كنت عاوز اخد رايكم في حاجة، أنا ولد عندي 19 سنة ومن وأنا عندي 16سنة وأنا بحس دايما اني عاوز اتزوج ويبقى ليا شريكة حياة أنا عارف طبعاً ده مش سن مناسب خالص سواء عندي 19او 16 وكانوا اهلي بيقولولي ده عادي علشان انت في مرحله مراهقة وكل اما تكبر مش هتفكر في الموضوع تاني ،بس دلوقتي بيحصل العكس كل أما اكبر الموضوع يكبر معايا وبقيت طول الوقت بفكر في الموضوع ده وبصراحة عاملي مشاكل نفسية كتير ،مش بعرف اركز خالص ودايما دماغي مشغولة بالافكار دي وحاولت ابحث عن طرق علشان اطلع الموضوع من دماغي بس مش عارف كل شوية اقول فاضل سنين كتير علشان احقق الرغبة دي وهتجوز مين وهيبقى شكلها ايه هل ده طبيعي ولا دي مشاعر حساسة بزيادة وازاي احل الموضوع ده مع العلم ده انا وكده وعمري ماكلمت اي مخلوقة على وجه الكون أساسآ أنا عارف ان الموضوع يبان رخم شوية بس اهو بحكي مشكلة بتحصل معايا.
السلام عليكم ورحمه الله وبركاته طيب احنا لو حنقول انه من 16 ل 19 سنه وكل ما يكبر بك العمر ده احتياج طبيعي جدا وهيفضل موجود عندك احنا مش محتاجين ان احنا نوقفه بس احنا محتاجين ان احنا يعني نحتوي المشاعر دي لحد ما يكون لها التصرف السليم الحلال اللي تتحط فيه او اللي يتم اخراج المشاعر دي فيه تمام طيب ازاي نتحكم فيها ما فيش افضل من وصيه الرسول عليه الصلاه والسلام ونصحته ان والله المتاح ليه ان هو يتزوج يتزوج متاح ليه ازاي يكون معاه تكلفه المعيشه بتاعه الزواج وتكلفه المهر والامور الخاصه بالزواج طيب ده مش متاح مش متاح مش بس عشان السن مش متاح عشان الظروف فعلا مش واضحه. خلاص يعمل ايه بقى عليكم بالصيام فحضرتك محتاج تعف نفسك بايه بس يعني انت لازم تعمل روتين لنفسك روتين صيام ااا مثلا كل اثنين وخميس تكون بتصوم تمام في حاجه مهمه جدا جدا جدا وهي انك يكون عندك روتين مجهود بدني تمرينات تكون بتعملها. سواء في البيت سواء في الجيم على حسب المتاح ده ما ينفعش انك تتغافل عنه خالص خالص لانه المشاعر دي جزء منها هو بسبب دوافع جسديه ااا التطور الجسماني والهرموني بتاع جسمك كولد في السن ده وكل لما هتكبر الموضوع مش هيقل لا هو هيفضل احتياج طبيعي موجود لانه خلاص الجسم دي طبيعته اا هتفضل نفس المشاعر انت حاسس انك بتميل ليها لانه الموضوع مش نفسي بس طبعا في جزء نفسي الاحتياج يكون معايا شريك وحد باحكي له بيحكي لي وبشاوره وبيشاورني يعني الاحتياج ده برده احتياج نفسي موجود ااا وهو واحد من التطورات الطبيعيه جدا لنفسيه البني ادم. فاحنا محتاجين ان احنا نحتوي الموضوع ده احنا مش عايزين نتجاهله احنا مش عايزين نقول عايزين نخلص منه خالص وما بقاش بحس كده ولا بفكر في كده لا انا عارف ان ده احتياج طبيعي ولكن حتى تتهيا ليه الظروف ااا المتاحه انا محتاج استعد عشان اكون زوج ناجح عشان اكون شريك ناجح طيب ابدا اهيا نفسي ها هو انا دلوقتي لو معايا حد شريك حياتي انا اصلا محتاج مواصفاتها ايه طيب لو هي الحمد لله ربنا كرمني بالمواصفات دي اتعامل معاها صح ازاي وابدا اعلم نفسي طيب انا علشان اكون قد المسؤوليه. واكون فعلا معايا متطلبات الزواج المتطلبات الزواج مش ماديه بس طب اصلا المتطلبات الماديه هوفرها ازاي محتاج اشتغل على نفسي محتاج اكون احسن انا مش عايز اتجوز في سنه متاخر عشان الموضوع ده ما يطولش معايا فانا محتاج ان انا بايديا واسناني طول الوقت اشتغل ما اقولش لا لسه متخرج من الجامعه ابقى اشتغل لا وانا في الجامعه.
