هو ممكن الموضوع يبقا طويل بس فعلا محتاج حل مش عارف اعمل اي انا هبداء من الاول خالص انا انسان مجنون مليش غير امي وابويا سبني وانا صغير ليها بعد مكان حرفيا بيعذبني ضرب ومراته وعمتي محدش كان بيحبني اووي وانا صغير لحد مامي اخدتني واتجوزك حد انا يعتبره ابويا علي طول معايا هو ظابط علمني ابقا راجل لحد ما ربنا كرمنا ياختي الصغير كنت اكبر منها ب16سنه يعتبر بنتي بس امي من بعد اختي جالها الكانسر زعلت اوووي وخوفت عليها هيا حبيتي والوحيده الي كانت في ضهري ام واب كنت بستخبي فيها اعمل كوارث واجري عليها فضلت معاها طول الوقت حاولت ابقا راجل كان ابويا او جوز امي في شغله في سيناء كنا بنروح نعقد معاه بس اغلب الوقت في القاهره عشان العلاج كنت أنا الي معاها علي طول واختي مكنتش بتحسس حد أنها تعبانه كانت ست قويه 🤍 كنت معاها في كل اللحظات كنت جنبها تحت رجلها في يوم انا فكره كنت روحت احلق وهيا راحت الكوافير كان شعرها بيقع لما رجعت البيت لاقيتها شالت شعرها خالص صعبت عليا نفسي الكلام وقف في زوري فضلت باصص ليها فصلت اعكسها وانا من جوه بموووت وهيا بتعيط قصادي وزعلانه علي شعره نزلت لنفس الحلاق بس معرفتش امسك دموعي اول مخرجت من بيتنا وروحت لي وانا بعيط قولتله شيل شعري زيرو وانا كنت عامل زي العيال الي حس أن خلاص أمه هتروح فضلت جنبها اكتر عمال احب فيها ارخم عليها بحبها امي لحد مدخل علينا شهر 10الي فات بداء التعب يزيد بدأنا نروح للمستشفيات كتير كنت بنام تحت رجلها عشان مش بتعرف تقوم عشان لو تعبت ابقا جنبها مكنتش حبيبتي بتعرف تدخل الحمام الست دي كانت اقوي حد في حياتي بقيت انا الي بسندها للحمام وبشيله واشربها وأسهر جنبها بحاول اشبع منها ومش عارف زي الطفل الي عارف ان أمه هتمشب وشبطان فيها كنت بنام علي الارض تحت السرير عشان اول متتحرك احس بيها كان ساعتها ابويا خرج معاش دخلنا شهر 11وبدات تتعب اكتر وبدانا نعلق في محاليل مبقاش الكيماوي ينفع معاها عشان الكانسر انتشر ومسك في الكبد كنت بسمع الدكاتره وهيا بتقول خلاص كلها ايام كنت بتقطع بس بحاول امسك نفسي عشان اوريها اني راجل انا عندي 23سنه في كليه حقوق مش صغير بس بنسبه ليها انا طفل لسه في حضنها بحد مجهز يوم كنت عند خالتي في الشيخ زايد وبدأت تدخل في غيبوبه كبد مكنش ابويا موجود اخدها وروحت المستشفي الساعه6الصبح كان يوم حد روحت ودخلنا انا وابن خالتي وخال وخالتي وبنتها مكنوش عاوزين يستقبلوها رغم اني معايا الورق الي يثبت كده وكارنيه مستشفي الشرطه بتاع العجوزه انفعلت عشان خوفت علي امي وزعقت معاهم والموضوع كبر وبقت خناقه بقيت اضرب فيهم من خوفي ورعبي عشان اروح اخد امي واجري علي اي مستشفي تانيه بس الموضع كبر وخالي ضرب واحد عوره في دماغه والحكومه جت اهدنا انا وخالي وابن خالتي وروحنا القسم كانت أول مره اعيط بجد قصاد الكل من وانا في المستشفي وبتخانق معاهم بعيط عشان حد يلحقني وانا في القسم ميت علي نفسي عاوز اطمن علي امي الي سبتها لواحدها وهيا مكنتش عارفه انا مين اصلا كانت بدايته الغبوبه وكان صعبان عليا نفسي امي مش عرفاني وبدأ الموضوع يكبر واتعملت محضر ودخلت الحجز ودي اول مره ليا وكنت خايف علي امي ولا فكرت في اي حاجه في الي انا فيها غير امي وابويا جه طمني وفصل معايا ونقلها مستشفي خاص عشان برضو مرضيوش يدخلون امي العنايه المركزه وحصل مشاكل كتير وانا في القسم وفي النيابه عشان انا عصبي حبه لحد مخرجت يوم الاربعاء بليل بكفاله روحت لامي الخميس كان شكلها صعب مكنتش عرفاني وكانت في عنايه القلب فضلت اعيط عشان تفتكرني بس لا وروحت البيت ومرضيتش اروح ليها يوم الجمعه عشان مكنتش عاوز اشوفها كده بس روحت السبت كان قلبي في حاجه غريبه اليوم ده روحت واتعصبت علي الدكتور لما امي اتشنجت وسمعته قصادي بيقول انتو بتعملوا اي مانتو عارفين انها كام ساعه ولا يوم بالكتير خلاص هيا كده بتودع روحت البيت وانا مش قادر بس بمثل اني كويس قصاد الكل لحد بليل الساعه 1بظبط قاعد علي سريري حاسس بحاجه غريبه لحد مالتلفون بتاع ابويا رن ولاقيته بيقولي ماما اتوفت كنت عارف ومستني الخبر بس ممسكتش نفي اتصلت بصحابي جم معايا المستشفي وفصلت قاعد هزرت حبه من وراه قلبي لحد مدخلت وشوفتها في التلاجه ساعتها خلاص معرفتش دخلت في صدمه فصلت اتعالج منها فتره المهم اختصار الأحداث بعد امي دخلت حياتي واحده كانت مدرسه لاختي اكبر مني بسنه بس حبيتها اووي فصلنا فتره كانت بتتخانق معايا علي طول كنت نزلت استغل في مكتب محاماه بلهي نفسي كنت اخلص شغلي بدري واروح استناها بالاربع ساعات علي القهوه عشان اشوفه بس لانها كانت رفضه نتقابل أو نعقد في حته وانا احترمت ده كنت اصحي من الساعه6استناها عشان اشوفها داخله المدرسه واروح شغلي وارجع استناها اشوفها وهيا مروحه كل ده وهيا كانت بتتخانق معايا كان عندي اكتئاب عشان الي شوفته مش قليل حكيت ليها وعيط كنا بنتكلم واتس بس وساعت فون انا راجل وعصبي وغيور وشكاك حبه بس متشدد في رجولتي وكنت عاوزه لإحلال وقولت ليها اخلص وهخطبها احنا بس فعلا تعبت من كتر ماهيا مش بتراعي اني تعبان وبحاول أمثل اني كويس كنت مستني تحس بيا تبقا حنينه معرفش حبيتها ليه مشوفتش منها أي حاجه اصلا انا الي كنت بهتم كنت بفضل مستنيها كنت بفضل اخلي بالي منها في المقابل كانت معامل واحشه وطريقه كلام وحشه بس كنت بقول مصيرها تتغير ونتخانق ومكنتش بتكلمني كنت أنا الي برجع عشان بحبها كانت اول حد أقوله اني مليش غيره وخايف يسبني بس كانت علي طول بتهدد بالبعد وكان بيصعب عليا نفسي انا كنت ضعيف اوووي قصاده لحد مقالت أنها بتحبني وزاد المشاكل ولا بتهتم ولا بضحي ولا بحسها بتحاول بفضل اتحايل عليها عشان نعقد حبه في كافيه ساعات بتعشمني ويلا وبعدها تقولي مش هنزل وساعات تقول لا بمنتهي البرود بس بحبها هيا طيبه اووي وكويسه وجميله ومحترمه بس كان صعب عليا حاجات كتير وخصوصا المشاكل بتبقا تافه بس هيا بتعصبني لحد متبقا مشكله واخر حاجه حصلت كان في مشكله زي العاده بينا كانت تعبانه فضلت ابعد مش بترد اتصل مش بترد كل ساعه تدخل تقولي انا تعبانه دي اول مره بعدها بساعه تقولي انا اهو بعدها بساعه تقولي كنت بستفرغ عشان بطني وجعاني اقولها طمنيني عنك ردي عليا بتشوف المسدج ومش بترد وتقولي انتا مش بتحبني وانا هروح للناس الي بتحبني وعاوزه تطمن عليا كل ده عشان اتعصبت انها بتشوف المسدج ومش بترد ولا يطمني عنها فصلت حبه لحد تاني يوم قبل الفطار قولت اصالحاه وكانت فاتحه وقولت ليها اني اسف بس كان خوف عليها واني مش هفطر الا لما يخلص الزعل وماكلتش ردت بعد الفطار بكام ساعه بتقولي مش مهم والي ياكل علي ضرسه ينفع نفسه قولت ليها