السلام عليكم ورحمه الله وبركاته
بالنسبه لموضوع صلاة الفجر انا بسهر وبصلى الفجر كل يوم ولكن بسبب ده بصحى تانى يوم متأخر يكون فاتنى الضهر والعصر واضطر اجمعهم وسمعت ايه قرانيه بتقول
(ويل للمصلين الذين هم عن صلاتهم ساهون) وده الي بيجمع الصلاه عن بعضها وفى ناس بتقول الي بيجمعوا الصلوات لا تقبل والجو حر اوى اوى بجد وللاسف بجمع العشا والمغرب سوا و ف نفس الوقت انا داخل عليا الدروس اهو يعنى مينفعش اسهر تانى للصبح هل كده هاخد ذنب انى مصلتش الفجر ف معادو ؟
السلام عليكم بصي أولا كويس إنك بتصلي الفجر ف معادو دي حاجه كويسه جدا و لكن فكره انك تأخري صلوات منغير عذر شرعي ف دا غلط جدا هقولك افكار ممكن تعمليها تخليكي تصحي تصلي ف وقتو اولاً حاولي مثلا تظبطي نومك بحيث تصلي العشا و تنامي و تصحي ع الفجر هتكوني نمتي حوالي ٧ ساعات ف هتقدري تصحي تصلي و بالنسبه للدراسه ف صلي الفجر و ذاكري بعدها لو حابه تنامي بعد متصلي ف نامي هتصحي ع الضهر لإن هتكوني خلاص اخدتي كفايتك من النوم و زياده ثانياً لو انتي من الناس اللي نومها خفيف ف اظبطي كذا منبه ف وقت الصلاه و يكون صوتو عالي عشان تصحي تصلي و لو نومك تقيل ف انتي اظبطي كذا منبه بردو بس حطي التليفون بعيد عنك بحيث انتي هتضطري تقومي و تقفليه من صوتو المزعج ف هتكوني فوقتي شويه و مدركه وقتها انك لازم تصلي ثالثاً و الأهم ادعي كتير إن ربنا يثبتك و تستعيذي بالله من الشيطان لما تلاقي نفسك مش قادره تقومي تصلي صدقيني ف البدايه الموضوع هيبقا صعب عليكي لكن حاولي مره و اتنين و عشره كمان و بعدها هتتعودي انك تصحي ف كل صلاه و موضوع الدروس دا محلول يعني انتي لو وراكي دروس ورا بعض و هتبقي برا البيت اكيد هتلاقي ف السناتر مصليه متوفره تقدري تصلي عليها لو لبسك مش مناسب للصلاه خدي عبايه معاكي ف الشنطه مش هتاخد مكان كبير و افتكري ان الصلاه اهم من اي حاجه و يستحسن تكوني متوضيه قبل متنزلي من البيت نفترض ان معرفتيش تصلي ف السنتر ف لما تخلصي درس يعني بين دروسك مثلا روحي اي محل يكون اللي شغال في بنات و قوليلهم انك عايزه تصلي و هم هيدوكي مصليه تصلي عليها اكيد بردو هتلاقيها متوفره عندهم و حابه اعرفك انك لو متعمده انك تأخري الفجر عشان درس او انك عايزه تنامي ف ده حرام بس لو ف مره نيتك تصحي تصلي و لكن منغير قصد ظبطتي كذا منبه مثلا أو غلبك النوم و المنبهات مرنتش ف ساعتها مش هتأثمي ع ده ثبت في صحيح مسلم أن رسول الله صلى الله عليه وسلم قال: من نسي صلاة أو نام عنها فكفارتها أن يصليها إذا ذكرها يعني مثلا فاتك الفجر بدون قصد و لقيتي نفسك صحيتي عشره الصبح مثلا و بصيتي لقيتي ان الفجر فاتك متكمليش نوم و تقولي خلاص فاتني مش هقدر اصليه لاء قومي و صليه اول متفتكريه اتمنى اكون افدتك و أسأل الله لكي الهدايه
تم النشر الأربعاء، ١٧ يوليو ٢٠٢٤
وعليكم السلام ورحمة الله وبركاته، أنا فاهمة تمامًا انك ممكن تواجه صعوبة في الحفاظ على مواعيد الصلاة بسبب السهر، خصوصًا لو عندك مسؤوليات مثل الدروس والمذاكرة. الأمور دي ممكن تكون مرهقة جدًا، ولكن الصلاة هي واحدة من أركان الإسلام الخمسة وضروري نقدم لها أولوية. الآيات اللي بتتكلم عن أهمية الصلاة بتشير لضرورة الحفاظ على أداء الصلوات في أوقاتها وعدم التهاون فيها، لكن الإسلام دين يسر وليس عسر، طالما الظروف وضغوط الحياة هي اللي بتسبب التأخير. بالنسبة للحر، حاولي ترتبي وقتك بحيث تقدر تنامي وتاخدي راحتك بعد صلاة الفجر لو أمكن. ممكن تستخدمي منبه أو تطبيقات على الموبايل لتساعدك تنامي مبكر وتفوقي لصلاة الظهر والعصر. أما بالنسبة للجمع، فالجمع له حالات مخصوصة زي السفر أو الأحوال اللي فيها صعوبة أو مرض. لكن في عموماً يُفضل إن الصلوات تتصلى في وقتها. جربي تحددي أوقات نوم منتظمة تساعدك تفوقي للفجر وكمان تحافظي على نشاطك للدروس، ولو لسه واجهتي صعوبة، ممكن تستعيني بأحد من العائلة يساعدك أو تتواصلي مع شيخ في المسجد يقدر يقدم لك نصائح إضافية. ربنا يقويك ويثبتك على الطريق الصح، والتزامك يعتبر خطوة كبيرة نحو التحسين. Keep up the good work!
تم النشر الثلاثاء، ١٦ يوليو ٢٠٢٤
لعرض السؤال في فدني اضغط هنا