بنتكلم بقالنا تلات سنين او اكتر غالى عندى وبحبه وبحب اتكلم معاه وهو بيحبنى كصديقة وحد غالى عنده بنهزر كتير وبيشاركنى حاجات كتير وفيه حاجات بيقول ان مش بيشاركها مع اى حد غيري يعنى بحب علاقتنا وتلاقيني حابه لما يشاركنى حاجه او يهتم بيا او يكلمنى كتير مش بزعق منه وعايزه احضنه بس هو مش شايفني كدا وعنده علاقات مع بنات كتير بتكلمهم ازاى اخليه يبقا ليا ف الاخر والصحبة دى تتحول لحب مع العلم اننا بنتكلم شات بس
طب وبعد دا هيكون فيه جواز ولا لا وبعدين لما بنكبر افكارنا بتتغير يعني اللي شايفه انه صح دلوقتي بعد كام يوم ممكن يبقي غلط وهو دلوقتي عنده علاقات كتيره مع بنات هل هيتغير لما تتجوزو تضمني منين انه مش هيخونك مهو اللي بيخون مره سهل عليه يخون اكتر صح قال تعالي { وَلۡیَسۡتَعۡفِفِ ٱلَّذِینَ لَا یَجِدُونَ نِكَاحًا حَتَّىٰ یُغۡنِیَهُمُ ٱللَّهُ مِن فَضۡلِهِۦۗ } العفه حاجه جميله بمعني لما تكوني انتي مفيش علاقات ليكي مع شباب وكدا وتكون محافظه علي نفسك ربنا هيكرمك بالزوج الصالح للي يسعدك ودا مش كلامي قال تعالى { ٱلۡخَبِیثَـٰتُ لِلۡخَبِیثِینَ وَٱلۡخَبِیثُونَ لِلۡخَبِیثَـٰتِۖ وَٱلطَّیِّبَـٰتُ لِلطَّیِّبِینَ وَٱلطَّیِّبُونَ لِلطَّیِّبَـٰتِۚ أُو۟لَـٰۤىِٕكَ مُبَرَّءُونَ مِمَّا یَقُولُونَۖ لَهُم مَّغۡفِرَةࣱ وَرِزۡقࣱ كَرِیمࣱ } [سُورَةُ النُّورِ: ٢٦] وهو اصلا طبيعي انك تشوفي كل حاجه فيه وردي وإن هو مفهوش ولا غلطه بس هتتصدمي بعد لما يكون فيه رابط شرعي في الموضوع كلنا حلوين وراء الشاشات والله بس بنختلف اختلاف جزري في الواقع
تم النشر السبت، ١٢ أكتوبر ٢٠٢٤
نصيحة من اخ اكبر منك باختصار شديد جدا . ما بني على باطل فهو باطل و الحق احق ان يتبع . يعني اقفلي الصفحة ده نهائي من حياتك لانه مضر ليكي من كل النواحي اللي ممكن تتخيليها و ربنا يوفقك و يعينك .
تم النشر السبت، ١٢ أكتوبر ٢٠٢٤
طيب خلينا نركن على جنب مسألة حرام وحلال وإن مفيش أصلا حاجة اسمها صداقة بين ولد وبنت، وخليني أسألك، بما إنك بتقولي إنك مبتتكلميش مع الشخص ده غير شات، منين أصلا عرفتِ إنه صادق معك وكل اللي قاله لك حقيقي مش كدب؟ عارفة كم الشباب اللي بتخدع البنات على الانترنت ومن خلال الشات؟ مين قال لك إنه بيحبك كصديقة عامة؟ مفيش احتمال يكون عارف بمشاعرك وبيعلقك به ومبسوط بفكرة اهتمامك وغرقك فيه؟ مين قال إنه مش بيتسلى؟ بتقولي هو عنده علاقات مع بنات كتير، العلاقات دي شبه علاقته بك يعني ولا إيه مش فاهمة. ما هو لو علاقات من نوع تاني وانتي ما زلتِ بتفكري إنك ترتبطي بالشخص ده وتخليه لكِ يبقى بتهزري. لأنه لو من النوع اللي له علاقات مع البنات فده مش بيكون مخلصة لواحدة بس وبيفضل على علاقات ببنات حتى بعد الزواج. لو قصدك بقى علاقات شبه علاقته بك فمعلش إيه يخليه (لو فرضنا إنه صادق أصلا) يختارك انتي من بين كل العلاقات الباقية، ما يمكن بيرتاح معهم كلهم وبيحبهم برضه زي صحباته. أنا مش عارفة انتي عندك كم سنة بس نصيحة، بلاش مواضيع الارتباط وكلام النت ده لأن 99% منه بيجي على دماغ البنت وبتفوق متأخر بعد ما قلبها بينكسر. ولو 1% حصل وانتهوا نهاية سعيدة ده مش هينفي أبدًا ولا هيبرر الذنب والغلط اللي كانوا فيه. فانتي يا بنت الناس، عززي نفسك وركزي في حياتك ومستقبلك ومتجريش ورا حد مش شايفك. مش دورك إنك انتي اللي تجري وتعترفي وتتمسكي. لو بيحبك كان اعترف وأخد الخطوة الصح وقال لك عاوز أتقدم لك رسمي، وما دام معملش كده يبقى حرام تضيعي عمرك ومشاعرك في انتظار حد مش شايفك. تحياتي.
تم النشر السبت، ١٢ أكتوبر ٢٠٢٤
لعرض السؤال في فدني اضغط هنا