لماذا خلقنا الله لعبادته وهو سبحانه لا يحتاج هذه العبادة؟

دايما جايلى ف تفكيرى سؤال " ليه"

احنا ك إنس او جن خُلقنا للعبادة.. ليه ؟ ربنا لا يُسأل عن شئ..

دايما بحس اننا اتخلقنا فى لعبة "للتسلية" مش اكتر وليها وقت وبتخلص..

ربنا مش محتاج لعبادتنا.. طب ليه اتخلقنا اصلا ؟ ليه عبادتنا المش مهمة دى جزاءها ف الاخر جنة يانار ؟ ليه حد يتكافئ وحد يتعاقب ؟ لية مانبقاش كلنا عديمى القرار زاى الملائكة وخلاص ننفذ الى مأمورين بية وبس! ؟

ليه لازم نعيش وسط صراعات نفسية ومادية ونعيش شعور الفرح والحزن والسخط والرضا والطموح والطلوح.. لية بنعيش صراعتنا مع نفسنا ؟

ليه لازم نكون عايشين محتارين ومحتاجين وبنسأل اسئلة ملهاش اجابة ؟

...

لماذا خلقنا الله لعبادته وهو سبحانه لا يحتاج هذه العبادة؟

سؤال من .. عبدالرحــــــــــــمن ..

تم النشر الأحد، ٥ يناير ٢٠٢٥

7 إجابة

السلام عليكم، شكرًا جزيلًا على طرح هذا السؤال. وعامة كل هذه الأسئلة التي تراودك هي أسئلة تراودنا جميعًا وهي أسئلة مسوغة لكن الفكرة في أين نقف بهذه الأسئلة وكيف نتعامل معها حتى وإن لم نجد لها إجابة وألا نسمح لها أن تكون مدخلًا للشيطان بوساوسه ليحاول هز إيماننا وخاصة حين تظهر هذه الأسئلة في وقت أزماتنا. كما قلت الله لا يُسأل عن شيء... "لا يُسأل عما يفعل وهم يُسألون" هناك حد نحتاج أن نقف عنده ونُسلم ليس لأن السؤال حرام لكن لأننا إما لن نستفيد شيئًا منه أو لن نصل لإجابة بعقلنا المحدود بحدود بشريتنا أو سيكون مدخلا للشيطان. عندما تراودني هكذا أسئلة ألجأ إلى التسليم... اختيارنا للإسلام ورضانا به دينًا تعني قبولنا بقوانينه والإسلام قائم على التسليم. حين نصل إلى حدودنا البشرية نقف مُسلمين ومدركين أن هناك أسئلة لا نحتاج إجابتها أو لن نصل إليها مهما أهلكنا أنفسنا بحثًا وتفكيرًا. عندما يخطر ببالي أن الدنيا وكل ما يحدث لنا أشبه بمسرحية أو رواية مكتوبة ننتظر نهايتها أو كما قلت أنت في وصفك لعبة للتسلية، أراجع نفسي وأذكرها بقول الله "وما خلقنا السماء والأرض وما بينهما لاعبين* لو أردنا أن نتخذ لهوا لاتخذناه من لدُنا إن كنا فاعلين" وقوله تعالى "أفحسبتم أنما خلقناكم عبثًا وأنكم إلينا لا ترجعون" إذن ليست لعبة ولا مسرحية حاشا لله، كل الأمر أنها إرادة الله ونحن عباده... حين تنتهي هذه الدنيا وينكشف الغطاء ونرى سنعرف الإجابات. كل ما نحتاج معرفته الآن لماذا خُلقنا وما المطلوب منا وكيف نصل للجنة ونتجنب النار كما أراد الله لنا. *** أرشح لك هذا المقال لأستاذ شريف محمد جابر، إن شاء الله يمنحك جوابًا شافيًا. https://www.ajnet.me/blogs/2018/1/15/لماذا-خلقنا-الله ثبتنا الله وإياك على الهدى والحق وأبعد عنا وساوس الشيطان. تحياتي.

تم النشر الأحد، ٥ يناير ٢٠٢٥

السَّلامُ عليكُم ورحمةُ اللَّهِ وبركاتُه https://youtu.be/HyrOZI6CB7I?si=shGZddTEfg6y7r4q الفديو ده لـ ياسِر ممدوح بإذن الله هيفيد حضرتك،برضو هتلاقي فديوهات ليـه بعنوان ( إيه لازمة العبادة) و فديوهات غيرها... ممكن تاخد لفة كده فِ القناة تبعه وهتستفاد بإذن الله..

