اذا النقطة دى وانك تكون حاسس بكل الاهتمام او بانك رقم واحد فى حياتها ....لو حاجة بتأذيك زى ما وصفت كده وانها بتمس كرامتك . فانت لازم تعيد تفكير فى ارتباطك بيها لان ده انذار لان ممكن مع الوقت وتراكمات النقطة دى هتكون مش شايف ولا حاجة مهمه قد انك تلاقى النقطة دى بالذات. ممكن تجرب تجربة بسيطة الاول ...تيجى على نفسك يومين او اسبوع كده وتبدأ تبطل تبادر بالسؤال عليها والاتصال وتشوف تصرفها هيكون ايه .....لو سألت عليك هى وقالتلك انت فين وليه مش بتسأل زى ما انا متعودة منك ....يبقي المشكلة هنا كلها انك مش سايبلها مساحة هى اللى تبادر اصلا وتتصل . ولو محصلش اى اختلاف يبقي هى طبيعتها مختلفة عنك فى النقطة دى وهتحتاج تراجع نفسك عشان تقرر صح ومتواجهش مشكلة كبيرة بعد كده .
تم النشر الأحد، ٥ مارس ٢٠٢٣
وارد جدا يكون غصب عنها لانها اول مبتتاح الفرصه ليها بتبقا كويسه جدا معاك في حد بيعرف يعمل اكتر من حاجه مع بعض حتى وقت ضغط الشغل وحد لا وارد جدا هي مبتعرفش تعمل كذا حاجه وهي مضغوطه انت الي تقدر تشوف ده معاها ف حياتكم بعد كده وتحطوا سوا الخطه الي حياتكم هتمشي عليها وفهمها انكم كده وانتو لسه مش متجوزين ف هل ف الجواز ومسؤلياته هلاقي منك نفس الاهمال ده طبيعي بعد الجواز انت ممكن تشاركها بعض المسؤوليات دي وتخفف عنها بس ف العموم انت اتكلم معاها ان ده مدايقك ومسببلك ازعاج وقلق ومحتاج منها وعود بالتغير وتشوف ده فعليا معاها الا لو ده طبعها بيبقا صعب نغيره ف بتشوف لو انت بتحبها قوي بتتحمل العيوب دي عشان في مميزات تانيه
تم النشر الاثنين، ٦ مارس ٢٠٢٣
هو الحب مش انها تكون معاك 24 ساعة على التليفون .. يعني كل واحد اكيد له حياة خاصة برده بنفسه بعيدا عن التاني .. وهي ممكن تكون من النوع اللي شغلها عندها مهم، وبتحب يكون لها المساحة الخاصة بها. ف ده لا يدل انها لا تحبك، ديه حاجة وديه حاجة تانية خالص. ف انت حاول تدي لها المساحة الخاصة بها، وانت كمان حاول تنشغل شوية وتعمل حياة تانية ليك وتخلق وقت تقضيه فيه مع نفسك وتستمتع ب ده كمان. وربنا يتمم ليكم على خير
تم النشر الأحد، ٥ مارس ٢٠٢٣
لعرض السؤال في فدني اضغط هنا