انا طالبه ثالثه ثانوي عندي 18 سنه وانا في ثالثه اعدادي كنت جميله قوي والدفعة كلها بتحبني يعتبر كنت اجمل واحده في الدفعه اصلا. البنات كانت بتكرهني قوي بس انا كان تعاملي مع الصبيان دايما كان في إطار اخواتي كلهم بس هم كانوا بيحبوني بس كان عادي.
جيت في يوم من الأيام حبيت شخص أكبر مني وكان بيستغلني في الفلوس بس كان بالنسبالي عادي لحد ما في يوم كلم واحده عليا فأنا ساعتها قررت ابعد عنو بس اصلا هو كان عرفني ع ناس كتير بنات وصبيان. لما سبتوا اتفق عليا مع ناس جيراني عليا وخطفوني وخدوا صور من علي موبايلي ونشرتها ومن بعدها انفضحت في البلد وابويا معرفش يعمل حاجة غير انو يضربني مع انو ليا الحق بس بعدها قررت اني اكمل مدرسه عانوا وابويا كان مناعني منها ومختش دروس ودخلت امتحانات وعدا سنتين ع الموضوع انو لسه برضوا الناس بتعايرني بيه وغير كده بقي الشباب الي يدخلوا ليا ع التواصل الاجتماعي وغير انهم قالوا اني حامل وسقطت اما كلو ع حساب سمعتي ودا كلو كلام بيموتني الا وانا برضوا لسه واقفه ع رجلي بحاول أقاوم بس مفيش حاجه مساعداني ولا اهل ولا صحاب والكل بيعاملني وحش أهلي واثقين فيا بس برضوا لما يسمعوا كلام الناس بيجوا عليا انا اصلا ثانوي عام النفسيه زفت وقصيت شعري وعملت كاتنج
السلام عليكم ورحمه الله وبركاته. طيب اللي حصل معاكي اكيد صعب جدا بس؟ يعني مش عايزه اصدمك ان انا اقول لك كويس ان هو حصل معاكي في وقت بدري وانت في اعدادي. علشان ده كان درس انت كنت محتاجه انك تتعلميه كويس قوي قوي. مساله انه احنا لسه في اعدادي وعندنا دفعه ولاد وبنات وكله واحنا بنتعامل معاه ومبدا انا بتعامل معاهم اخواتي فخليني اقول لك ان دي كانت خدعه وانت كنت بتضحكي على نفسك وبالنسبه ما انت من جواك كنت عارفه انك بتضحكي على نفسك انت كنت بتقولي انا بتعامل معاهم كاخوتي وما فيش حاجه من ناحيتي تجاههم بس انت كنت مبسوطه بفكره انه هم كلهم شايفينك احلى واحده وكلهم بيقولوا لك انهم بيحبوكي نفسهم يرتبطوا بيكي وكل الكلام ده كان بيرضي الحته جواكي بتاعه البنت ان هي عايزه تحس ان هي محبوبه وانه يعني الكل شايفها احلى واحده وخصوصا لما يكون شايفين احلى واحده في كل المجموعه بتاعه البنات اللي موجوده.المساحه اللي انت سبتيها تتعاملي بيها مع صبيان ومع بنات مش كويسين من غير ما تقيمي الناس دي ينفع اقرب منها ولا لا وقربتي منهم وكان في حدود مفتوحه لدرجه انه مثلا حد يقول لك تعالي نتقابل ومش عارفه ايه وتروحوا مكانه ويقدروا يخطفوك ااا ده كان غلط. ودي الحاجه اللي انت محتاجه تتعلميها انها ما بتعملش تاني ما تعملش نهائي وما ينفعش المساحه دي تكون موجوده في حياتك للدرجه دي ودايما لازم يكون في عندنا حذر مهما كان الشخصيه دي انا بتعامل معاها بقالي قد ايه حتى لو اعرف عيلتهم همم دايما بيكون في علامات كده علامات خطر بس لما بنتجاهلها او بنشوف انها عادي تبدا تحصل حاجات سيئه فده درس ضروري خلاص تبقي يعني