تم النشر الأحد، ٥ يناير ٢٠٢٥

حقيقي بقي لي اكتر من ساعه ب سيرش علي كلامك ده لان حقيقي صعب ع الرغم اني جاوبت حضرتك بس اغلب الاجابات الي لقيتها تدور حول ١_عقيده راسخه بالعبوديه ٢_ احنا ك عباد لله مُكلفين ٣_ ربنا قال بعد بسم الله الرحمن الرحيم " وعرضنا الامانه علي السموات والارض والجبال فأبين أن يحملنها وحملها الانسان أنه كان ظلومآ جهول "ا صدق الله العظيم الامانه ،،هنا الفرائض والعبادة علي الحبال والسموات الأرض إن ادوها اثابهم من فضله وان تركوها عذبهم رفضوا خوفا من العذاب ،لكن سبحانه عرضها علي الانسان قبلها ابونا آدم عليه السلام .....وببس ٤_ لا تسألو عن أشياء إن تبدا لكم تسؤ اك أتمني اكون قدرت اوضح حاجه

تم النشر الأحد، ٥ يناير ٢٠٢٥

السلام عليكم ورحمه الله وبركاته. من مشكله النوعيه دي من الاسئله لانه وقعتش فيها لوحدك لكن عادي جدا بتعدي على كل البشر تقريبا او اغلبهم ولكن في مراحل عمريه مختلفه او في ظروف مختلفه كل واحد على حسب ما انت بينفرد بيه الشيطان او بتنفرد به نفسه الاماره بالسوء علشان تحاول ان هي تهزه في النقطه العقائديه دي عادي جدا لما في شيء احنا نحب ندور له على تفسيرنا هو تفسير يعني مش عيب ان احنا ندور على تفسير لكن تبقى هنا مشكله ان احنا بننكر التفسير اللي احنا بنوصله وده هنا بيقول لنا ان احنا في عندنا جزئيه ضعيفه ممكن يفضل الشيطان يلعب عليها. اييي نتكلم في الحته دي بس خليني اقول الجزئيه المهمه جدا جدا مشكله النوعيه دي من الاسئله ان احنا بنفكر تجزئه الالهيه بالذات البشريه يعني انا ببص يعني خليني انا هقولها بس بتعبيرات تكون ابسط للاستيعاب او علشان نبقى فاهمينها كده ولكن مش هي دي الحقيقه مفيش حاجه اسمها كده يعني احنا بنبص ليه طريقه تفكير ربنا او شخصيه ربنا كان شخصيه بني ادم وهاجي هنا مشكله كاني بالضبط كده لما اجي اقرا خبر مثلا عن لا قدر الله حتى فظيعه حصلت حد قتل حد بطريقه بشعه انا بطبيعتي انا البشريه بتسائل ازاي بشر زيي بيعمل كده طيب دلوقتي الواقع مش البشر اللي زايد عمل كده اه طب ما هو عمل كده ازاي هو عمل كده انه مختلف عني اصلا يعني ومترباش زيي ولا عنده نفس المبادئ زيي ولا اي حاجه فاذا كان ده التساؤل اللي بيحصل مع بشر زي فما بالك لما انا اتساءل عن ذات مختلف اصلا الذات الالهيه دي انا عمري ما هقدر اوصل ااا هي عامله ازاي احنا ما نعرفهاش منعرفهاش غير انه بس احنا نعرف صفات ربنا صفاته لكن ااا احنا منعرفش كل شيء عن الذات الالهيه ليه لان جزء كبير جدا من الذات الالهيه سواء بقى اكثر حاجه ممكن نكون كلنا مستنيينها هو ان احنا نشوف ربنا يعني احنا مؤمنين بربنا احنا ما شفناهوش فده جزء هي اذا كنت انا ما شفتهوش فانا في جزء ما اعرفوش على انا اعرف ان ربنا اا اللي موجود ملموس قدامي يعني انت بتشوف ربنا في حاجات لكن انت اصلا مش هتعرف غير 1% من رحمه ربنا لان هي دي اللي موجوده اللي موجوده عندنا على من الارض او كل الاشكال الرحمه اللي احنا بنشوفها دي هي واحد من عشره من رحمه ربنا ففي تسع اعشار الرحمه دي يعني ربنا يكرمنا ونشوفها بعدين فبص للنقطه دي كويس جدا جدا هي دي اللي هتخلينا صعب نوصل للاجابات الوفيه للاسئله اللي من النوعيه دي لانه الاجابات دي تخص الذات الالهيه اللي هي مش بشر ف اه انا ممكن اقول ازاي البشر يبقى عايز ياخذ حد ويستعبده ويقعد يقول له اعمل وما تعملش والاستعباد ده حاجه صعبه جدا وليه حد يعمل في حد كده اه لو بشر النقطه الثانيه مهمه قوي هي ان احنا نرجع نتاكد من مساله. الاركان الاساسيه للايمان لانه الاركان الاساسيه للايمان محتاجين نفهمها كويس جدا. عشان اكون مؤمن بربنا واكون مؤمن بالخل ده هو مؤمن ان هو موجود. بكل صفاته فاركان الايمان والايمان بالله وبملائكته وبكتبه وبرسله وبالغيب فين هنا الجزئيه بتاعه الايمان بالغيب جزئيه الايمان بالغيب معناها انك تكون فاهم كويس قوي قوي ومطمئن ومش متضايق انه في حاجات محجوبه ورغم انها محجوبه الا انك مصدق انها موجوده. اتمنى انك تراجع مساله اركان الايمان لانها ساعدك كتير يعني اقرا فيها بشكل متعمق اكثر وافهمها اكثر شويه علشان هتساعد كتير قوي كل ما احنا اكدنا القاعده بتاعه اركان الايمان دي وفهمنا كل واحده منهم كويس اوي اوي اوي يعني ايه الايمان بالله يعني ايه الايمان بالملائكه اؤمن بالملائكه ازاي يعني اعرف انهم موجودين اعرفهم بيعملوا ايه كل نوع من الملائكه ووظيفته ايه هم ازاي مختلفين عننا وهكذا

