لسه أقل من أسبوعين بالظبط علي الامتحان بلم علي قد ما اقدر وبحاول اذاكر بحفظ ولسوف فيديوهات علي اليوتيوب لكن باجى احل واطبق علي الأفكار مش بعرف تعبت من انى بتعب فى المذاكره والآخر بنسب حرفيا اكون لسه مذاكره امبارح واصحا تانى يوم احل الاقينى نسييييت بقيت بنسب حتى الكلام وناس كتير لاحظت حتى المدرسين وتفكيرى انستا وبسرح كتير وبفكر فى حجات كتير وانا بجد عاوزه اركز لانى فى سنه دراسيه مهمه وادعولي ارجوكوا🤍
لو التشتت و النسيان دا بسبب الفون او فتح السوشيال ميديا عامة خلال الدراسة ف دا حله هيكون اننا نبعد الفون اثناء المذاكرة ولو بنذاكر عليه هنفصل النت عن التطبيقات اللى بتعملنا تشتت بحيث ميكونش ليها لازمة و من ناحية انك بتصحى مش فاكرة اللى ذاكرتيه ف دا طبيعى جدا و المفروض لما تصحى او قبل النوم تقرى الجزء اللى ذاكرتيه قراية بتركيز حتى لو حسيتى ناسية ف عقلك بيوهمك و هتلاقى انك و بتقريه بتركيز اخدتى بالك من حاجات مكانتش واضحة و هتلاقى الحل بقى اسهل ..
تم النشر الاثنين، ١ يناير ٢٠٢٤
اسمع شرح الدرس مره وحده مينفعش تدي اهميه كبيره للشرح لان التطبيق عليه اهم وكانت بتسمع فديو الشرح امسك ورقه فاضيه بعيد عن مذكره المدرس وابدا اكتب وارسم الشرح بخط يتفهم بس على السريع بحيث متوقفش الفديو كتير وبعد كدا تجيب ورقه تفرغ فيها اللى ف المذكره واللى انت كتبتو بطريقه الخرائط الذهنيه وابدا حل وكتير مننا لما بيحل بيحل الواجب كلو وبعد كدا يصحح وده غلط كبير لانك الافضل تحل سؤالين وتصححهم عشان تستفاد من اخطائهم في الاساله اللى بعدها وبعد م تخلص الحل كله تعلم على الاساله اللى وقفت معاك و الاساله اللى حليتها غلط وتسمع فديو حل للكتاب اللى انت بتحل منه وده متوافر بكثره على منصه يوتيوب وب كدا انت معاك الدرس كلو مفرغ ف ورقه بطريقه الخرائط الذهنيه + الاخطاء اللى ممكن تقع فيها اللى عملت هايلايت عليها + شرح سبب الخطا في السؤال ملحوظه دايما ما يبقى في البدايه السؤال ممكن ياخد معاك اكتر من نص ساعه بس مع التدريب عقلك ببقا مرن ف ممنوع اليئس خالص ملحوظه ممكن لو بتذاكر اخر السنه وعايز تلحق تكتب ورا المدرس اثناء الشرح وتقارن بين اللى المدرس بيقوله وبين المصدر الشرح المتوفر بس اللهم الحل ثم الحل والنسيان يبقى عشان انت مطبقتش على المعلومات بالاساله ربنا يوفقك
تم النشر السبت، ٦ يناير ٢٠٢٤
حاولي متذاكريش مواد كتير في اليوم الواحد عشان متنسيش ذاكري ماده واحده الصبح بدري بيبقا افضل وقت للتركيز و افطري عشان الفطار بيساعدك تركزي اكتر و صلي الفجر و ابدأي ذاكري و طبقي بالحل على طول بعدها متستنيش يوم ولا يومين لاء بعدها على طول حلي و كل ساعتين راجعي اللي ذاكرتيه تاني و هكذا تاني يوم لما تبدأي ف الماده اللي بعدها راجعي على اللي ذاكرتيه ف اليوم اللي قبلو الأول بعدين ابدأي الماده التانيه و اعملي نفس الكلام و تعالي اخر الأسبوع حلي كتير مع مدرسين يوتيوب و راجعي على اللي اخدتيه في الأسبوع كلو و طبعاً متنسيش تصلي ركعتين قبل متبدأي مذاكره عشان ربنا يوفقك و ربنا معاكي ان شاء الله تجيبي مجموع حلو 💗
تم النشر الأحد، ٣١ ديسمبر ٢٠٢٣
ربنا معاكي يارب ويوفقك في الامتحانات ويعينك
تم النشر الثلاثاء، ٢ يناير ٢٠٢٤
قولي دعاء بعد المذاكرة " اللهم إني استودعك ما حفظت وما فهمت وما قرأت فرده الي عند حاجتي اليه " و حاولي تكلي اكل صحي ومكسرات وتشربي ميه كتير ، والنوم بعد المذاكره بيثبت المعلومات اكتر، ولما تحسي بكده قومي صلي ركعتين قضاء حاجه وادعي ربنا وربنا يوفقك
تم النشر الأحد، ٣١ ديسمبر ٢٠٢٣
ممكن تبقي مشكله بدنيه اصلا.. روحي حللي دم وشوفي فيتامينات اي اللي نقصااكي.
تم النشر الأحد، ٣١ ديسمبر ٢٠٢٣
لعرض السؤال في فدني اضغط هنا