السللم عليكم
دلوقتى انا بنت وعندى اخ ولد نا اكبر منو بتلات سنين بيستفزنى بطريقه بشعه ونا عصبيه وبيفضل الموضوع ماثر عليا وكبعا كذا مره اشتكى اهلى يقفو معاه بل العكس يهزقونى ادامو يعنى مثلا يبهدل حاجه نا لسا مروقاها وعارف انى هروقها تانى واكلب منو يروق اللى بهدلو مبيرضاش ويسيبنى ويمشى اطلب منو يعمل اى حاجه مبيرضاش يعنى حرفيا محسسنى انى خدامه ليه وعلطول لما اقول لماما مثلا خليه يعمل حاجه او كدا يقولى اومال انتى لازمتك اى
بصي يا جميلة ده للاسف بيحصل فى مجتمعنا بسبب افكار غلط...افكار بتخلى الولد ليه افضليه عن البنت. ده مش حب ليه اكتر منك ولا حاجة انتى خليكى صاحبته افضل وحسسيه اد ايه هو مهم وانتى معتمده عليه ...هتلاقيه بيديكى عينيه متركزيش فى الموضوع اللى بيتعمل بحكم المفاهيم الغلط...عشان صعب تغيريها استخدمى اسلووب تانى لصالحك عشان يبقي الافضيل ده نتيجته كويسه عليكى.
تم النشر الجمعة، ٢٠ يناير ٢٠٢٣
اسفه ليكي جدا انك حاسه المشاعر دي بس اول حاجه لازم تسيطري على انفعالك وعصبيتك مش عشان حد غير نفسك لان اوقات كتير رد فعلك العصبي بيضيع حقك ويخليكي تباني انتي ف الصوره الي غلطانه واتكلمي مع ماما بهدوء ان البيت عموما كله مشاركه مفيش حاجه اسمها ان حد بيخدم حد اسمها بنساعد بعض ف انا اعمل حاجه وحضرتك تعملي حاجه وبابا يعمل حاجه وهو يعمل حاجه لانك كده علمتيني المسؤليه بس هو اتعلم الاتكاليه وانا عادي هتحمل شويه وهتجوز وهتبقي معاه لوحدك لقدر الله لو تعبتي واحتاجتي كبايه ميه مش هيجيبه عشان هو اتعود كل حاجه تجيله لحد عنده ف اتمنى انك تساعديه يكون راجل مسؤل ومتعاون عشانك قبل ميكون عشاني والكلام ده هتقوليه لماما بهدوء من غير اي انفعال او عصبيه ووقت ماما تكون رايقه فيه معملتش اي رد فعل متخليهوش ينجح في استفزازك وهو عارف الي بيضايقك ف بيعمله ف لو بتدايقي انه يبهدل حاجه انتي عملاها هيفضل يبهدل بس لو عملتي انك مأخدتيش بالك مره ومره تاتيه مدتيش اي رد فعل ومره انسحبتي من المكان ومره ساومتيه طب عشان اعملك حاجه معينه انت عايزها ساعدني ف دي هيتضبط معاكي ربنا يهديكم لبعض
تم النشر الأربعاء، ١٨ يناير ٢٠٢٣
انفعالك عليه وعصيبتك مش هتحل حاجة بل هتزود الموضوع .. حاولي تصاحبيه وتتكلمي معاه واحدة واحدة .. هيبتدي هو كمان يتكلم معاكي .. ممكن الموضوع مينجحش من اول مرة ولكن حاولي كتير. حاولي تاخدي رايه مثلا وتشاركيه في حاجات سواء خاصة بيكي او في البيت .. قولي له مثلا ايه رايك نغير في شكل البيت .. ونبدل فيه .. ايه رايك هل الحاجة الفلانية هنا احسن او هنا احسن .. يهمني رايك .. اشكريه ديما على كل حاجه بيعملها .. حسسيه انه مهم قولي له مش عارفه من غيرك كنت هعمل ديه ازاي؟ حسسيه بالاهتمام اما طول ما العصبية والانفعال بينكم مش هتوصلوا لحاجة
تم النشر الأربعاء، ١٨ يناير ٢٠٢٣
اسفه ليكى بس اعملى كل حاجه و روحى ف اى حته اقعدى ف ركن ف البيت و اعملى ومتتكلميش مع حد و اتعاملى بكل برود ع انه م هيأثر فيكى
تم النشر الجمعة، ٢٠ يناير ٢٠٢٣
لعرض السؤال في فدني اضغط هنا