اختي زعلانه قوي انها قصيره وبتزعل من اي كلمه حتي لو هزار اوزعه قصيره شبر ونص و الحاجات دي ممكن تقعد مع نفسها تعيط
طب ما طبيعي تزعل .. احنا منقدرش نحكم علي شخص و نقوله ازعل او متزعلش او حتي نحكم علي الموقف بذات نفسه انه يستحق الزعل و لا لا ، الحل ان انتو تلحقو الموضوع من اوله و تبطلو تتكلمو في الموضوع ده و تثبتو لها العكس ان هي جميله بقصرها ده و مش عيب في خلقها و لا حاجه بالعكس هي جميله زي ما هي .. اهم حاجه تبطلو تتكلمو و تحسسوها ان هي فيها مشكله و حاولي توعي كل اللي حواليك/ي من من اهلك بخطوره الحكايه علي البنت دي لما تكبر .. ربنا يروق بالكم
تم النشر الخميس، ٦ فبراير ٢٠٢٥
قولها ان الموضوع مش بإيدها وان ده اختيار ربنا ليها و ان قصر القامة مش عيب في البنت او في الولد و كلها مكتوبة من عند ربنا ولو حاسة بنقص بسبب كدة خليها تعوضه بعلم نافع لغة او رياضة او كتب او اي شئ يميزها و يملئ فراغ قصر القامة لازم انت برضك تتقبلها و توريها انها مفيهاش حاجة عشان هي تتقبل تفسها و كلمها في موضوع انها بتعيط بسرعة و قولها ان ممكن ناس تستخدم ده ضدها مستقبلآ
تم النشر الاثنين، ٣ فبراير ٢٠٢٥
تجنبوا الهزار في النقطة دي طبعا. دا اولا. ثانيا يفضل تروح لمختص نفسي بالاضافة للدعم من اهلها ومن اخواتها ولو ليها اصحاب مقربين برده يقدموا ليها الدعم. ممكن برده توروها صور لممثلات قصيرة وازاي شكلهم جميل وعاشوا ونجحوا واتجوزوا.. او تضربوا امثلة لناس حواليكم قصيرين وخصوصا الرجالة كمان وازاي الرجالة نفسهم قدروا يتخطوا المشكلة دي عندهم.
تم النشر الخميس، ٦ فبراير ٢٠٢٥
دا احساس طبيعى ليه بتكبرى الموضوع دى حاجه خارجه عن إرادتك واحنا مينفعش نزعل من حاجه ربنا خلقنا بيها لازم نحب نفسنا زى ماحنا ونكون متقبلين نفسنا بعيوبنا ومنسمحش لأى حد ياذينا أو يقلل مننا لأن واثقين فى نفسنا وبعدين دا خلق الله سبحانه وتعالى ودا مش فى ايدك تغيره فلازم نقبل الواقع ونتاقلم عليه ومنسبهوش يأثر علينا نفسيا بل نكون مبسوطين بحالنا وبصحتنا الكويسه فى نعم تانى ربنا كرمك بيها فلازم تشوفها وتحمدى ربنا عليها والى بيحبك بجد هيبحك فى اخلاقك وشخصيتك وجمالك الداخلى مش الشكل الخارجي الإنسان فعلا هو روحه وأخلاقه وتربيته وعمره مكان مجرد مظهر أو شكل علشان يتحب الإنسان الجميل جميل الروح والحس مش جميل الشكل أو جمال الخارجى إلى هيحبك هيحبك علشانك انت مش علشان مظهرك أو جمالك الخارجى ثقى فى نفسك ديما وحبى شكللك
تم النشر الثلاثاء، ٤ فبراير ٢٠٢٥
من الطبيعي أن تشعر أختك بالحزن بسبب قصر قامة، خصوصًا إذا كانت هذه المسألة تؤثر على ثقتها بنفسها. يجب أن نقف بجانبها ونساعدها على تطوير صورة إيجابية عن نفسها. يمكنك أن تبدأ بالتأكيد على الميزات الجميلة فيها، ليس فقط من مظهرها ولكن أيضًا من صفاتها الشخصية وإيجابياتها. قد تكون الأنشطة التي تساعدها على الانغماس في الأشياء التي تحبها أو تطوير مهارات جديدة مفيدة للغاية. أيضًا، من المهم أن تُشعرها بأن القامة ليست هي المقياس الوحيد للجمال أو النجاح. يمكنك محاولة مساعدتها في التعبير عن مشاعرها بدلاً من كتمانها، سواء من خلال التحدث مع أحد أو حتى الكتابة في مذكرة. إذا استمرت مشاعر الحزن لديها وأثرت على حياتها اليومية وعلاقاتها، قد يكون من المفيد أن تشجعها على البحث عن مساعدة من مستشار نفسي. تذكر، الدعم العائلي والتواصل المفتوح هما من أهم العوامل لمساعدتها في تجاوز هذه الصعوبات.
تم النشر الاثنين، ٣ فبراير ٢٠٢٥
ده بديهي إن أي حد يضايق، هي لو متضايقتش تبقى مش طبيعية، بس اللي نتكلم فيه إن هي مش طبيعي تفضل تعيط، ده معناه إنها حالياً من جوة هشة، واجبنا في الوقت ده هو الكلام الإيجابي و الدفعة النفسية ليها، واجبنا إننا نوجهها و نساعدها على الثقة في نفسها و تقبل الاعتراضات بشكل طبيعي مع ثبوت الثقة في النفس.
تم النشر الثلاثاء، ٤ فبراير ٢٠٢٥
التنمر حرام. يمكن هي شايفه انها مشكله بنسبالها وحاجة بتزعل منها بلاش نضايقها بالكلام حتي لو هزار ونراعي مشاعر بعض الحاجه الصغيرة بنسبالك كبيره عند حد تاني
تم النشر الأربعاء، ٥ فبراير ٢٠٢٥
بلاش تنمر حرام حتي لو نيتك خير
تم النشر الثلاثاء، ٤ فبراير ٢٠٢٥
لعرض السؤال في فدني اضغط هنا