زوجتي ملهاش غير أخت واحده وعايشه بالخارج ووالدة زوجتي جت بموافقتي قعدت معانا في بيتنا من بعد وفاة حمايا بقالها ٩ سنين أو اكتر وأنا وزوجتي بنراعيها ونخدمها المشكلة إنها كانت جالها جلطة في المخ من حوالي ٥ سنين وقامت بالسلامه بس بدأت بقالها حوالي سنتين اخلاقها وتصرفاتها تبقي صعبه جدا مع مراتي وبعدين ولادي وأنا كنت بكبر دماغي مش بحب ادخل طرف غير في إني أحاول اهدي الاطراف عشان أحافظ علي برهم ليها وهي بصراحة كانت بتصعب عليا في ظروف مرضها المشكلة إنها بدأت تمسك في خناقي أنا كمان وكل يوم ارجع من شغلي بدل ما البيت يكون هادي ومريح لأي راجل راجع تعبان من شغله بقي كل يوم خناقات محورها إنها ست عنيده جدا بتتصرف تصرفات سيئه أو غلط ومش عايزة حد يقولها كده غلط أو مينفعش وأنا استحملت كتييير وطنشت كتير حبا في زوجتي وبرا بوالدتها بس تصرفات والدة زوجتي أصبحت لاتحتمل لدرجة إن زوجتي جالها مرض الضغط من كتر الخناقات مع أمها كل يوم وبصراحه أنا بقيت حاسس إن البيت صغر علينا ومراتي شايله فوق طاقتها ومش عايز أتصرف تصرف ربنا يحاسبني عليه أو الناس تقول إني مستحملتش حماتي مع العلم إنها ملاك وديع مع أي حد في التليفون أو الزيارات العائليه ومع أخواتها
اختبار لمدى صدق نيتك فى البر الحقيقي. انت طبعا مشكور قررت قرار نبيل جدا بيدل على انك راجل متربي صح واكيد ربنا كرمك وسترك فى مواقف كتير بثواب موقفك ده. اللى بيحصل معاك دلوقتى من تطور فى وضع حماتك هو الخطوة الأصعب اللى أجرها أضعاف اللى عدى كله. لان الوالدين فى الكبر تحملهم بيكون أصعب... لذلك ذكر فى القرآن (وقل رب ارحمهما كما ربياني صغيرا) (واخفض لهما جناح الذل من الرحمة) لان الرحمه مهمه جدا وطولة البال مهمة زى ما بنطول بالنا مع الأطفال. هى طبعا ليها كتير من الأسباب واغلبها هيكون انها بتحاول تجذب اهتمامكم ليها وتحاول تكون مؤثرة (حتى لو بالخطاء) بس هى عاوزة تشوف ردود أفعال قويه وخلاص. ممكن تجربوا تفكرواها بحاجات هى كانت مميزة بعمايلها زمان وتحسسوها دايما انكم محتاجينها تساعدكم خبرتها وشطارتها فى الحته دى... ده ممكن يخليها اهدى كتير. وأنت ربنا يقويك وتكمل اللى عاهدت نفسك وربنا عليه وتنجح فى اختبارك ده قصاد مبدأك وتكون فخور بنفسك بعد عمر طويل ليها.. انك كنت زوج ابنه أصيل وشهم.
تم النشر الأربعاء، ١٠ يناير ٢٠٢٤
حضرتك ذكرت في كلامك ان والدة زوجتك الكريمة .. كانت بالفعل كويسة ولكن الاشياء والمشاكل كلها جتءت بعد حدوث الجلطة الدماغية .. والجلطة الدماغية بالذات مضاعفتها او اثرها على حياة المريض مش سهلة .. يعني تصرفتها الغريبة اللي بتحصل ديه ممكن تكون طبيعية جدا .. لان المريض معرض ان نسبة الخرف تكون عنده عالية، وبيميل انه ينعزل، وكمان ممكن يدخل في نوبات اكتئاب. ف ده طبيعي لانها مريضة .. ف حضرتك جزاك الله كل خير عاملتها زي والدتك السنيين اللي فاتت، ف استحملها في مرضها .. لانه مش ب ايدها. وكمان قول لزوجتك كده .. ان هي مش ب ارادتها اللي بيحصل حاليا، وياريت لو متخصص يشوفها ياريت طبيب نفسي علشان يعرف يتعامل معاها بشكل صحيح. وربنا يشفيها باذن الله.
تم النشر الخميس، ١١ يناير ٢٠٢٤
شكرا لحضرتك علي المشاركة حضرتك ذكرت ان التغيرات بدأت من بعد اصابتها بجلطة فالمخ من ٥سنوات والامور بتزداد سوء تناول الأطباء بجامعة كولومبيا في نيويورك في أبحاثهم مؤخرا، مدى خطورة اضطرابات ما بعد الصدمة على المصابين بالسكتة الدماغية(الجلطة)، حيث تظهر عليهم أعراض أمراض نفسية مثل تقلبات المزاج واضطراب النوم والتركيز بشكل واضح من خلال الصدمة التي تسببها لهم السكتة الدماغية بعض الحالات تحتاج الي تأهيل نفسي من قبل متخصص للتعامل مع الأعراض الناتجة من بعد الجلطة الدماغية
تم النشر الأربعاء، ١٠ يناير ٢٠٢٤
حاول تخاى زوجتك تكلمها وهى لوحدها انك مضايق من تصرفاتها ولما تقولها هو قالك حاحة تقولها انا شايفة كده
تم النشر الخميس، ١١ يناير ٢٠٢٤
حاول تلطف الأمور معاها متخدش كل حاجه على أعصابك جبلها حاجه حلوه هدية أعتبرها أمك متنساش انها مريضه والسن بيكبر وربنا يجعله فى ميزان حسناتك اصبر ولك الاجر
تم النشر الجمعة، ١٢ يناير ٢٠٢٤
ربنا يجعله في ميزان حسناتك
تم النشر الخميس، ١١ يناير ٢٠٢٤
لازم تصبر وربنا هيعدلها من عنده
تم النشر الخميس، ١١ يناير ٢٠٢٤
ربنا يجعله في ميزان حسناتك
تم النشر الخميس، ١١ يناير ٢٠٢٤
عليك بالصبر..مالهاش حل تااني..الله يعينك
تم النشر الأربعاء، ١٠ يناير ٢٠٢٤
لعرض السؤال في فدني اضغط هنا