انا بجد محتاجه حد يرد عليا يكون راح لدكتور نفسي
انا بجد حياتي متلغبطه بقالي حوالي سنه وكله بينصحني اروح لدكتور نفسي لاكني خايفه لاني مش قادره افهم او الاقي المشكله ومش عارفه ازاي احكيها ولا بقدر افهم مشاعري فهل الدكتره النفسين شبه الدكتره البدنين بيسأل ايه المشكله والمفروض احكي انا ولا هما بيسئلوا اسئله او اختبارات وبيقدروا يحددوا هما
لما بنروح لطبيب نفسي بياخد مننا تاريخ مرضي مفصل بمعنى هل بنعاني من مشكلة صحية؟ هل في العائلة حد عانى من مرض نفسي قبل كدا؟ وبعدين بيبدأ ياخد بياناتك الشخصية ويسألك عن الشكوى أو ليه فكرتي تزوري طبيب نفسي؟ وبيساعدك تتكلمي عن المشكلة وبيكون في تفهم كامل في حالة مقدرتيش تتكلمي. لحد ما الدنيا تكون أسهل معاكي ان شاء الله. ممكن الطبيب النفسي يطلب فحوصات ايوه زي صورة الدم الكاملة ووظائف الغدة الدرقية تحديدا لأنه اضطراب الهرمونات بيسبب اعراض نفسية كتير. ممكن يطلب تحاليل تانية كمان في حالة وصف الأدوية. ألف سلامة
تم النشر السبت، ١١ مايو ٢٠٢٤
المتابعة مع طبيب او اخصائي نفسي بيساعدك على انك تخرجي كل اللي جواك من مشاكل ومواقف واي كلام نفسك تحكيه وبالتالي بيتم التشخيص وبعدها العلاج ويارب يتم شفاك على خير
تم النشر الأحد، ١٢ مايو ٢٠٢٤
لعرض السؤال في فدني اضغط هنا