تم النشر الاثنين، ٩ ديسمبر ٢٠٢٤
الاحساس بالاحتياج للطرف الاخر فطرة ودليل على السواء النفسي ولكن عند الوقت المناسب والقدرات اللازم توفرها ولحد ماتحقق ده انت مطالب بالاجتهاد في تحقيق اهدافك واعداد نفسك بشكل جيد ومميز عشان لما تتقدم للشريك المناسب يرحب بيك
تم النشر الأحد، ٨ ديسمبر ٢٠٢٤
أولاً، أشكرك على مشاركتك لمشاعرك وتجربتك الشخصية، وهذا دليل على وعيك واهتمامك بنفسك ورغبتك في البحث عن الحلول. من الطبيعي أن تشعر بهذه الرغبة في الزواج في مرحلة المراهقة، فهي مرحلة تتميز بالبحث عن الهوية وبناء العلاقات. قد يكون لديك شغف ورغبة في الاستقرار، ولكن من المهم أن تتذكر أن الزواج مسؤولية كبيرة تتطلب نضجًا نفسيًا وعقليًا. من الأفضل أن تتوجه نحو تطوير نفسك والتفكير في مستقبلك الأكاديمي والعملي قبل اتخاذ خطوة كبيرة مثل الزواج. لمساعدتك في التغلب على الأفكار المقلقة المتعلقة بالزواج، يمكنك اتباع النقاط التالية: توجيه الطاقة : حاول أن توجه أفكارك إلى أمور أخرى، مثل تطوير مهارات جديدة أو ممارسة هواية تحبها. هذا قد يساعدك على تشتيت انتباهك عن التفكير المستمر في الزواج. التحدث عما تشعر به : حاول المشاركة بمشاعرك مع شخص تثق به، فقد يكون صديقًا مقربًا أو أحد أفراد الأسرة. قد يساعدك ذلك في الخروج من دائرة التفكير السلبي. التخطيط لمستقبلك : ركز على أهدافك المستقبلية، سواء كانت تتعلق بالدراسة أو العمل، وضع خططًا واضحة لتحقيقها. هذا سيساعدك في بناء أساس قوي لمستقبلك. استشارة مختص : إذا كانت هذه المشاعر تسبب لك ضغطًا نفسيًا كبيرًا، فقد يكون من المفيد التحدث مع متخصص في الصحة النفسية. تذكر، كل شيء يأتي في وقته، وعندما يحين الوقت المناسب، ستجد الشريكة المناسبة. بارك الله فيك ووفقك لما فيه الخير.
تم النشر الأحد، ٨ ديسمبر ٢٠٢٤
الصبر ، وانك تشغل نفسك وتحط لنفسك اهداف تحققها طالما مش مستعد للخطوة دي
تم النشر الأحد، ٨ ديسمبر ٢٠٢٤
ده كده بقى الموضوع مش عندي أنا بس احنا لازم نتحد يا صاحبي ونشوف حل
تم النشر الأحد، ٨ ديسمبر ٢٠٢٤
انا نفسك بظبط ونفس سنك وامنية ان انا اجوز وان حد يشاركني حياتي بتمناهها من وانا عندي 14 سنة وكل ما اخش مرحلة جديدة افكر في حد غير اللي قبله مع اني مبكلمش بنات ولا عايز اعمل حاجة في الموضوع ده تغضب ربنا مع ان حالتي النفسيه والمادية بايظين خالص والموضوع ده بيأثر في مذاكرتي في الكلية مع اني عارف امكانياتي وقدراتي لكن كل ما أبدأ في المذاكرة مثلا بسرح بالساعة ويمكن اكتر ووقتي بيضيع بسبب كدة انا نفسي الاقي حل للموضوع ده لو انت وصلت لحل ابقى ابعتلي بالله عليك
تم النشر الأحد، ٨ ديسمبر ٢٠٢٤
لعرض السؤال في فدني اضغط هنا