دلوقتي أنا عايز أربي لحيتي (معرفش ليه بس كل ما بربيها بحس بأحساس حلو إني بعمل سنة عن الرسول فده سايب أثر طيب فيا)
كنت الأول بربيها علشان شكل فكل مده كنت بحلقها لحد لما لقيت نفسي بقرب اكتر من ربنا عن طريق إني بكتشف حاجات جديده أول مره أعرفها و نسيت المده ديه و لقيت نفسي حبتها و حابب اسيبها
لكن والدي هو المشكلة خايف عليا بدون داعي ولا سبب هو أيوا اللي بسيب لحيتوا بيتشك فيه لكن برضوا ده مش سبب ولا دافع يخليه يقولي احلقها و اقولوا ليه يقولي كده بدون سبب ده حتي ربنا سبحانه و تعاله معملش كده مع سيدنا إبراهيم لما طلب منو يعرف إزاي بيحي الموتى قالوا أولم تؤمن قال بلا و لكن ليطمئن قلبي(وَإِذْ قَالَ إِبْرَاهِيمُ رَبِّ أَرِنِي كَيْفَ تُحْيِ الْمَوْتَى قَالَ أَوَلَمْ تُؤْمِنْ قَالَ بَلَى وَلَكِنْ لِيَطْمَئِنَّ قَلْبِي قَالَ فَخُذْ أَرْبَعَةً مِنَ الطَّيْرِ فَصُرْهُنَّ إِلَيْكَ ثُمَّ اجْعَلْ عَلَى كُلِّ جَبَلٍ مِنْهُنَّ جُزْءًا ثُمَّ ادْعُهُنَّ يَأْتِينَكَ سَعْيًا وَاعْلَمْ أَنَّ اللَّهَ عَزِيزٌ حَكِيمٌ)
ربنا سبحانه و تعاله فسر لسيدنا إبراهيم و أراه كمانض لكن أبويا لا مفيش كده هيا لا يعني لا لحد لما دماغي زي اللي اتقفل عليها بقفل و خلاص طالما مفيش تفسير يبقى عناد بعناد و مش حلقها
إن كان حل أو عديت بالموقف ده و عرفت إزاي تقنع والدك أتمني لو تعرفني إزاي
مع العلم والدي بنسبالوا الكلمة و خلاص مفيش تفسير ليها خصوصاً لما بيعاند
و نقطة كمان لو هتحاول بأي شكل من الأشكال تقنعني بأني احلقها مش هرد عليك (علشان متقولش أني تجاهلتك)
و شكراً مقدماً لأى أجابه.
حاول تشرحلوا أسبابك وطمانه أن مش فيها حاجه وفى النهايه ده قرارك انت
تم النشر الأربعاء، ٢٨ يونيو ٢٠٢٣
وضح انت لبابا انك فاهم احتمالات الاسباب اللى عنده انه خايف عليك او انه يكون فاهم اتجاهك غلط او انه يكون شايف شكلك احلى من غيرها وانك مع كل الاحترام لكل الاسباب المحتمله الا انك حابب نفسك فيها كده حاليا واحتمال تلاقى نفسك حابب تحلقها فى وقت تانى مستقبلا . وان اسبابك بردوا احتمالاتها كتير انك حابب شكلك فيها وبس او اقتداءا بالرسول عليه الصلاة والسلام او موضة او او او دايما ردد عليه الجملة دى انا فاهمك يا بابا حتى لو مقلتليش سبب محدد بس انا حاببها كده ...سيبنى شوية باللى حابه يجوز يتغير.
تم النشر الاثنين، ٢٦ يونيو ٢٠٢٣
الموضوع عادي جداً.. طالما دا حاجه بتريحك.. اعملها.. والوالد هيقتنع مع الوقت
تم النشر الاثنين، ٢٦ يونيو ٢٠٢٣
حضرتك انك تربي لحيتك اقتداء برسول الله حاجه كويسه جدا بس انا حابب اقلك حاجه واحده انتا تعرف انو رضا الوالدين من رضا ربنا عليك فلا تعص لهما امرا واحب اقلك للعلم بس انو حلق اللحيه مش حرام بس هوا امر مكروه ف انتا ممكن تقلب الموضوع ل صالحك بدل م تعاند مع والدك انتا ممكن تقعد مع والدك ولو الموضوع فيه مشقه عليك وهتقله انوا الموضوع دا مكروه وانا مش هعمله علشان انا مقتنع ب كدا و عايز ارضي ربنا سبحانه وتعالي ولو متفقتش على كدا احب اقلك قصر لحيتك ومتحلقهاش كامله
تم النشر الأحد، ٢٥ يونيو ٢٠٢٣
متحلقهاش بس اتعامل بهدوء ومتعندش معاه ممكن تظبطها شويه قوله اي حاجه متخافش عليا يا حاج شكلي حلو بيها وبعدين عادي مش كل الناس اللي بتسيب ليحتها بيحصلها حاجه المهم الانسان يتقي الله ويتعامل كويس مع الناس ومفيش حاجه ان شاء الله
تم النشر السبت، ٨ يوليو ٢٠٢٣
بص انا مش هقولك احلقها ولا هقولك سبها ممكن تخليها وسط العادى بتاع كل الشباب واكيد باباك خايف عليك واللى بيحصل فى مصر مش قليل برده فبلاش تزعلاه لان اكيد ديما ان الاهل شايفين حاجه وحسنها احنا ممكن نكون مش شايفنها بس بنكتشف فى الاخر انهم صح
تم النشر الأحد، ٢٥ يونيو ٢٠٢٣
لعرض السؤال في فدني اضغط هنا