انا بخاف جداً من القطط يمكن بسبب حاجات حصلت في الماضي وكلام اهلى الدايم عنها إنها شيطان والقطط السودا وحشه والقطه لما النور يجي ف عينيها وتلمع تبقي شر وهكذا .. انا حالياً كبرت بقيت اولي جامعه وقررت اشتري قطه واربيها بس هتبقي بمواصفات خاصه يعني تكون حنينه ومش بتعض وهجبها بيرشن بس الفكره عايز اعرف تعليمات وإرشادات من حد فاهم وبيربي ويساعدني اخد الخطوه ولازم اكون فاهم اي قبل ما اشتري القطه و عايز اعرف عمر القطه اصلا قد إيه
تم النشر الاثنين، ١٠ يونيو ٢٠٢٤
السلام عليكم ورحمه الله اهلا بيكي هل ما زلتي تخافين من القطط ؟؟ القطط حنينه جدا و علي حسب ما تعوديها ، اهم حاجه تهتمي بالتطعيم بتاعها ، و تغذيها كويس لأنها روح انتي مسؤوله عنها، و فيه كلام كتير جدا مغلوط عن القطط فهي من مخلوقات الله بتحس بيكي و مسليه. و كمان فيه فيديوهات علي اليوتيوب عن القطط ممكن تتفرجي عليها و ازاي تعتني بيها و كل ما يخص القطط و بعدها قرري اذا كنتي قد المسؤوليه ام لا. تحياتي لكي 🌹
تم النشر الأحد، ٩ يونيو ٢٠٢٤
أيوة، أول حاجة أحب أقولك برافو على إنك بتفكر في تبني قطة، وده خطوة جميلة ومهمة جدًا ليك وللقطة نفسها. طبعا، هارد على كل أسئلتك وأديك بعض النصايح المهمة. اختيار القطة : بما إنك بتفكر في بيرشن، لازم تعرف إن النوع ده محتاج رعاية خاصة وتنظيف مستمر لشعره. حاول تتأكد من مصدر القطة وإنها تكون متطمنة وصحية. العناية بالصحة : لازم تروح بيها لدكتور بيطري بعد ما تشتريها عشان تتأكد من تطعيماتها وصحتها العامة. دا مهم جدًا عشان ما تتعرضش لأي مشاكل صحية. مكان مريح للقطه : جهز لها مكان مريح ونظيف تنام فيه، ويفضل يكون فيه ألعاب ترفيهة بسيطة عشان تحس بالأمان والمتعة. التغذية : خلي بالك من أكلها. لازم تجيب لها أكل مخصص للقطط وتتابع وزنها وصحتها بشكل دوري. التعامل مع القطه : بخصوص خوفك، لازم تتعامل معاها بهدوء في الأول. اديها وقت تتعود عليك وعلى البيت. القطط بالذات بتحب الهدوء والحنان. القطط سبب للسعادة والتأمل : عادة القطط بتبقى مصدر راحة نفسية كبيرة. جرب تقرأ حاجات إيجابية عنهم بدل ما تسمع الكلام السلبي القديم. ممكن ده يساعدك تتخلص من خوفك ويفتح لك باب علاقات جميلة مع الكائنات اللطيفة دي. بخصوص عمر القطة، عادة القطط بتعيش ما بين 12 لـ15 سنة ويمكن أكتر لو اتاعتنت بها بشكل جيد. لو اتبعت النصايح دي، أكيد هتبقى تجربتك مع القطة جميلة وإن شاء الله هتكون مصدر سعادة ليك. بالتوفيق! 😊
تم النشر الأحد، ٩ يونيو ٢٠٢٤
شكراً لنصيحتك
تم النشر الأحد، ٩ يونيو ٢٠٢٤
أعتقد محتاجة تحددي هدفكِ الأول... ليه قررتِ تشتري قطة خصوصا وانتِ بتخافي منهم.... قرار التجربة خصوصًا مع موضوع خوفكِ من القطط محتاجة تفكري فيه أكثر... للأسف ناس كتير بتقرر تشتري قطة لكن بتكتشف صعوبة الأمر أو بتكتشف إنّها كانت تجربة لا تستحق أو مش بتقدر تعتني بالقطة ومصاريف أكلها وتربيتها فبتسربها للشارع وده خطأ فادح وجريمة في حق القطط المنزلية. فحددي هدفكِ وابحثي كتير قبل اتخاذ القرار.
تم النشر الأحد، ٩ يونيو ٢٠٢٤
هو حاجه كويسه انك تفكر نجيب قطه وتتغلب علي مشاكلك ،لكن قبل ما تفكر ف ده اعرف انها مسؤوليه كبيره وكبيره اوي كمان وليها مصاريف وتنضيف ليها بشكل دوري غير ان هي بتبوظ السجاد وحجات كتير بس هي بتحسن حالتك النفسيه وليها مميزات ، سيبك من اي حاجه لو انت قادر تتغلب علي مشاكلها ومسؤولياتها ،طبعا هاتها واتغلب علي خوفك وبس
تم النشر الاثنين، ١٠ يونيو ٢٠٢٤
العفو 🥰
تم النشر الاثنين، ١٠ يونيو ٢٠٢٤
لعرض السؤال في فدني اضغط هنا