فاهماه كويس جدا جدا ما يبقاش كل اللي انت تعلمتيه ان انا جامده وهفضل واقفه لا محتاجين التعليميه انه لا في درجه من الحظر ضروري تكوني واخداها ضروري تنقي الناس اللي هتكوني قريبه منهم ويبقى اسمهم صحاب او اسمهم حتى لو دفعه ايه يعني لو دفعتي كلها بنات مش كويسه انا مش هصاحبهم انا مش هبقى في وسط الجروب بتاعهم. اخذوا صور من على موبايلي. خدوا صور من على موبايلي انا اصلا بتصور ليه صور من على صور حتى لو صور شخصيه وافضل محتفظه بيها على حاجه ممكن تضيع زي الموبايل والصور دي ممكن حد ياخذها بها حاجه يعني انا بنت اه وبحب البس وبحب يعني ابقى براحتي في اللبس في بيتي ما بخرجش باللبس ده او بلبس بطريقه معينه وبصور نفسي اتصوري وتبصتي بالصوره بعد كده امسحيها انت بتحتفظي بيها ليه يعني انا بحتفظ بيها ليه عشان ارجع انا ابص عليها طب ما انا هرجع ابص على نفسي انا موجوده اهو لسه زي ما انا بحتفظ بيها ليه؟ فده درس تتعلميه. ما ينفعش احتفظ بالنوع ده من الصور خالص في حاجه بتخرج بره البيت ما ينفعش ولا حاجه حد غيري بيطلع عليها باي شكل من الاشكال حتى لو كانت بقى صديقي انا هاثق فيها ولا اخ ولا ما ينفعش. تمام. اللي بيحصل معاكي حاليا على السوشيال ميديا انا انصحك انك توقفي تعامل في السوشيال ميديا خالص لحد ما تعدي فتره ثانوي اا لحد ما ان شاء الله يعني ربنا يكرمك الموضوع ده يكون حد وقت كافي ان هو يهدى. وما يبقاش في كلام زي الاول ووالدك يسمح لك بانك تكملي تعليمك تدخلي ان شاء الله كليه وتبداي تعملي اجتماعيات انضف وافضل من كانت كل اللي موجوده اللي لها علاقه بالمدرسه. ااا عارفه انه صعب انه ما يكونش في حد معاكي بس ربنا معاكي في الاول وفي الاخر وتعلمك من اخطائك هيبقى هو الفيصل اللي يخليك تكملي.
تم النشر الأربعاء، ٢٣ أكتوبر ٢٠٢٤
عزيزتي سَلْمَى، أشعر بحِملك الكبير وما تمرين به من صعوبات ومعاناة. من الواضح أن هذه التجربة كانت مؤلمة جدًا بالنسبة لك، وللأسف يجب أن تعرفي أن ما حدث لك ليس خطأك، بل هو نتيجة لأفعال يفترض أن توضع لها حدود. الأمر الأكثر أهمية هو كيفية التعامل مع مشاعرك وآثار هذه التجربة على حياتك. من الطبيعي أن تشعري بالحزن والضغط النفسي في مثل هذه الظروف. أوصي بأن تبحثي عن دعم نفسي، سواء من أخصائي نفسي أو مستشار يمكنه مساعدتك للتعبير عن مشاعرك والتعامل مع الضغوط التي تواجهيها. تذكري أن الناس قد يتحدثون، لكن أهم شيء هو كيف تشعرين تجاه نفسك. عليك أن تركزين على تحسين ذاتك وتطوير مهاراتك وأهدافك الأكاديمية. احرصي على محاطة نفسك بأشخاص يدعمونك ويفهمون ظروفك. لا تترددي في التحدث مع أهلك حول مشاعرك، ويمكنك طلب المساعدة منهم. وأيضًا، انتبهي لصحتك النفسية، حيث أن العناية بنفسك أولويتك. لا تفقدي الأمل، فكل تجربة تمرين بها هي خطوة تجاه التحسن والنمو. تذكري دائمًا أنك تستحقين الحب والاحترام.
تم النشر الثلاثاء، ٢٢ أكتوبر ٢٠٢٤
لعرض السؤال في فدني اضغط هنا