دلوقتى انا كنت قريبه من ربنا جداا وكنت بشعر بلذه جداا فى دعاء وتراويح لوحدي فى البيت وكانت ايام مذاكره ثانوي وكنت دايما ادعى ربنا انى يفرج همى و انى اجيب مجموع 98٪ وكون الاولى وهكذا على قد انى مش واثقه انى تعبى هيجبها ولا لا بس كنت بقول ربنا مش هسبنى وهو كرمه كبير وجبر بخاطري لان الححت عليه ودعيته من دون شك لكن الموضوع فى نهايه جبت 55.58٪ وانا راضيه وصبره الواحد زعل شويه لكن صبرت نفسى المشكله بس جبت دور تانى فى ماده يعنى منجحتش وفاضلى 3.5 درجات عشان انجح ف ماده وانا مضايقه خالص من ساعتها لما اقعد مع نفسى وقول لازم اذاكر بروح اقد ملاقيش ثوانى والافكار السوديه تاجيى ان انا فاشله وتعبى على فاضى وربنا مبسمعنيش وربنا ليه بعد مبقول يارب متكسرش بخاطري خاطري يكسر والحمدلله على كل النعم بس حياتى مفهاش حاجه مميزه وده بقا بياثر فى صلاتى وفروضى لانى كن ملتزمه بيها وبقتش بحس بالدعاء لما ادعى ولا قدره اذاكر وفاضل 8ايام واقعد بالعافيه لو نجحت ادخل مع اصحابى معهد كويس ونفسيتى مدمره اي الحل؟!
بس مين قالك ان تعبك راح على الفاضي، او اهدر؟ بالعكس ربنا مش بيضيع تعب حد ابدا. كونه بقى سمع دعائك او لا .. مش ضروري نشوف النتيجة علطول .. او نشوفها في وقتها. يعني مثلا فيه ناس قعدوا يدعوا بحاجات كتير انها تتحقق .. ولكن الحاجات ديه متحقتش ولكن ربنا كرمهم بعد كده بحاجات مناسبة ليهم واحسن .. وعمرهم ما كانوا يتخيلوا ابدا ان ربنا هيفتح ليهم سكك تانية بعدية عن اللي هما كانوا بيحلنوا بيها! احنا علينا السعي وبس، النتيجة ديه بتاعة ربنا .. وفكرة الوصول اللي متروج ليها مش حقيقية .. محدش بيوصل للنهاية، لو حد عمل دايت هو محتاج بعد كده يفضل يسعي ويحافظ برضه على اكله وجسمه بعد ما خس .. ف مفيش حد بيوصل للنهاية .. احنا بنحاول نحافظ عليها بقدر الامكان. والوصول ده مش بتاعنا برضه، اسعي وبس وثقي ف ربنا انه شايل ليكي حاجه كويسة فيما بعد. واقولك بقى الحاجه التانية، العالم دلوقت مفتوح، يعني التعليم مش مقتصر ع الكلية .. الدنيا مفتوحة اكتر مما تتخيلي ولسه كمان! ادخلي اللي ربنا كاتبه ليكي، واتعلمي بعد كده اللي انتي عايزاه، الثانوية العاملة مش نهاية الدنيا. مفيش حاجه نهاية الدنيا، كلنا بنتعلم وهنفضل نتعلم من كل حاجه حوالينا. دمتي سالمة
تم النشر الأحد، ٢٠ أغسطس ٢٠٢٣
هو ده طبيعى يحصل ...لان الدعاء مش بنتشرط بيه على ربنا ولا استجابة الدعاء معناها انه يتحقق بالحرف فهمنا الغلط هو السبب فى انه يكون فى مدخل من مداخل الشيطان للاسف استعيذى بالله من وسوسة الشيطان وان ده بسبب عدم الاستقرار النفسي بس اللى حاصلك ربنا رتبلك الخير اكيد وان شاء الله اللى جاى احسن من كل الصعب اللى فات
تم النشر السبت، ١٩ أغسطس ٢٠٢٣
الحمد لله دائما وأبدا على كل حال وحقيقى والله كام سنة وهتحمدى ربنا انك جبتى المجموع دا وحصلت معاك كل المواقف دى من الفرحة اللى هتكونى فيها ربنا بيسمع لينا وهو عز وجل أقرب من حبل الوريد واستعيذى بالله كل ما تفتكرى الأفكار دى لأنها من الشيطان