اني مش هتكلم الا لما اعرف الدكتور قالها اي وهيا عامله اي فصلت تالت تيام مش باكل بحرق سجائر وقهوه وصعبان عليا نفسي اني هونت عليها بالشكل ده المهم في اليوم التالت اكلت ودخلت اتكلمت عادي فصلت نتخانق برده وبعدها هزرت واعتذرت وبعدها قامت خناقه تانيه بسبب مشكله قديمه بحكي ليها عنها وانا كل ده مش غلطان وربي مش بكتب في حرف ده الي حصل فضلت اقولها متزعليش وارضيها وهيا كانت تحلق بالله انها مش عاوزني ومش ضايقاني وتحلف بالله انها خلاص روحت لحد بيتها فضلت قاعد لحد تلاته وانا قايل ليها مش همشي الا لما الزعل يخلص وفتحت الساعه تلاته بتقولي اي الهبل ده روح يابن الناس مش عاوزك ولو هتقف علي ايدك مش عاوزك ولا هرجعلك وربي انا مغلطش معاها في حاجه غير اني حبيتها ومكنتش عاوز غيرها بجد وكان عندي امتحان الصبح اصلا فضلت صاحي قاعد في الشارع وروحت الامتحان وانا مش قادر افتح عيني ولحد دلوقتي عاوز اكلمها ومش عارف اعمل اي ولا اتصرف ازاي انا واحد ربنا منزل في القبول الكل بيحبني الحمدلله وراجل مع الكل ومش بغلط ولا بزعل حد ويقف جنب اي حد حتي لو بكره يقف جنبه مش بسيبه والكل يشهد بكده وباخلاقي وبتربيه امي بس فعلا حبيتها اوووووي ودلوقتي انا مش عارف اعمل اي
تم النشر الاثنين، ١٧ أبريل ٢٠٢٣
اولاً البقاء والدوام لله ثانياً حاول تنسها وتشغل نفسك بـ اي حاجه انت بتحبها وطور من نفسك انت عديت بمراحل اصعب من كدا ف هتقدر تعديها إن شاء الله ودور ع اللي تستهلك بجد الزوجه الصالحه اللي هتربي عيالك وادخل البيت من بابه لان اي علاقه برا إطار الدين فيها كميه هدر طاقه مش طبيعيه وانت باين انك محترم وراجل وبالنسبه للعصبيه والشكك حاول ع قد ما تقدر تقلل منهم عشان مفيش بنت بتحب ان الراجل يشكك فيها حته لو عملت اي ف اقلل منهم خالص وربنا يوفقك ويعينك
تم النشر الاثنين، ١٧ أبريل ٢٠٢٣
الاول: البقاء لله لمامتك. ثانيا بقى: بعد كل الى عيشته مع مامتك الله يرحمها دى بياكد انك اقوى منت فاكر بالرغم من ضعفك وبكائك بس ده طبيعى بعد كل الى مريت بيه، لازم تثق ف نفسك وتعززها، اهتم بحاجات تانيه وسيبها وابعد عنها انت متعرفش ربنا مخبيلك اي، واكيد رنا ليه حكمه ف كده انه يبعدها عنك بالرغم من حبك وتضحيتك ليها بس هى مش مقدره اي حاجه من الى انت بتعملها ولا حاسه بحزنك وتعبك، مينفعش تفضل ف العلاقه السامه دى ابدا انت بتزتنزف نفسك، تاكد ان هناك الكثيرمن الاشياء فى هذا العالم لم تجربها بعد..، كمان انت قولت انك عندك اخت صغيره اهتم بيها وحاول توفرلها الامان والطيبه هى هتبقى زيك دلوقتى واكتر لانها صغيره وفقدت مامتها، صدقنى اول حاجه لازم تعملها تسيبها وتلغى كل حاجه بتربطك بيها، تانى حاجه انك تنجح لان انت لم تنجح صدقنى هى هتندم على كل الى هيا عملته معاك ولما تفكر ترجعلك وانت ترفض تبقى رضيتلها القلم الى عملته فيك، وصدقنى لما تنجح هتبقى تفوقت على كل حاجه فى حياتك، ثالث حاجه حاول مدورش على الحب والاهتمام من اى حد يخش حياتك، سيب الموضوع ده على ربنا وصدقنى كل حاجه هتيجيلك ف وقتها ربنا ليه حكمه ف كل حاجه بتحصل، متخليش حد يستنزفك انت اقوى من كده بكتير... اشغل نفسك بحاجات تطورك وتنجحك اهتم باختك وابعد عن اى علاقة سامه ف حياتك بتستنزفك..
تم النشر الاثنين، ١٧ أبريل ٢٠٢٣
لعرض السؤال في فدني اضغط هنا