السلام عليكم
انا عندي مشكله اثرت علي حياتي ودمرتنا ووقفتها بمعني اصح انا كنت بتعافي من ادمان العاده السرية والاباحيات عن طريق واعي في معسكر ولكن بعد ما خلص المعسكر بفتره رجعت انتكست ومازلت في ادماني للعادة السرية وبغباء ومكنتش بقدر اقوم وضهري يوجعني جداً عندي مشاكل ف البيت مع مرات عمي وبيقولو أنها بتعمل اعمال لينا وكده ... انا حياتي واقفه مبقتش اروح الشغل ولا عايز اشتغل اقوم اكل نام وبس مفيش فيومي حاجه كل اما اروح شغل اسيبه ومش عارف انا بتحجج بقي ولا ايه بس الموضوع بتاع اني اروح يومين واقعد ده من الشغل أثر عليا وانا لسا في بداية حياتي الجامعية محتاج اشيل مسؤلية بس انا مش عارف انا لسه مش حاسس بكده
انا كنت بشرب سجاير وبطلت وبقالي يجي سنه جت نفسي هفتني من شهر كده وشربت سجارة واحده وقرفت اصلا منها وانا اصلا مبحبهاش بس بفرغ غضبي من الدنيا وحالياً عايز ارجع اشرب تاني وبقول لنفسي احسن من الاستمناء مش عارف انا كده صح ولا اي
انا لما كنت ف الكامب والتزمت بالامتناع عن الاستمناء وبناء عادات ايجابيه كنت فسعادة غامرة اصبحت حياتي لها معني .. ولكن حياتي تغيرت مرة اخري ورجعت تاني وضيعت اجازة الكلية من غير ما اشتغل وانا عليا فلوس مش عارف هسددها ازاى الضغوطات كل يوم بتزيد عليا مبقتش عارف الاقيها منين من اهلي اللي مبقوش يسألون فيا ولا يدوني فلوس ولا مين تعبت ياجماعه
عايز ابطل استمناء بس بعلاج دوائي انا مخنووق جداً
وعايز اشتغل واستمر .... مبعرفش استمر في حاجه الموضوع ممكن يكون وراه حاجات نفسيه آه انا عندي مشاكل نفسية كنير مممن تكون سبب ف ده
نفسي اسدد ديوني واشتغل واجيب لبس لنفسي عشان الجامعه واصرف علي نفسي
بس معنديش لا طاقة ولا شغف ولا اي حاجه كل اما اروح شغل ميعجبنيش مبقتش عارف اعمل اي انتحر واخلص بفكر ف كده لما بيأس اناا تعبت يومي فاضي مبعملش فيه حاجه
ياااااارب
و عليكم السلام و رحمة اللّٰه و بركاته مفكرتش إن ممكن السبب ف ده بُعدك عن ربنا ؟ جرب تقرب من ربك اكتر و تقرأ قرآن و حاول تشغل نفسك ف رياضه مثلا او حفظ قرآن ممارسه حاجه تبعدك عن التفكير المفرط ، مقدرتش حاول تكون نفسك و تتزوج هيكون احسن ليك بالنسبه للديون و المشاكل أنتَ محتاج تقعد مع نفسك تفكر هتحل دة ازاي و تاخد قرار تجاه المشاكل دي هتتصرف معاها ازاي كلو عندو مشاكل بس لازم تواجهها عشان تقدر تنهيها و متهربش منها بالشرب او غيرو و بلاش فكره اشرب احسن من الإستمناء ، طب و ليه تبطل الفعل الحرام بفعل حرام غيرو طب متتوب أفضل و تجاهد ، خلي ف مخك انك عايز تبقا انسان احلى مش تتحول من انسان بيعمل حاجه غلط لحاجه غلط تانيه دا عمرو مهيساعدك أبداً و الشغل ف مش لازم يكون الشغل عاجبك في البدايه لو مشينا ب مبدأ ان بنختار الشغل الي ع مزاجنا مكنش حد اشتغل من الأساس اشتغل اي شغلانه حتى في الوقت الحالي و حاول تطور من نفسك عشان تسد ديونك ، و بعد وقت الشغل اعمل حاجه تشغلك تخليك مستمتع جرب تتعلم حاجات جديده كلنا بيجيلنا بردو فتره بنبقا فاقدين شغف تجاه اي حاجه ، نصيحه مني قرب اكتر من ربنا و ادعي و صلي و اقرأ القرآن و استشعر معانيه العظيمه كل ده هيخليك مش شاغلك المشاكل هيخليك مرتاح و قادر تاخد قرارات و تحل مشاكلك بس اهم حاجه لازم تواجه لإن المشاكل مش هتحل نفسها انت محتاج تتعب عشان تحلها و هترتاح اكترر فيما بعد ،، و اهلك مش مضطرين يصرفوا عليك اه ابنهم و لكن هم معتبرينك خلاص راجل لازم تعتمد ع نفسك و تصرف على نفسك عشان تقدر تشيل مسؤوليه ف متزعلش منهم و برهم مهما كان ،اتمنى لك التوفيق و الهدايه
تم النشر السبت، ٢٨ سبتمبر ٢٠٢٤
النسخة المختصرة من الإجابة صلي بأنتظام و ابعد عن السرير في كل وقت ما عدا وقت النوم بس و اقري شوية عن اضرار العادة السرية علي الجهاز العصبي للانسان و في نفس الوقت عايزك تعرف ان ربنا شايفك لو أمنت فعلا ان ربنا شايفك في كل وقت و ملائكته تستحي تعملها ، وفر طاقتك الجسدية علشان بجد هتحتاجها لما ان شاء الله ترتبط و تتجوز و سبب انك هتحتاجها انك هتبقي مسؤل عن بيت و فيه انسانة في رقبتك مطلوب منك تراعيها و تقضي شئونها و شئون بيتك .. علي فكرة حوالين اي انسان قاعد لوحدة بيبقي فيه زحمة مين قالك انك بتبقي لوحدك دايما حواليك ملائكة و شياطين و جن مسلم ساكن في المكان من قبلك و خلق لا يعلمه إلا الله ، الحاجز بينك و بين الكيانات المؤذية زي الشياطين هو الطهارة ، و ذكر الله ، و النجاسة بتبعد عنك الملائكة ، اتحكم في نفسك و شهوتك بدل ما تفقد السيطرة غصب عنك .ربنا يهديني و يهديك . شوف لك حاجه تشغلك انشالله حتي لو تتعلم حاجه جديدة اقري شوية عن رسول الله اعرف هو مين اعرف ليه المسلم لازم دايما يبقي علي طهارة .. ادرس لغة برمجة بلاش جلسات انعزالية في البيت ، خلي موبايلك او الكمبيوتر بتاعك زي صالة بيتكم جاهز أن اي حد يدخله في اي وقت بدون خوف او حاجه تكسف او تفضح ، قل أمنت بالله ثم استقم .
