لو حد بيحبني بس متحكم فيا ومش عايز حد يقربلي ولا يكلمنى ولا اي حاجه في الحياة، اكمل ولا لا

Question

بس هو متحكم جدا فيا ومش عايز حد يقربلي ولا يكلمني وحته نا معايا كليه وهو لاء ف مش عاوزني اشتغل معرفش علشان مبقاااش اعلا منو ولا غيره ولا اي دا والمهم هو اصلا مش شغال مش ال هو حد يعتمد عليه ف شغل مش بيحب حد يتكلم معاه يعارضو مثلا عاوز ال فدماغه يتنفذ وبس وهو ابنعمي علفكره وبيحبني بقالو اربع سنين وعمل معايا مواقف كتير حلوة نا منكرش دا وبحبو بس مش عارفه اعمل اي ارفض ولا اكمل ؟!!

Accepted Answer

قيمى نفسك صح ...بالله عليكى انتى بتنزلى نفسك فى الحضيض ليه مواقف حلوه يشكر عليها وتمام كده مش هنضيع نفسنا عشان مواقف حلوه الله يباركلك يا بنتى وقفى المهزلة دى

Answer

طيب واحدة واحدة بقى! واحد متحكم ولا عايز حد يقربلك ولا يكلمك ولا عايز يخليكي تشتغلي ... اول حاجه كده ده انسان غير واثق من نفسه، ثقته ف نفسه تحت جدا. ومش واثق فيكي، اساسا ده حد مش واثق من نفسه هيثق فيكي ازاي؟ حد هيعزلك عن العالم .. منتظرة منه ايه؟ شايفة ان ده حب مثلا، هيقولك معلش يا حبيبتي اصل ده خوف عليكي مش اكتر، انا ضامنك والله بس مش ضامن العالم اللي بره، (الاسطوانه المعروفة). ده شخص عايز اساسا يخليكي زيه، بلا هوية، عايزك تبقى زيه ... هل انتي محتاجة حد يرفعك ولا ينزلك سابع ارض؟ تاني حاجه (مش بيشتغل) ... كويس منتظرة ايه بقى من حد مش بيشتغل؟ هيتجوزك ازاي؟ وهيصرف عليكي ازاي؟ يعني حد اساسا غير مسؤول؟ منتظرة منه انه هيبقى شايل مسؤوليتك منين؟ البيه هيعملها ازاي؟ ثالث حاجه ( مش بيحب حد يعرضوا) والنوع ده متعب جدا .. صوته من دماغه ومش صفة كويسة ابدا .. يعني الكلمة اللي يتقال عليها تتسمع ومن غير مناقشة .. حتى لو كان غلط! هترضي بحاجه زي كده؟ تفتكري لو مثلا مسمعتيش كلامه ف يوم كده .. ممكن يحصل ايه؟ شتيمة بقى ولا ضرب !! العجيب انه على ده كله وبتقولي اصله بيحبك؟ فعلا! وعمل مواقف كتير حلوة؟؟ فعلا يعني مطلوب منك ايه؟ انك تحبيه وتقولي لنفسك معلش اصل برضه الله كتر خيره يعني عمل مواقف حلوة وجميلة؟ اصلي هبقى بخون العشرة بتاعة ال4 سنيين لو قولتله مع السلامة .. يا جميلة بصي احنا مش بندخل ف علاقات علشان نعمل خير او صدقة مثلا ل الطرف التاني، احنا مش بندخل ف العلاقات علشان اللي قدامك صعبان عليكي، وخايفة عليه من الصدمة مثلا لو سبتيه! هو المفروض تكملي مع حد باقي حياتك وانتي متنكد عليكي يعني؟ هل المفروض انك تستحملي كل حاجه وحشة ف نظير ان فيه حاجه واحدة هي اللي حلوة؟ هقولك على حاجه حتى لو فيه مليون صفة حلوة وفيه صفة واحدة وحشة ولكن قاتله .. ايا كانت ايه الصفة ديه ولكن انتي مش هتقدري تستحمليها .. الصح ايه بقى انك تسبيه. ومتركزيش وراكي. اللي انتي فيه ده مجرد نبذة بسيطة جدا لكل اللي جاي خلي بالك، يعني متطلبيش منه انه يتغير لانه مش هيتغير .. ده هيفضل كده لو كملتي معاه. من فضلك خلي بالك من نفسك، ومتدخليش علاقة تكون متضررة منها.

Answer

هذه علاقة غير مناسبة تمامًا، والسبب كل ما ذكرتيه بنفسك من أمور لا ترتضيها كما يبدو من الأساس، وإن فعلتيها ستفعلينها فقط لأنك تشعرين تجاهه بالحب؟ أو ربما بسبب مواقف جيدة فعلها تجاهك يومًا ما؟ قومي بإعادة التفكير في هذه العلاقة مرة أخرى، مع وضع قيمتك الشخصية والإنسانية في محلها الصحيح وعدم الانتقاص منهما في سبيل أيا من كان

لو حد بيحبني بس متحكم فيا ومش عايز حد يقربلي ولا يكلمنى ولا اي حاجه في الحياة، اكمل ولا لا

نفسية

خوف

اجتماعية

حب

سؤال من احد أعضاء فدني

تم النشر السبت، ١٩ أغسطس ٢٠٢٣

4 إجابة

8 تعليق

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك