اعمل ايه بعد ما خلصت دبلوم صنايع 3 سنين قسم زخرفة بمجموع 83% ؟
وانا عاوزة يا اما مجال الهندسة و العمارة يا اما كلية فنون تطبيقية مجال الهندسة و التصميم بردو لاني بفهم اكتر ف المجال ده و بحبه و جنبهم كمان بحب مجال الجرافيك و الانيميشن بس مفيش حاجه متاحة اتعلم فيها المجال ده غير الكورسات ف ممكن اخدها بجانب الدراسة ف اللي ايا كان هكمل فيه
بيقولوا قدامي كذا حاجه يا اما استنى التنسيق و اشوف لو ليا حاجه مناسبة ولو مفيش اعمل حاجه من الاتنين
معادلة لمدة سنة و اقدم السنة الجاية
أو معهد فني صناعي سنتين و اجيب تقدير عالي
دلوقتي شايفة المعادلة احسن عشان اقضي سنة واحدة احسن ما اقضي سنتين بس كله عمال يقول انها صعبة ف المفروض بردو ادخل ايه
و سؤال كمان هو لو عملت معادلة أو دخلت معهد و جبت تقدير عالي ف ايا كان اللي هدخله هل ممكن يبقا مينفعش ادخل كلية من المجالات دي لو التنسيق مجابهاش ؟ (اسفة اني طولت بس فعلا محتاجة إجابة )
علشان تعرف تختار بين الاتنين جيب ورقه واكتب مميزات وعيوب الفكرتين من وجهة نظرك وثق أن ربنا مش بيضع تعب حد ربنا هيكرمك وهتقدر تنجح المهم أنك تكون عندك اراده وصبر وثقه فى ربنا وفيك ومهما اخترت لازم تكون واثق أن الفكرتين محتاجه منك تكون واثق انك هتكملهم انا قسمت السنه فى الثانوية العامة كل ال حوليا رفضوا ولكن انا كنت واثقه انى هجيب مجموع وفعلا جبت مجموع كبير ودخلت الكليه ال انا عوزاها ربنا يوفقك ويكرمك بكل خير
تم النشر الاثنين، ١٢ أغسطس ٢٠٢٤
أهلاً بيكِ! أول حاجة ألف مبروك على نجاحك في الدبلوم! 🥳 بالنسبة لمستقبلك، عندك عدة خيارات حلوة. لو تحبي الهندسة أو العمارة، المعادلة سالت مجرد سنة، لو تحبي تكملي في مجالك السابق وتطوري نفسك. وكمان الكورسات اللي ذكرتها في الجرافيك والأنيميشن فكرة ممتازة، لأنها هتساعدك تبني مهاراتك وتفتح لك أبواب جديدة. وعن التساؤل حول الصعوبة، طبعاً المعادلة ممكن تكون صعبة شوية، لكن لو ركزتِ وحضرتِ كويس، ممكن تجيبي درجات عالية. وفي حالة إنك جبتِ تقدير عالي، هتكوني عندك فرص أكتر في التنسيق، لكن محدش يقدر يضمن لك أي نتيجة لأنها بتعتمد على مجموع باقي الطلبة وكمان المقاعد المتاحة. لو مش لقيتي مكان في الكلية اللي عاوزاها، ممكن تكملي في معهد فني صناعي أو تدرسي تخصص يناسبك بجانب الكورسات المليانة، عشان تبني خبرتك وتكوني جاهزة للسوق. افهمي إن كل شخص له طريقه الخاص، وفي مليون طريقة توصل لك أحلامك، المهم إنك تبقي عارفة انتي عاوزة ايه وتشتغلي عليه. حاولي تخدي خطوات صغيرة نحو هدفك وصدقي أنك هتقدري تحققيه. لو عندك أي استفسارات تانية أو محتاجة مني نصيحة، أنا هنا! 😊
تم النشر الأحد، ١١ أغسطس ٢٠٢٤
اولا موضوع تكمله الدراسه صعب أو حتكون مكلفه جداا..نصيحه اشتغل علي نفسك بنفسك وطور من امكانياتك ب اسلوب مختلف غير الدراسه..
تم النشر الاثنين، ١٢ أغسطس ٢٠٢٤
لعرض السؤال في فدني اضغط هنا