أزاي الواحد ممكن يعالج ويتعامل مع المشاعر الزائدة في الانجذاب للبنات الي هو من أسبابه الفراغ العاطفي، بمعنى أنه لما بتعامل مع أي بنت لو هي عملت أي موقف كويس او حتى موقف عادي بتقعد تجيلي خواطر إن هي حد كويس وما إلى ذلك وببقى خايف اتعامل معاها عشان عارف إني لو اتعاملت اكتر من موقف (حتى في الضرورة) هيحصل تعلق بدون مبرر.
عموما الكلام مع البنات شرعا المفروض يكون على قدر الضرورة وانا مش عايز أزوده عن كدا، أنا بتكلم لكن عايز أعرف حل المشكلة لأني بدور على زوجة والموضوع مأثر عليا إني ممكن اتعلق بأي حد بسرعة لو حد رشحهولي أو مثلا عرفته فرؤية شرعية ومش بعرف أحكم عليه بشكل عقلاني.
اولا احييك على وعيك ومراقبتك لنفسك بشكل عميق كده. هو مش بس الفراغ العاطفى ....انت عندك جوع عاطفى عموما وده هيكون صعب حتى لو اتجوزت ...الاحتياجات المعنوية للانسان عموما ليها اكتر من مصدر . لازم نعرف الحاجات اللى انت بتكون محتاجها من الطرف الاخر عشان نشوف مصادر اخرى ليها عشان متدخلش على اى حد وانت جعان اوى فيحصل اللى انت خايف منه ده.
تم النشر الأحد، ١٦ يوليو ٢٠٢٣
انا فاهمة قلقك كويس ومشاعرك دي طبيعية خالص. بس أنا شايفة إنك مش مدرك حاجات كتيرة: أولاً، متربطش المشاعر بالأشخاص لأن دي مشاعر مؤقتة وهتعدي. ثانيًا، متفتكرش إن أي معاملة كويسة من أي بنت هي إعجاب، دي ممكن تكون بس طيبة منها أو تربية. ثالثًا، متضيّعش وقت في تفكير زيادة في الموضوع ده وابدأ ركّز في أهداف حياتك وشغلك أو دراستك، واقرب من ربنا أكتر بالعبادة. رابعًا، لما تيجي تختار شريكة المستقبل، ابحث عن صفات الأخلاق والدين قبل المظهر. واطلب من ربنا التوفيق والسداد. خامسًا، الزواج مش مسابقة سرعة. خد وقتك في الاختيار والتعرف على شخصية البنت كويس قبل ما تاخد قرار مصيري. متستعجلش وكل حاجة بأوانها إن شاء الله. سادسًا، ابعد قد ما تقدر عن الخلوة بالبنات عشان ما تقعش في المحرمات. سابعًا، استخير ربنا في كل خطوة واطلب منه التوفيق. ربنا ما بينساش عباده. وأخيرًا، أنا متفهمة ليك كويس ومتاكدة إنك هتعدي المرحلة دي بسلام بإذن الله. ما تقلقش المستقبل هيكون أحسن بكتير بإذن الله.
تم النشر الاثنين، ١٧ يوليو ٢٠٢٣
بص انا شايفه أن لو حد واثق فى نفسو ومقدر نفسو هيكون عامل قيمه لنفسو ومش اي حد يعجبو أو يتشد ليه فا دا انا شايفه انو راجع لثقه الشخص بنفسو وحبو ليها
تم النشر السبت، ٢٢ يوليو ٢٠٢٣
باختصار قوي ربنا خلق الانسان و من ضمن الحاجات اللي زوده بيها الشهوة و طبيعة الرجل ان يميل الي المرأة و العكس .. دي فطرة و طبيعة لكن المسار الطبيعي بيكون الزواج ، غير كده في سنك دي كله عادي علشان بس الموضوع ده في دماغك و شاغلك لازم اولا تطرد الخواطر اللي مش كويسة و الافكار اللي مش طبيعية ، ثانيا لما يجيلك فرصة تحب و يبقي فيه انكانية ارتباط لازم يبقي لك شىوط و معايير في شريكة حياتك و مش معايير شكلية لاء معايير اخلاقية و تربوية في شريكة حياتك ، اما الانجذاب لاجل الجسد او الشكل الحلو او الصوت او الخ .. فده بسبب انك نشات بعيدا عن التعوج علي رؤية الانثي زي مثلا في حالات انك اخواتك كلهم ولاد الخ .. عايز اقولك اتعامل معاهم عادي و متشغلش دماغك قوي بيهم علشان التعلق باي حاجه و السلام عبارة عن جوع عاطفي مش اكتر فيما بعد لما الظروف تسمح و ترتبط هيبقي من الافضل انك تكون ركزت في مستقبلك و وفرت مشاعرك و طاقة حبك لحد يستاهل و من نصيبك بدل ما تحب كتير و تهدر مشاعرك علي تجارب خيالية في دماغك و بس .. او في في الواقع و تكون بدون ارتباط
تم النشر الأربعاء، ١٩ يوليو ٢٠٢٣
من الضروري أن تحدد حدودًا واضحة لنفسك في التعامل مع الفتيات. قد يكون من الأفضل الابتعاد عن المواقف التي تزيد من فرصة التعلق العاطفي بشكل غير مبرر. حافظ على احترام القوانين الشرعية والاجتماعية في التعامل مع الجنس الآخر.
تم النشر الأحد، ١٦ يوليو ٢٠٢٣
لعرض السؤال في فدني اضغط هنا