تم النشر السبت، ١٩ أغسطس ٢٠٢٣
اخنا اللي بنعمل لنفسنا قمه ف الكليه اللي احنا فيها لازم تحبي كليتك وترضي بقداء ربنا لان اكيد خير ليكي، ثانيا حرام تقولي لي يارب والكلام ده عشان كد بتعتبي ربنا والعتاب ان ربنا اذاكي وربنا سبحانه وتعالي مش بيئذي حد ابدا هيعدي الوقت والايام والسنين وهتعرفي لي ربنا خلاكي تجيبي المجموع ده وطبعا معتمد علي مجهوداتك قومي تاني واقفي تاني لسه الطريق كويل واكيد فيه مطبات متستنيش وقت معين تبدأي فيه قومي وصلي ركعتين توبه وذاكري لسه قدامك فرص كتير قومي وخلي عندك يقين ف ربنا العوض كد كد هييجي لو انتي فين
تم النشر السبت، ١٩ أغسطس ٢٠٢٣
بلاش تكونِي من اللّي بيعبدوا ربنـا علشان اما تدعيلو بحاجةة نتِ شيفاها خير ليكِ ومتتحققش تفقدي الامل فيه لاء انا مقدرة زعلك وتعبك وربنا يعينك و يقويكِ على اللّي نتِ فيه وخدي وقت وافصلي عيطي وخرجي كل اللّ جواكِ بس متنسيش فِ ماده لازم تذكريها عشان تنجحي وتخلصي من السنةة دي، ارجعي تاني صلي واعملي العبادات اللي بتخليكي تحسي باللذه دي هتهون عليكِ وصدقيني ربنا هيخليك فِ المكان الاصلح ليكِ لو تعتبي وشايفة ان مجهودك كان يجيب اكتر من كده ربنا هيقدرلك الخير فِ حاجةة تانيةة دي نقطة لو مكنتيش بتتعبي ومش هنضحك على نفسنا لو شايفة ان المجموع ده مناسب ليك فَ انتِ خدتي حققك فِ المرجله دي وركزي لسهه فِ مراحل تانيةة جايةة بس هتحتاجي تزودي مهارتِك عموما عشان تلاقي شغل كويس كَـ لُغة وكورس حاسب وكده فاهمة،بس ركزي فِ الماده ذاكري بهدف انك بتزودي معلومات عشان تكوني مثقفة مش جاهله ماشي ولسه اللي جاي هيكون خير وارجعِ لربنا تاني متعلميش هو شايلك الخير فين بجد متخليش حاجةة فِ الدنيا تخليكي تفقدي العلاقه بينك وبين ربنا أبدا مهما كانت هو بيفهمك اطلبي منه المعونة ف اللي جاي ويصبرك على اللي هتمري بيه ولسه هيحصل معلش قاومي عشان ترتاحب ف الاخر وبصي كويس انتي بتتنفسي هو من غير جهاز اكسجين دي مش نعمه تستحق الشُكر متكونيش ابدا من اللي بيعبدو ربنا عشان حاجةة ولو الخاجةة دي محصلتيش تضيقي لدرجة انك تسيبي العباده هتخسري الدنيا و الاخرة خدي وقتك ف الحزن و الزعل ورتبي افكارك بالراحه واستعدي للي جاي ربّ يجبر بخاطرِك ويوفقك هتكوني أحسن متلقيش💗💗💗💗💗💗🌻؛؛
تم النشر السبت، ١٩ أغسطس ٢٠٢٣
وتوفيق ليك
تم النشر الأحد، ٢٠ أغسطس ٢٠٢٣
انا كنت زيك علفكرة انا كنت في اعدادي جايب ٩٦ ٪ ومع ذلك حصلتلي ظروف ودخت دبلوم صنايع وكنت شايف ان ليه الي عملتو وضيعت فرصة تمريض علي ٣ درجات واديني السنادي ٩١٪دبلوم صناعي وتنسيقي جايب هندسة خاص المهم عايز اقلك خلي عندك يقين بالله ان الله لا يضيع اجرا من احسن عملا وممكن علفكرة تكمل في معهد فني صناعي وبعدها ذاكر واتدخل هندسة وكده ممكن يكون افضلك +كل التوفيق ي صديقي
تم النشر الأحد، ٢٠ أغسطس ٢٠٢٣
لعرض السؤال في فدني اضغط هنا