تم النشر السبت، ٢٨ سبتمبر ٢٠٢٤
صلي واستخير ومترجعش للسجاير لا واشغل نفسك بأي حاجة وأهم حاجة الصلاة الحاجة الي انت متقدرش عليها بربنا هتقدر ومتتعبش نفسيتك حاول تكره نفسك فيها انت اكتر واحد هتقدر تفيد نفسك بالنسبة لحوارالاعمال دا مشهور جدا ومش بعيدة بصراحة فاهم حاجة الصلاة
تم النشر السبت، ٢٨ سبتمبر ٢٠٢٤
https://youtube.com/playlist?list=PLOjvW1C4hDCk448_fWgbTz6GQK3pE6q9c&si=05QvavV2glr62wnk. اسمع السلسله دي هاتساعدك تتعافي كمان حاول توصل للسبب الرئيسي اللي وصلك لدا تابع مع دكتور نفسي متخصص ته
تم النشر الثلاثاء، ١ أكتوبر ٢٠٢٤
وعليكم السلام ورحمة الله وبركاته، أخي العزيز، من الواضح أن ما تعانيه هو تحديات متراكمة تؤثر على حياتك بشكل كبير. أشعر بحالك وأفهم الضغوط التي تواجهها، وهي بالفعل قد تكون شديدة في بعض الأوقات. أولاً، أود أن أؤكد لك أن الشعور باليأس والضيق ليس غريباً في مثل هذه الظروف، ولكن من الضروري أن تعمل على تغيير هذا الوضع. التعامل مع الإدمان : إن انتكاستك بعد فترة التعافي ليست نهاية الطريق. الناس يمرون بمراحل متعددة من التقدم والانتكاس، وما يهم هو كيف ترد على هذا الانتكاس. قد تفكر في العودة إلى أساليب الدعم التي ساعدتك من قبل، سواء كانت مجموعات دعم أو استشارات نفسية. العلاج الغذائي أو النفسي قد يكون مفيدًا أيضًا. التوجه إلى الأخصائي : إذا كنت تعاني من مشاكل نفسية تؤثر على حياتك اليومية، فقد يكون من المفيد زيارة طبيب نفسي أو استشاري نفسي. فيما يتعلق بالعلاج الدوائي، يجب أن يتم ذلك تحت إشراف طبي. مواجهة المشاكل الحياتية : بخصوص المشاكل الأسرية والمالية، حاول التحدث مع أحد أفراد العائلة أو الأصدقاء الذين تثق بهم. قد يكون لديهم القدرة على تقديم الدعم أو النصيحة. تحديد الأهداف الصغيرة : ابدأ بخطوات صغيرة، مثل تحديد مهام بسيطة يمكن أن تساعدك على الشعور بالإنجاز. حتى لو كانت هذه المهام بسيطة، فإنها ستعطيك شعورًا بالتحكم. الالتزام بعادات إيجابية : يمكنك العودة إلى العادات الإيجابية التي ساعدتك في الماضي. حاول من جديد ممارسة الرياضة، والقراءة، أو أي نشاط تستمتع به وإضافته إلى روتينك اليومي. فتح قنوات الحوار : إذا كنت تعاني من سوء الفهم أو العلاقات المتوترة مع الأقارب، حاول التواصل معهم لمعالجة الأمور بصدق. قد تجد أن الحوار الهادئ يمكن أن يحل العديد من المشكلات. أعلم أن الوضع صعب، لكن بالإصرار والمثابرة يمكنك تحقيق التغيير. لا تتردد في طلب المساعدة من المحترفين. أتمنى لك الأفضل وأدعو الله أن يمنحك القوة لتجاوز هذه المحنة.
تم النشر السبت، ٢٨ سبتمبر ٢٠٢٤
لعرض السؤال في فدني اضغط هنا