أنا تانيه جامعه و وزني ٤٤ بقالي سنين و الحرق عندي عالي جدا كل ما أروح لدكتور يقولي نزود السعرات و الاكل وأنا أصلا باكل كتير و ما أقدرش أزود اكل اكتر من كده دي امكانياتنا أعمل اي و بزهق من الأكل
بفطر ٣ سندوتشات و بتغدي كويس و بتعشى سندوتشين و شايفه إنه اكل كتير و كويس اهو يعني بنوع ف السندوتشات و بطاطس و بانيه و كل حاجه لأني مش بحب الرز و كل التحاليل سليمه أعمل اي😭
السلام عليكم ازيك يا حبيبتي يارب تكوني في احسن حال قبل اي حاجة لازم تعرفي ان اهم من الوزن نفسه والشكل ان صحتك تكون كويسه بمعنى تحاليلك كلها تبقى تمام مفيش انيميا وفتامين د عندك يبقى كويس مخزون الحديد يبقى كويس وده مهم اوي الغده والجهاز الهضمي تعملي تحاليل بول وبراز وتتاكدي ان الاكل عن ك بيتهضم كويس من خلال التحليل . لو كل ده تمام ندخل عالخطوه التانيه هتهتمي بالعضلات بتاعتك ، بمعنى تاكلي كميه مناسبه من البروتين وتلعبي تمارين مقاومه تحت اشراف مدربه ، العضل هيزودك وهيحسن شكل جسمك كتير بس لازم تاكي معاه كويس ثالت حاجة الاكل خدي قبل الوجبات دايجستين قرص هيساعدك في الهضم والصبح خدي معلقتين عسل نحل طبيعي عالريق وابدئي دخلي في يومك وجبات صغيره سعراتها عاليه زي مثلا المكسرات او شويه زبيب وفواكه مجففه اشربي في السناك بتاعك كوب عصير فريش بسكر طبعا وممكن تدخل الكبيس والمغات كدا يوم ويوم واهتمي جدا البروتين في الوجبات عشان ترفعي نسبه العضل مع التمراين بالتوفيق
تم النشر الخميس، ٢٦ سبتمبر ٢٠٢٤
انزلي جيم والعبي مقاومه انا كنت زيك وبقيت 60 كنت 40 ومكنتش يزيد خالص يعني عن تجربه والله العظيم وشوفي اتكلمي مع الي في الجيم بس يكون بنات بس يعني وهيا تقولك نظام كويس اصل مش اى اكل وخلاص زي الشوفان والحاجات دى بيتضاف عليها حاجات وكد الكابتن هتكون فاهمها ، وطبعا اتأكدي تاني م التحاليل
تم النشر الخميس، ٢٦ سبتمبر ٢٠٢٤
انا زيك و فضلت متوتر كده طيلة حياتي و في الاخر سلمت الأمر لله و فهمت ان طبيعتي كده ، انا عارف اننا في المجتمع المصري بنقابل بعض الناس اللي بتقيم الناس بالوزن او باللون او بالملابس بس خلاصة تجربتي النفسية ليها دور كبير فأهم شيء نفسيتك تكون مرتاحة و ابعدي تماما عن مستحضرات زيادة الوزن خصوصا اللي عبارة عن بودر علي شكل علب او أكياس صدقيني هتضرك و هتسبب مشكلة في الكالسيوم جوا جسمك و ممكن تسبب أكزيما لو حاسة إنك ضعيفة في ناحية مناعة الجلد فبلاش (( احمد مش زي الحاج احمد ))ربنا خلق كل إنسان و له شكل و جسم و طبيعة مختلفة فبلاش تقارني نفسك بحد أقبلي نفسك زي ما هيه أحيانا اكتر شيء انتي عايزاه و ربنا مش بيستجيب لك .. بيبقي اكتر شيء هيسبب لك التعاسة و هيضرك لو حصل نصيحة انسي الموضوع تماما و استمتعي بصحتك و عافيتك علي وضعك ..
تم النشر الأربعاء، ٢٥ سبتمبر ٢٠٢٤
عزيزتي، أشعر بمعاناتك وجهودك لزيادة الوزن. من الواضح أنكِ تأكلين كميات جيدة من الطعام، ولكن من الممكن أن يكون هناك عدة عوامل تؤثر على نسبة وزنك، مثل سرعة الأيض أو العوامل الوراثية. إليك بعض النصائح التي قد تساعدك في تحقيق هدفك: اختيار الأطعمة ذات السعرات الحرارية العالية : حاولي تضمين الأطعمة التي تحتوي على سعرات حرارية مرتفعة دون الحاجة إلى كميات كبيرة. مثل: المكسرات، الأطعمة الدهنية الصحية مثل الأفوكادو، وزيت الزيتون. وجبات خفيفة : يمكنك تناول وجبات خفيفة بين الوجبات الرئيسية تعتبر غنية بالسعرات، مثل الزبادي مع العسل أو الفواكه المجففة. تحضير وجبات غنية بالبروتين : مثل البيض، اللحوم، والأسماك. البروتين يساعد في بناء العضلات وزيادة الوزن. تقليل الوجبات ذات الألياف العالية : في بعض الأحيان، قد تؤدي الأطعمة الغنية بالألياف إلى الشعور بالشبع بسرعة. حاولي تقليلها قليلاً في بعض الوجبات. الحفاظ على النشاط البدني المعتدل : ممارسة تمارين القوة يمكن أن تساعد على زيادة الكتلة العضلية، مما يؤثر إيجابيًا على الوزن. استشارة متخصص تغذية : إذا كنت تفضلين، يمكنك استشارة أخصائي في التغذية يمكنه وضع خطة غذائية تناسب احتياجاتك بشكل أفضل. تذكري أن زيادة الوزن قد take time، لذلك كوني صبورة ولا تفقدي الأمل. وأعلمي أن كل جسم يحتاج إلى وقت ليعدل نفسه وفقًا للتغيرات. إذا كنت بحاجة إلى المزيد من الدعم، فأنا هنا لمساعدتك. (يرجى ملاحظة أن هذه إجابة آلية بواسطة الذكاء الصناعي ولا تغني عن زيارة الطبيب في الأمور الصحية)
تم النشر الأربعاء، ٢٥ سبتمبر ٢٠٢٤
عملتى تحاليل غدة ؟
تم النشر الأربعاء، ٢٥ سبتمبر ٢٠٢٤
انزلي جيم والعبي مقاومه انا كنت زيك وبقيت 60 كنت 40 ومكنتش يزيد خالص يعني عن تجربه والله العظيم وشوفي اتكلمي مع الي في الجيم بس يكون بنات بس يعني وهيا تقولك نظام كويس اصل مش اى اكل وخلاص زي الشوفان والحاجات دى بيتضاف عليها حاجات وكد الكابتن هتكون فاهمها ، وطبعا اتأكدي تاني م التحاليل
تم النشر الخميس، ٢٦ سبتمبر ٢٠٢٤
خلي بالك ان فيه ناس كتير حاولت تزيد زي كدة والموضوع فتح معاهم جامد تعاملي بحذر في الموضوع ده عشان متندميش
تم النشر الخميس، ٢٦ سبتمبر ٢٠٢٤
اهه و الدكتور قال سليم
تم النشر الأربعاء، ٢٥ سبتمبر ٢٠٢٤
لعرض السؤال في فدني اضغط هنا