انا دلوقتي ف ثانوية عامه ودلوقتي فات يمكن تلت شهور وانا لسه مبدأتش وكل حاجة بقت متراكمة عليا بس غصب عني . انا ف بيت كله مشاكل ومن وانا صغيرة يعتبر كنت يتيمه الاب لأنه مش بيهتم بيا ف للاسف رحت لطريق غلط واتعرفت علي ناس كتير مش كويسة وحصلي مشاكل كتير جداً وخاصتا ف البيت خناق طول الوقت واوحش الكلام بيتقال ليا ومهما احاول ارجع لربنا مش بعرف وبرجع اسوء م الاول وبقيت بأذي نفسي اوقات ب الموس واوقات بشرب ف سجاير وحاجات مضرة ومش عارفه اخرج من مود الاكتئاب وفقدان الشغف دا مع العلم اني رحت لدكتور واتنين وخدت أدوية اكتئاب كمان . وبجد مش لاقية حلول ابدا ومع مرور الوقت المشاكل بتزيد وفشلي بيزيد اكتر .
بالنسبة للدراسة فانتى ممكن تبدأى فورا بس تلتزمى مع نفسك حلك بقى عشان تتخلصى من كل اللى انتى فيه انك تبطلى تدورى على شماعة الخطأ قدام ربنا لا يشفع فيه اى تبريراات اخرى منذ ان بلغتى فانتى محاسبة على اختياراتك وافعالك ...فانتى محتاجة تتحملى مسئولية افعالك اكتر من كده عشان تلاقى ارادة اكبر فى انك توقفى الخطأ. باب التوبة مفتوح وربنا بيحب التوابين والاوابين ..اللى بيرجعوا كل ما بيغلطوا ...ارجعى لربنا ولو مليون مره . اقطعى اتصالك باى حاجة بترجعك لنفس الغلطات عبرى عن الحاجات اللى مضايقاكى لاى حد او باى طريقة حتى لو هتكلمى نفسك ..الكتمان من اكبر الاسباب للافعال المؤذية فابتعدى عنها .
تم النشر الخميس، ٢ نوفمبر ٢٠٢٣
بصي مافيش حد فينا عايش من غير مشاكل ! كُلنا بنعاني وكُلنا محطوطين تحت ضغط معا اختلاف شكل المشاكل طبعآ ، لكن لو جيتي بصيتي للدنيا من منظور إنها دنيا فهتلاقيها متستاهلش منينا كُل الاهتمام الي احنا مدنهولها هي ومشاكلها !! 🙂 .. بس طبعآ كلنا عندين احاسيس وبنتأثر ومضطرين اننا نتعامل معاها علي الأقل عشان منبقاش قدام ربنا سبنا نفسينا " الي هي امانة ربنا موكلنا عليها والمفروض ناخد بالنا منها ونحاول نقومها بقدر الامكان " من طرقة كلامك انتِ فيكي خير ومن جواكي انضف من الي انتي عيشاه بكتييير ، حاولي تتقبلي نفسك زي ما انتي دلوقتي واتعاملي معاها وكأنها طفل بيغلط وانتي بتحاولي ترجعيه عن غلطه وواحدة واحدة ربنا يرزقك انك تبقي احسن وافضل . وبنسبة لأخطائك فا ربنا لطيف جدااا وكريم ومستنيكي ترجعيله فأي وقت ، ارجعيله بقااا ووعد حياتك هتبقي حاجة تاني ❤️
تم النشر الجمعة، ٣ نوفمبر ٢٠٢٣
كلامك كلو صح قربي من ربنا وانسى اي حاجه اذتك فالناضي واتأقلمي نع الوضع اللي انتي فيه دلوقتي عشان بجد متندميش بعدين
تم النشر الجمعة، ٣ نوفمبر ٢٠٢٣
كلامك ريحني اوي يا روحي انتي بجد ربنا يطمنك ♥️
تم النشر السبت، ٤ نوفمبر ٢٠٢٣
انا متفاهمة قد ايه انتي مدايقة و مش عارفة تفوقي او تتخطي اللي انت فيه وان انتي حاسه انك مش هتلمي اللي عليكي بس واللهي كل دا هتعرفي تتخطيه المهم انك تبداي من دلوقتي حتي لو حاسه نفسك متلغبطة او هما خلاص قربوا يخلاصوا المواد و انتي لا و عايزة اقولك حاجة معظم الصحاب بيكونوا هيعطلوكي عن المذاكرة فحاولي انك تبعدي عن اللي بيشغلك عن المذاكرة و قربي من ربنا حاولي و عادي متزعليش انك بترجعي برضوا انتي حاولي كل متعملي حاجة غلط ترجعي لربنا واسجدي كثير و ادعي ربنا و بس عشان ربنا هو بس اللي حاسس بيكي و عارف انك قد ايه مكسورة و تايها و مهما حصل ماتقوليش لنفسك انك مش هتعرفي تتغيري انا متاكدة انك هتعرفي بس بعد وقت و بعد صبر كل ماتحسي انك مش هتلمي اللي عليكي افتكري لا يكلف الله نفس إلا وسعها هتلمي انشا الله و انا هدعيلك شوفي اي حاجة تذكري منها ممكن لو انتي مش بتاخدي دروس في فيديوهات شرح يوتيوب او شرح مدرسة شوفي اي طريقة تذكري اول حاجة ترجعي لربنا و اعرفي ان ربنا غفور ثانيا اكتبي كل اللي خدو ف المواد كل متخلصي حاجة لازم تبسطي نفسك . ذاكري كويس و اعرفي حاجة لو انتي هتذكري كويس هترتاحي في حياتك و مستقبلك هيبقي كويس لكن لو مذكرتيش هتتعبي و هتندمي ف استغلي الفرصة ان لسه ف وقت ثالثا ابعدي عن اي حاجة غلط بتندمي عليها حاولي ابعدي عن الناس اللي بيخلوكي تبعدي عن ربنا وبجد انا حاسه بيكي عشان في فترة كنت زيك بس الحمد لله فوقت رائعا اكتبي اللي مدايقة عليه موقف موضوع او حاجة عملتها وندمتي عشان انتي ساعتها بتقي ندمانه لكن لما يعدي وقت بتنسي كل اللي حاستي قبل متعملي حاجة غلط تقرا انتي كتبتي ايه و هتحسي بنفس الندم اللي كنتي حاسا ف تتخطي الغلط دا وكل متغلطي ترجعي لربنا الشيطان هيبين لكي انك ازاي بعد كل اللي عملته هترجعي هتوري وشك لربنا ازاي بس دا بيكون وسوسه بس لكن ربنا رحيم و عارف انك ندمانه ادعي ربنا انك تتخطي كل دا وانشاء الله هتعرفي وبجد هدعيلك ف كل صلاة
تم النشر الجمعة، ٣ نوفمبر ٢٠٢٣
انا كنت كده والحل الوحيد اللي خلاني اطلع من المود دا مشيت مع شيخ وحبيته وكنت بفضفض ليه بكل حاجه وهوا كان دايما معيا وانا دلوقتي الحمد الله بقيت احسن بكتيرر
تم النشر الجمعة، ٣ نوفمبر ٢٠٢٣
لعرض السؤال في فدني اضغط هنا