السؤال في فدني اضغط هنا