تم النشر الثلاثاء، ٧ يناير ٢٠٢٥

في الحقيقة السؤال دا ليه اجابات من نوعيه بسميها اجابات سطحية يعني مش مفنده حضرتك اكيد عارف الاجابات دي ولكن خلينا نناقش الأمر بشكل أعمق معتمدين على الوحي والمنطق والتأمل (وتنويه بسيط الاجابه دي هي عبارة عن وجه نظر تحتمل الصواب والخطأ) 1.ليه الوجود موجود؟ سؤال عميق الاجابه عليه مش سهله ولكن لو حطينا جنبه موقف زي (الموقف)حضرتك مهندس معماري ضليع في مهنتك ولكن احتجت أنك تثبت تمكنك في مهنتك فصممت مبنى أقل ما يوصف بيه معجزة (النهاية) فكر حضرتك ليه انت انشأت المبنى المعجزة دا اكيد عشان تثبت براعتك وقدرتك وتمكنك في مهنتك. ومن المنطلق دا نقدر نجيب اجابه على السؤال الي طرح في الاول ليه الوجود موجود والاجابه هي الوجود موجود لاظهار قوه الله ممكن حضرتك تقولي ليه ربنا محتاج يظهر قوته ردي على الحضرتك أن الله عز وجل كان قبل خلق الخليقه في السماء لا غيره ولا يوجد ايا من المخلوقات فبالتالي هو الوحيد ولكنه قوي وقادر ولكن مفيش شيء غيره فبالتالي مفيش حاجه تأكد دا بمعنى القوي عشان يبقى قوي لازم يكون فيه ضعيف ومن هنا خلق الوجود وخلق الملائكة كائنات لا تفعل شيء إلا عبادته وتبع دا خلق الانس والجن الكائنات المخيرة في عبادته أو معصيته واعتقد إن بكدا اجبت على السؤال الاول. 2.لماذا نعبد الله؟ في رأيي العباده هي بمثابه القول بأن القوي أو أنه غير قوي بمعنى أن عبادتك لله أو معصيته هو بمثابه الله فعلاً قوي وقادر ومعصيتك هي بمثابه قول الله غير قوي وغير قادر ودي اجابه على السؤال دا. 3.لماذا الله لا يسأل عن شيئ؟في الحقيقه السؤال بيكون لمخطئ أو لساهي أو لجائر أو لظالم إلخ ولكن سبحانه وتعالى ليس به هذه الصفات هو كامل العلم كامل الحكمه هو العدل هو قادر ودا بيظهر في كل شيئ من حولينا.(ولو حضرتك عندك تعقيب علي الجزئيه دي انا مهتم اسمع لحضرتك) 4.هل احنا في لعبه للتسلية؟في الحقيقة احنا ابعد ما يكون عن دا من الي سبق احنا في غايه عظيمه وهي تجلي قدره الله عز وجل وكون ان وجودنا في الدنيا محدودة وحضرتك بتستنبط من دا أننا في لعبه فدا مش صحيح لأن دا هو تجلي أيضا لقدرة الله زي ما خلق الدنيا قادر أنه ينهيها زي ما خلق الانسان قادر أن يرده ليه. 5.لماذا عبادتنا مهمه؟ ولما نعاقب عليها؟ من صدق الله اكيد جزائه حسن والعكس صحيح مع انسان تقدم جميع الادله على قدره الله ومع ذلك رفضش التصديق بقدرته. 6.لماذا هناك مكافئ ومعاقب؟ المكافئ هو من صدق بقدره والله والمعاقب هو من رفض التصديق بقدره الله. 7.لماذا لا نكون مسيرين؟ لأن الله محتاج يكون فيه مسيرين ومخيرين بل انت ككائن مخير احب الي الله من المسير ودا بيظهر في مواطن كتير. 8.لماذا نعيش وسط صراعات؟ لأن دا احيانا انت الي بتصنعه لنفسك وبيكون عاقبه اختيارك وأحياناً بيكون من الله وهو ابتلاء عشان يتأكد من اختيارك ليه ومعنى من الله يعني لو كنت اخترت اي اختيار كان هينتهي بيك الأمر لصراع. 9.لماذا نعيش صراعات منع أنفسنا؟ الشقاء الإنسان الي بيصنعه لنفسه من اختياراته ولو اختياراته الغلط كان الزمانه بينعم. 10.لماذا نحتار ونسأل؟لان هذه فكرة الإنسان يشوف فيتعجب فيسأل ومتنساش انك في امتحان والمواقف العجيبة هي بمثابه الاسئلة الي بتتعحب منها في الامتحان وبتقعد تدور على إجابات ليها. عاوز اكرر تنويهِ تاني عشان ممكن حضرتك تكون نسيت الاجابات هي اجتهاد مني وان دي كانت مناقشه بسيطه بنطرح فيها وجه نظري في الاجابه على اسئله حضرتك واعذرني لو طوله عليك ومتشكر على اسئلتك الجميلة ومتشكر على قرأتك.

