انا في المرحله الثانويه وعايز أكون منظم في جدولي والتزم بيه سوءا بقا في المذاكره أو حتي في أي حاجه تانيه ده غير إني عندي مشكله إني مش بروق المكان الي انا قاعد في باستمرار فممكن حد يقولي اعمل ايه عشان احافظ علي نظافه المكان من حولي وازاي التزم بجدولي و حل مشكله التسويف ده غير ان انا عايز احفظ قرءان واتعلمه فممكن حد يقولي ازاي اواظب علي حفظ وتعلم القرءان مع المنهج الدراسي في الثانويه
حاول تشتغل بقانون 8,8,8 و هو انك تنام 8 ساعات و تذاكر 8 ساعات و ال 8 ساعات الأخيرة شاملة اكل على مدار اليوم ممكن ساعة و جلوس مع أهلك ساعتين او على حسب الظروف طبعا تفرق كل يوم عن التاني و مثلا لو شاور أو بريك او تمارين ممكن 3 ساعات و خصص ساعتين مع ربنا شاملين الصلاة و طبعا لو عايز اكتر و تقلل ف حاجة تانية براحتك ❤️ اهم حاجة ترتاح و أما عن فكرة النظافة متراكمش الكركبة من الاول و لو عملت اي حاجة نظمها ف وقتها من غير تأجيل و أخيرا عن موضوع التسويف دة امشي بمبدأ مذاكرة و تركيز لمدة 45 دقيقة و ربع ساعة بريك و ياريت البريك ميكونش عالتلفون أو أي جهاز .. يفضل مثلا تفك جسمك أو تعمل meditation الربع ساعة أو تشم هوا نضيف أو تساعد حد ف البيت الخ... حاول طول الوقت التركيز على الهدف و الجزء الاهم انك تعمل journaling لليوم في بدايته .. احلى وقت للصحيان وقت الفجر عن تجربة شخصية ✨👌🏻 بالتوفيق ليك
تم النشر الاثنين، ١ أبريل ٢٠٢٤
تابع مع شيخ هيخليك تلتزم فالحفظ ان شاء الله وابدا بقصار السور
تم النشر الأحد، ٣١ مارس ٢٠٢٤
اولا حاول تلاقي إجابة على الاسئلة ديه.. ليه عايز تكون منظم في مذكرتك وتحافظ على نظام اوضتك ؟ ايه أهميته بالنسبالك؟ مين المسؤل عن تحقيق ده؟ مين ممكن يساعدك؟ حاول تستخدم استراتيجية(25_5) بمعنى انك تقعد تذاكر لمدة 25 دقيقه بكل تركيز وتبعد عن المشتات وبعد كده تاخد راحة 5 دقائق وتكرر لمدة ٤ مرات وبعد اخر مرة فترة الراحة ممكن تزودها من 10 الي 15 دقيقه وتكرر لمدة ٤ مرات وهكذا اكتب قبل ما تنام الحاجات اللي عايز تعملها في اليوم التالي وحدد لها وقت محدد خذ وقت كافي من الراحة وخصوصا قبل النوم ابحث عن شئ يكون حافز ودافع ليك ويكون بمثابة مكافأة بعد تنفيذ مهام اليوم ركز على هدفك وحلمك واسعى ان تكون نسخة أفضل منك اتخيل نفسك بعد فترة من الالتزام هتكون عامل ازاي؟ تنظيم وترتيب الغرفة هيساعدك على الهدوء والتركيز وإنجاز المهام لان العين عند روؤية الفوضى تجعل العقل مشتت وفاقد التركيز والإضافة ام الفوضى تسبب في انبعاث طاقة سلبية
تم النشر السبت، ٣٠ مارس ٢٠٢٤
واحده واحده نظم يومك الطبيعى وحط فيه حاجه واحده لما تنتظم عليها زود كمان حاجه وهكذا
تم النشر الأحد، ٣١ مارس ٢٠٢٤
نظم يومك مثلا هصحى الساعه كذا هعمل كذا وكذا وهكذا يعنى تبقى صاحى عارف يومك هيمشي ازاى وحط كل الحاجات اللى انتا عاوز تعملها بمواعيد عشان تعملها متسبهاش مفتوحه مثلا هحفظ سوره كذا الساعه كذا وعلطول خلى مكانك منظم اول بأول عشان ميكركبش ومتضغطش نفسك اووى عشان مش هتحقق حاجه واحده واح
تم النشر الأحد، ٣١ مارس ٢٠٢٤
لعرض السؤال في فدني اضغط هنا