تم النشر الأحد، ٥ يناير ٢٠٢٥

الله سبحانه وتعالى ربط سعاده الانسان في الدنيا والاخره. في نظام العبوديه الكامله لله سبحانه وتعالى. فقال تعالى. من عامل صالحا من ذكر او انثى وهو مؤمن فلنحيينه حياه طيبه ولنجزينهم اجرهم باحسن ما كانوا يعملوا صدق الله العظيم.

تم النشر الأحد، ٥ يناير ٢٠٢٥

الملائكة مش هتكافئ بنعيم في جنات تسع السموات و الارض خالده بها للابد بدون اي تكليف او عبادات او...الخ هذه مكافئة البشر الي خاضو الاختبار في الدنيا و عبدو الله عن ارادة و ليس تسخير من الله ، هذا غير ان دلت آية الميثاق في سورة الأعراف على أن الله تعالى قد أخذ العهد على بني آدم وهم في ظهور آبائهم، قول الله تعالى: وَإِذْ أَخَذَ رَبُّكَ مِنْ بَنِي آدَمَ مِنْ ظُهُورِهِمْ ذُرِّيَّتَهُمْ وَأَشْهَدَهُمْ عَلَى أَنْفُسِهِمْ أَلَسْتُ بِرَبِّكُمْ قَالُوا بَلَى شَهِدْنَا أَنْ تَقُولُوا يَوْمَ الْقِيَامَةِ إِنَّا كُنَّا عَنْ هَذَا غَافِلِينَ {الأعراف:172}. قال ابن كثير في تفسير هذه الآية: يخبر تعالى أنه استخرج ذرية بني آدم من أصلابهم، شاهدين على أنفسهم أن اللّه ربهم ومليكهم، وأنه لا إله إلا هو، كما أنه تعالى فطرهم على ذلك، وجبلهم عليه، قال تعالى: فَأَقِمْ وَجْهَكَ لِلدِّينِ حَنِيفًا فِطْرَتَ اللَّهِ الَّتِي فَطَرَ النَّاسَ عَلَيْهَا لا تَبْدِيلَ لِخَلْقِ اللَّهِ {الروم} ، فمن البشر من ثبت على الفطره و منهم من اغراه الشيطان و اتبع هواه

تم النشر الأحد، ٥ يناير ٢٠٢٥

24 تعليق

شكرا لحضراتكم على اهتمامكم واسأل ربنا ليا وليكم الهداية والثبات

تم النشر الأحد، ٥ يناير ٢٠٢٥

لا تسألوا عن أشياء إن تبد لكم تسؤكم

تم النشر الأحد، ٥ يناير ٢٠٢٥

{ وَمَا كَانَ لِمُؤْمِنٍ وَلَا مُؤْمِنَةٍ إِذَا قَضَى اللَّهُ وَرَسُولُهُ أَمْرًا أَنْ يَكُونَ لَهُمُ الْخِيَرَةُ مِنْ أَمْرِهِمْ وَمَنْ يَعْصِ اللَّهَ وَرَسُولَهُ فَقَدْ ضَلَّ ضَلَالًا مُبِينًا

تم النشر الأحد، ٥ يناير ٢٠٢٥

ادرس عقيده

تم النشر الأحد، ٥ يناير ٢٠٢٥

لو فكرت كتير راسك هتروح منك السؤال دا نبي سألوا لله عز وجل وهو جاوب عليه بس انا مش متزكره صراحه افتح جوجل وهتشوفوا

تم النشر الأحد، ٥ يناير ٢٠٢٥

لان الله يحب أن يحمد وان يعبد

تم النشر الأحد، ٥ يناير ٢٠٢٥